Hoxe, na aula de Tecnoloxía, tivemos a visita do alumnado de Primaria. Os alumnos de 4º da ESO amosáronlles os proxectos feitos na materia de Tecnoloxía en 1º, 2º e 4º da ESO. Moitas grazas pola visita!!!

Como actividade para o día 8 de marzo, Día Internacional da Muller, desde o departamento de Francés queremos recordar a todas esas mulleres que foron e aínda son, importantes nas nosas vidas: nais, avoas, mestras, científicas, artistas, escritoras, activistas, esposas, irmás, fillas… Aquelas que nos serviron de exemplo, que admiramos, que queremos, que nos mostraron a forza dentro de cada unha delas e nos axudaron a comprender o que move o mundo. Por todas as mulleres, famosas ou anónimas, que marcaron unha diferenza nas nosas vidas, queremos iniciar hoxe un mural para homenaxealas durante todo o mes de marzo.

Enlace ao MURAL

Este curso volvemos celebrar o 8M: Primaria fixo un abecedario de mulleres que deixaron pegada e a ESO participou nuns obradoiros para traballar a igualdade desde unha perspectiva musical.

Así celebramos o Entroido este curso:

Este vídeo é o resultado do traballo de todo o alumnado do centro. Educación Infantil, 1º e 2º de Primaria e todo o alumnado da ESO confeccionaron o mural. O alumnado de 3º a 6º de Primaria e de 2º da ESO gravou o vídeo. Por último, o vídeo foi editado por Adrián coa colaboración de Fran, ambos de 4º da ESO.

Hoxe acabamos as clases marcando ben o ritmo co grupo EcoPercusión (Didier Díaz e Eduardo Ponce). Despois de ensaiar un tempo e de romper unhas cantas baquetas mirade como nos saiu:

Aquí tedes as fotos das actuacións do alumnado de Infantil no festival de Nadal.