O venres 21 de decembro celebramos o festival de Nadal. Presentado por Nerea e Borja, deleitounos con panxoliñas, espectáculo de mimo, flauta e pandeiretas. Tamén música máis "roqueira" da man do alumnado de 2º, 3º e 4º de ESO. Non podía faltar o tradicional "Petit Papa Noel" en francés e "I wish you a Merry Christmas" in English.

GALERÍA DE FOTOS FESTIVAL

Tamén se realizaron actividades navideñas de elaboración de menús típicos destas datas. O curso encargado desta bonita tarefa foi 4º de primaria.

GALERÍA DE FOTOS MENÚS

Ás mozas e mozos de 5º e 6º non nos arrepía o mal tempo, por iso partimos cara a Compostela para gozar da obra "De los cuentos a las cuentas" no auditorio da sala Abanca, puidemos reflexionar sobre a importancia dos bens materiais e dos proxectos e soños persoais.Para rematar a mañá e combater a choiva, achegámonos á Cidade da Cultura para desfrutar da exposición "Castelao Maxistral" observando viñetas e debuxos do noso prezado Castelao e sentindo emoción ante o considerado guernica galego "A derradeira lección do mestre"...

O xoves día 3 de maio o alumnado de ESO fixo unha viaxe ao Concello de Beade para visitar o Bosque de Ridimoas. Esta actividade foi organizada polo Departamento de Ciencias Naturais e guiada por persoal do Concello. 

Pola tarde achegáronse a Ribadavia para desfrutar dunha ginkana cultural organizada polo profesor de Xeografía e Historia.

MÁIS FOTOS NO ENLACE

 O venres día 28 de outubro celebramos o Samaín, o magosto e halloween....houbo de todo: lectura de contos de medo, obra de teatro, exposición de cabazas, concurso de contos de misterio con premios incluídos (os premios tamén foron un misterio xa que non nolos ensinaron...sospeitamos que foron libros e cómics)....

As fotos poderedes velas nos enlaces adxuntos: enlace1 e enlace2

Grazas a todos por colaborar !!!!!

Bases:

Establécense dúas modalidades:

- Microrrelato de 33  palabras exactas.

- Haiku (poema breve de 3 versos, cun cómputo silábico exacto de 5-7-5, sen rima; a temática soe combinar a observación minuciosa dalgún detalle da  natureza ou do entorno xunto coa expresión dun estado de ánimo ou sentimento lírico)

Tanto o microrrelato como o haiku deben estar escritos en lingua galega e deben ser orixinais.

O prazo de presentación remata o luns 9 de maio.

En Primaria establécense dous premios por cada modalidade e aula e, en secundaria un único premio por modalidade e aula.

Os textos deben presentarse a limpo e con letra lexible, indicando nome e apelidos do autor/a, e o curso ao que pertence.

O xurado estará composto por profesorado do Centro e poderá declarar deserto un premio en calquera das categorías se así o estima oportuno.

A entrega de premios efectuarase o venres día 13 de maio durante o festival das Letras Galegas.