O I.E.S. de Curtis engade á súa oferta formativa a partir do curso 2021/22 o Grao Superior en Automoción, na modalidade de FP Dual. (consulta aquí o calendario de matrícula)

Esta nova xanela aberta permitirá continuar coa súa formación ao alumnado que xa cursa o Ciclo Medio de Electromecánica de Vehículos Automóbiles, do mesmo xeito que abre unha nova saída a aqueles alumnos e a aquelas alumnas que rematan os seus estudos de Bacharelato ou cursaron outro grao medio.

O 54% da formación levarase a cabo no noso centro, mentres que o 46% restante será responsabilidade das empresas colaboradoras. O alumnado percibirá a metade do salario mínimo en concepto de bolsa durante a súa estancia nestas empresas, as cales pertencen aos sectores de automoción, agrícola-industrial e mantemento industrial, e son as seguintes:

 Na zona de Curtis:

• Maquinaria Agrícola Romay SL
• Agrícola Castelao SL
• Agrícola Curtis SL
• Teixeiro Automoción SL
• Talleres TAMECA
• Sergrauto
• Agrobarreiro SL
• Durán Maquinaria Agrícola SL
• Alcongal SCOOP
• Aserpal SA

 A estas empresas únenselles desde distintas localidades:

• Grupo Lual Automoción SL (Melide)
• Plataformas elevadoras, grúas y servicios de transporte Norte SLU (Santiago de Compostela)
• Talleres Álvaro (Arzúa)
• Integral Motion SL (Bergondo)
• Manuel Rey Automóviles SA (Betanzos)
• Agrelo Móvil SL (Arteixo)

Montaxe dun motor en tempo récord from Curtisbiblio on Vimeo.