Os Amigos dos Músicos estrean canción sobre o entroido, Que non pare a festa. Neste ano, onde non vai poder haber desfiles, carvanais, folións,..., parece que anima oílos e ver este vídeo tan bonito e colorido. No vídeo saen unha vintena de personaxes tradicionais nunha especie de folión cheo de cor e algarabía. Aquí danza o boteiro de Viana do Bolo ao son das súa esquilas (chocas) xunto a un felo de Esgos, tocando as súas cunchas. Tamén pasa un burlón chocalleiro de Vilardevós cun pandeiro e un vellarón de Riós...
Grazas a todas e todos por participar. Aquí vos deixo ou vídeo onde figura o nome de todos os que fixestes o recitado do poema de Celso Emilo. Proximamente repartiranse os punto do EDLG.
A da Candeloria (a festa das candeas) ten unha orixe pagá que se remonta a tempos anteriores á romanización.
Na cultura popular galega a da Candeloria é "a festa da luz", xa que comezan a medrar os días e a facerse máis pequenas as noites, xa falta pouco para primavera (coincide na metade do inverno, no intre xusto entre os solsticio da estación fría e o equinoccio de primavera), ... Tamén é o momento que volven os paxariños que migraron (e retornan ás súas terras os que aquí pasaron o inverno) e se emparellan para facer xuntos o niño. Consulta o blogue de EDLG para saber máis cousas sobre esta festa tradicional.
Dende o EDLG queremos promover dúas accións:
1. OBRADOIRO DE ORIGAMI
Aprender a facer paxaros de papel cun vídeo, xa que non podemos facer o obradoiro presencial, para decorar o centro, aulas, casa, ...
2. O concurso CHÍOS DE AMOR.
Fai mensaxes curtas e colócaas na exposición que haberá na cortiza de EDLG co teu nome detrás. A declaración de amor pode ser moi amplo (namorado, namorada, amiga, pais, lingua, ...). BASES
‘Contaxio’ é unha viaxe polo dicionario, para descubrir como se sente esta palabra e coñecer a súa relación con outras palabras como “medo”, “inxustiza” ou “pobreza”, pero tamén as oportunidades que lle brindan outras como “ vacina”, “medicina” ou “investigación”.
Este conto pretende sumar o seu grao de area para promover o dereito dos nenos, nenas e adolescentes á educación e a estar informados dos temas que lles afectan: un conto que fala da actualidade, das implicacións do coronavirus, un conto para a historia.
Promovido por UNICEF e a actriz e presentadora Lucía Regueiro, Amiga de UNICEF Comité Galicia, ‘Contaxio’ é un conto colaborativo escrito por María Solar, Ledicia Costas e Fran Alonso, e coa ilustración de portada do pintor Leandro Lamas.
Un amplo elenco de actrices e actores de Galicia participan nesta iniciativa poñendo a súa voz: Xúlio Abonjo, Miguel Canalejo, Monti Castiñeiras, Isabel Naveira, Federico Pérez, Lucía Regueiro, Beatriz Serén e María Vázquez; ademais da realizadora Lucía Rodríguez.
O Equipo de Dinamización da Lingua Galega, en colaboración coa Biblioteca e o Departamento de Lingua Galega, convoca o III CONCURSO DE CONXUROS para festexar o Samaín.
Enténdese por conxuros ou esconxuro todo tipo de invocación, máis ou menos rimada, aos poderes de toda índole: físicos, espirituais, morais, atmósféricos, sobrenaturais,… A finalidade deste concurso é recadar conxuros para que desapareza todo o negativo que hai no mundo.
Rilla-rilla é un espectáculo interactivo en forma de concurso que tenta pór de manifesto a variedade dialectal do noso idioma. As ondas e o salitre hannos levar ao lugar das palabras esquecidas. Rilla-rilla é un espectáculo dinámico conducido por Atenea García, a actriz e presentadora deste particular consurso, onde o público pasa a ser protagonista desde o primeiro momento.
Xoves, 8 de outubro ás 18.00 h, Centro Sociocultural do Graxal
PROTOCOLO COVID-19:
Ac c e s o a b e r t o a p a r t i r d a s 1 7 . 3 0 h
Af o r o l imi t a d o p o r o r d e d e c h e g a d a
A Real Academia Galega (RAG) e a Fundación Barrié convocan a través da web do Portal das Palabras o concurso Olla a Palabra do Día! A iniciativa, dirixida aos centros de educación infantil, primaria e secundaria, repartirá oito premios entre os traballos do alumnado que lles poñan imaxes aos termos da sección Palabra do Día publicados na plataforma durante o mes de outono
