Inicio

Actividades

Visita do alumnado do CRA

O alumnado do CRA visitou o noso centro na que puideron disfrutar dunha sesión de E. Física no pavillón, para pasar a visitar a nosa biblioteca e ver o seu funcionamento así como a variedade de libros dos que dispoñemos. Tamén se lles contou un conto e puideron ver como un grupo de alumnado lles representou un pequeno teatro.

MUSE 5

Este mércores tivemos unhas sesións Muse moi especiais xa que recibimos a diferentes familias que tiveron a ben realizar unha viaxe da man de Mercedes e o Zampadanzas.
Comezamos as sesións en Galicia a través do Xogo da Carrasquiña.
A viaxe iníciase con 1⁰ de EP que  se dirixiu en moto a Dinamarca e bailaron a ritmo de valse e por último cruzaron o océano nun transatlántico para, ao chegaren a México, bailar o Machete.
Despois foi o turno de 2º de EP que colleron un avión directo ao Brasil para desfrutar da Ciranda. Nenos e nenas, profes e familias improvisaron diferentes pasos de baile e foron movendo o seu corpo ao ritmo da música. A continuación, chegaron en barco ata México onde seguiron danzando ao ritmo dos Machetes para o que tiveron que moverse formando diversas liñas paralelas ao longo do espazo. 
Máis tarde 6⁰  viaxou a  Bélxica e fixeron a Polka de Ramón na que con grande ímpetu se desafiaron e danzaron co paso de polka.
 
Por último, foi o turno de 5º de EP, nesta ocasión comezaron co Ball do Rogle, unha danza catalá.   Despois emprenderon unha viaxe en avión con escala en Bélxica, onde aproveitaron para moverse ao ritmo da Polka de Ramón. O percorrido seguiu ata chegar a Xapón, o destino final desta viaxe. Alí bailaron a rítmo do Tanko Bushi.
 
Para a vindeira semana contaremos de novo con Mercedes e poderán desfrutar destas sesións as familias de 3⁰ , 4⁰ e 5⁰ de EP. Animádevos a asistir!
 
 

Aquí podedes ver todas as fotos e vídeos.

Visita ao muíño da Sorralleira

Aurelia, Joaquín, Jesús, Tomás, Sofía, Carme e Carmucha, usuarios do Centro de día acompañaron ao alumnado de terceiro e cuarto de Primaria na visita ao muiño de Teaio. Nunha contorna natural de gran beleza, Isabel contounos a historia do muiño da Sorralleira e outros que hai ao longo do regueiro e que a súa familia está intentando restaurar. O mecánico José explicounos o seu funcionamento e botouno a andar. Puidemos debullar o millo, peneiralo , moelo, tocar e ulir a fariña, xogar a construir cos carozos e gozar da paisaxe e da compaña. Mamá Isaura lembrou algunhas cantas do muíño e todxs nos animamos a cantar e tocar a pandeireta. Foi unha xornada deliciosa que nos axudou a por en valor o noso. 

Moitas grazas a Isabel e a súa familia por este labor de recuperación e ao Centro de día por compartir connosco.

 

 Aquí podedes ver todas as fotos da actividade.

 

 

 

 

 

 

Regueifesta

 

Este venres houbo troula,
houbo unha grande festa,
no Auditorio de Galicia,
celebrouse a Regueifesta.
 
Dodro estivo alí presente,
coa rapazada de sexto,
que enfiou tan ben as coplas
que levou ata un premio.
 
A regueifa é coñecida,
pero alí aprendimos,
que no Ulla son atranques,
e no Courel cantan brindos.
 
Por Vilariño de Conso, 
o que crean son as bombas,
en Euskadi bersolaritza,
por Catalunya as glosas.
 
Desde Trives o folión,
cos seus bombos e aixadas,
fixeron tremer o palco,
quedamos marabilladas.
 
Esta festa da poesía ,
e da palabra cantada ,
foivos unha regalía,
vai ser por nós recordada.
 
Máis vídeos e fotografías:

MUSE. Sesión 4

 

Nesta cuarta sesión con Mercedes son xs alumnxs os que propoñen movementos e estas propostas constrúen a coreografia.

Desta maneira  inventamos e creamos danzas distintas a partir do que lemos no libro Zampadanzas e preparámonos para a seguinte sesión, na que estarán convidadas as familias para unha actividade conxunta. Agardamos ansiosos!

 

 Aquí podedes ver todas as imaxes e o vídeo.

 

 

 

Terceira sesión MUSE

O mércores 29 de marzo Zampadanzas e a súa irmá Filismina, apaixonada das clases de baile, guiáronnos  nun percorrido polo mundo. Os raios do sol e o vento lixeiro acompañaron os nosos pasos na Danza del rogle, Polca de Ramón, Bitte Mand i Knibe (Danza da moto), Ciranda, Tanko Bushi. Partimos de Cataluña e pasamos por Bélxica, Dinamarca, Brasil, Xapón e rematamos de novo en Galicia, no marabilloso patio do noso cole bailando A carrasquiña. 

En breve, todas as familias serán convidadas ao famoso restaurante Zampadanzas para bailar todxs xuntxs guiados por Mercedes Prieto.

Moitas grazas, Mercedes! 

Aquí están todas as imaxes da actividade.

Hábitos saudables

Este venres 24 de marzo, 1º e 2º de E.P,  tivemos unha sesión  de  Hábitos Saudables, continuando con todo o que aprendimos, fixemos a práctica:  unha receita moi saudable " HUMMUS CASEIRO" participando todos-as, e como non, probamos o resultado final.
 
Aquí tedes o enlace ao vídeo.

Sesión 2 MUSE

Hoxe no Mus-e, volvemos ao restaurante de Zampadanzas. Desta volta, levounos ao outro lado do mundo: á Polinesia. Tivemos que ir moi lonxe para facer unha viaxe en canoa e atopar un novo fogar nas Illas Cook.  Os nenos e nenas de 1.° acompañamos o rey Tiki bailando ao son do Hoe Ana. Os de segundo repasamos A carrasquiña e viaxamos a México coa danza Os machetes. Ata Bélxica fomos os de sexto coa Polka de Ramón e os de quinto quedamos en Portugal bailando Toma lá dá cá. 

Pasámolo moi ben percorrendo o mundo co Zampadanzas!

 

Aquí tedes os vídeos e fotos da actividade. E aquí o vídeo de segundo de Primaria.

Cumpreanos de Marina

O sábado Marina cumpriu 88 anos. Velaquí a temos atenta ao video de felicitación que lle enviamos desde o cole. Quedou moi contenta e emocionada.

 

Saída a Santiago

O alumnado de 3° e 4° viaxamos a Santiago para ver  obra" Nautilius, 20000 leguas de viaje submarino". Despois merendamos na Praza de San Martín  Pinario e fixemos unha pequena Ruta pola Zona Vella e para rematar, un pouco de xogo no Parque de Bonaval.

Powered by Drupal - Design by artinet