Dentro dos actos para reivindicar a celebración do 25-N e na nosa Biblioteca podemos ollar unha exposición de filósofos e filósofas contra a violencia machista. Esta exposición foi elaborada polo departamento de Filosofía co alumnado de 4º ESO.
En palabras do profesor de Filosofía, Víctor González: "E se na laboura de investigación e pescuda as que están habituados homes e mulleres de ben valorado fuste intelectual, pensade en científic@s, historiador@s, antropólogo@s, arqueólog@s e ata filósof@s, xente así de amplos e profundos estudos, e se, digo, intelectuais desta talla atopasen en museos, catacumbas ou cottolengos, da igual o sitio, obras extraviadas de filósofos (e digo filósofos e non filósofas con toda a intención) que rexeitasen aqueles textos machistas que escribiran tempo atrás? E se as obras fosen de Aristóteles, que na súa época negoulle dignidade humana ás mulleres, ou de Tomás de Aquino, de Nietzsche ou Schopenhauer, entre outros filósofos, misóxinos recoñecidos, e todos dunha talla intelectual fóra de toda dúbida? E se....?
Para mostra, un botón, "Sabíades que calquera acción que provoque dano do corpo dunha muller, empurrón, belisco, simple rabuño son violencia física, maltrato, que merece ser castigado?" (calquera erro na tradución é atribuíble a que isto escribe, non ao autor) Sabedes a quen se lle atribúe a autoría deste fragmento? Nin máis nin menos que ao mismísimo Aristóteles. E é só unha mostra.... Na Biblioteca do IES de Valga, a partir do venres 25 de novembro, poderedes ler este e outros fragmentos. Visita inexcusable... Si, abride ben o ollos, escépticos do mundo enteiro...
E se outra filosofía fose tamén posible?...ai, soñadores!
Saúde"
