Este mes,a editorial Santillana agasallounos cunhas sesións de contacontos.O alumnado de 1º e 2º de E.P. disfrutou recordando as obras lidas:

"Sapo y Sepo,un año entero" e "El secuestro de la bibliotecaria" son os libros en castelán que se elexiron para traballar co noso Proxecto Lecto-escritor.

Nestas sesións de contacontos,o alumnado interpretou varias secuencias destas divertidas historias.

SAPO Y SEPO,UN AÑO ENTERO

EL SECUESTRO DE LA BIBLIOTECARIA

O pasado 27 de febreiro,o alumnado de 2º de E.P. acudiu,unha vez máis, á Fundación Nova Caixa Galicia de Ferrol.Esta vez fomos visitar a exposición "Da fantasía á realidade".Pintura en Galicia de 1833 a 1936.

Tras a visita,levamos a cabo un pequeno obradoiro relacionado co que aprendimos sobre as cores.

O pasado venres 21 de febreiro os nenos e nenas de 1º de Educación Primaria visitamos unha granxa nos Castros,en Carantoña.

Nela puidemos ver como viven as vacas e,sobre todo,puidemos acariñalas e facerlles compañía.

Ademais,os donos da granxa,foron moi amables e leváronnos a visitar os cuxiños pequerrechos.Eran preciosos e moi mansiños.

Por se fose pouco,a mañá rematou cunhas riquísimas galletas.Máis non se pode pedir!

O alumnado do 1º Ciclo de E.P. elaborou un queixo fresco coa axuda de Carmen, a nai do noso compañeiro Héctor.

Tomade boa nota de como o podedes facer nas vosas casas!

Ingredientes:

-5 litros de leite

-2 culleriñas de calleiro (fermento natural que podedes encontrar na farmacia)

-Unhas areas de sal

Preparación:

-Collemos o leite, a ser posible que sexa de vaca acabada de muxir.

-Botámoslle as areas de sal e o fermento natural.

-Nun par de horas, se xa está o leite callado, revolvemos ata que quede esmiuzado. Logo, imos sacando o soro.

-Botamos nun escorrdoiro e, ao cabo dunha hora, dámoslle a volta. Aínda vai seguir saíndo soro.

-Deixamos na neveira e... ao día seguinte xa o podemos zampar!

No mes de xaneiro o alumnado de 2º de E.P. elaborou unha mus de limón.Unha receita moi sinxela de tan só tres ingredientes:iogur,leite condensada e limón.

Nesta ocasión acudiron ao obradoiro distintos mestres do 1º Ciclo que nos botaron unha man.Fixemos a cantidade suficiente para invitar aos nosos compañeiros e compañeiras de 1º de E.P.

Un ano máis, o alumnado de 1º Ciclo de E.P. quere colaborar co proxecto de Biblioteca do noso Centro. Este curso estamos a traballar o Renacemento e o Barroco.

No Festival de Nadal interpretamos sendas obras teatrais sobre os inventores e descubrimentos desta época da nosa Historia.Esta será tamén a nosa temática de cara ao Entroido.

O pasado 29 de novembro, o alumnado de 1º Ciclo de E.P. acudíu á Fundación Nova Caixa Galicia para asistir a unha representación: "A nena e o grilo nun barquiño".

Aproveitando a viaxe,os nenos e nenas de 1º de E.P visitaron o mercando de A Magdalena,facendo un percorrido por todos os postos de froita,verdura,carne...

Mentras tanto,os compañeiros e compañeiras de 2º de E.P. visitaron o mercado do peixe.

Tanto nun lugar coma noutro, as persoas dos distintos postos explicaron ao alumnado as características dos distintos productos que alí se venden.

Na primeira semana do mes de novembro, o alumnado de 2º de E. P. elaborou unha saborosa marmelada de mazá.

Como podedes comprobar... cociñar é moi divertido!

Ademais, aprendemos unha chea de cousas: autonomía, colaboración, coñecemento do medio...

Ao día seguinte puidemos saborear a nosa marmelada con pan e manteiga. O certo é que non lle gustou a todo o mundo por igual, pero todos e todas comeron a súa porción.

Un ano mais o alumnado de 2ºA e 2ºB de E.P. foi facer a vendima:xa están feitos uns expertos na materia!

Un dos mellores métodos para aprender é a experiencia.Recoller as uvas,prensalas e ver como sae o mosto axúdanos a entender o proceso da elaboración do viño.

Non deixedes de ver as fotos na galería!

Aproveitando un dos poucos días de sol que nos trouxo a primaveira,o alumnado de 1º Ciclo de E.P. realizou unha bonita saída polo entorno.

O Concello de Miño brindounos a oportunidade de visitar a ETAP e o muíño de vento de Bemantes.

Primeiro explícaronnos o proceso polo cal a auga( do río Lambre) chega ás nosas casas sendo potable.

Logo, acudimos ao muíño de vento de Bemantes para aprender como moían os cereais os nosos antergos.