Actividades

Alumnado de 1º do C.F.M. de Soldadura e Caldeiraría participou nun taller de primeiros auxilios

Mar, 14/05/2024 - 10:07 — IES de Valga

No IES Plurilingüe de Valga continuamos a traballar no eido da prevención e a protección da saúde co noso alumnado con talleres teórico prácticos de primeiros auxilios.
Nesta quenda, este pasado venres 10 de maio, o alumnado de 1º do C.F.M. de Soldadura e Caldeiraría de mañá, aprendeu como executar de maneira axeitada as accións da cadea de supervivencia e practicaron as súas habilidades na aplicación de técnicas de primeiros auxilios.
O obxectivo é fomentar a prevención de riscos, que o alumnado identifique situacións críticas e saiba ata que punto actuar seguindo os principios xerais de actuación, no que se refire ás medidas do soporte vital básico e o uso do desfibrilador.
A actividade, foi organizada pola responsable do Departamento de Formación e Orientación Laboral e impartida por Ana Mª Buján Martínez, enfermeira, docente e voluntaria de Cruz Vermella de Pontevedra.

Alumnado do 1º curso do SOCA Dual e do Certificado de Profesionalidade de Soldadura participou nun taller de Primeiros Auxilios

Sáb, 06/04/2024 - 20:33 — IES de Valga

O IES Plurilingüe de Valga segue a traballar na prevención de riscos e aplicación de técnicas de primeiros auxilios co noso alumnado.
Nesta quenda participou nun taller teórico-práctico de primeiros auxilios, o alumnado de 1º do C.F.M. de Soldadura e Caldeiraría de Dual xunto co alumnado do Certificado de Profesionalidade de Soldadura TIG e con electrodo, que nestes intres se está a impartir no centro.
O obxectivo do mesmo foi fomentar a prevención de riscos laborais e proporcionar coñecementos sobre as técnicas básicas de primeiros auxilios, que o alumnado identifique situacións críticas e pode actuar, ata que punto siga os principios xerais de actuación e mellore as habilidades na prestación básica de primeiros auxilios e en particular, no que se refire ás medidas do soporte vital básico e o uso do desfibrilador.
A actividade, foi organizada e impartida pola responsable do Departamento de Formación e Orientación Laboral en colaboración co Servizo de Emerxencias de Valga, a tarde do xoves 21 de Marzo.

Alumnado de Ciclos agasallado por MC Mutual conmemorando o Día Mundial da Seguridade e Saúde no Traballo 2023

Ven, 01/03/2024 - 00:49 — IES de Valga

Unha da nosas alumnas de Mecanizado, Irene Piñeiro Rarís e dous alumnos de Soldadura e Caldeiraría, Raúl Piñeiro Martínez e Esteban Búa Solla foron finalistas na XV edición dos premios MC 28 de abril, Día Mundial da Seguridade e Saúde no Traballo, otorgándoselle a éste último un accésit.
Por ese motivo, acaban de recibir uns agasallos de mans de MC Mutual, empresa saudable que traballa no campo da seguridade e saúde laboral, promovendo a conciencia preventiva e entre otras cousas, convocando este certame coa finalidade de conmemorar o “Día Mundial da Seguridade e a Saúde no Traballo” aportando unha visión positiva da prevención desde a perspectiva dos traballadores e dos estudantes.
Nestes intres, xa estamos a traballar no novo certame. Seguimos a traballar pola prevención contribuíndo coas nosas aportacións. Parabéns!!! ao alumnado participante.

Alumnado de 2º curso do Ciclo Medio e Superior participou nun obradoiro de emprendemento

Mar, 23/01/2024 - 14:18 — IES de Valga

O luns 22 de xaneiro vén de celebrarse un Obradoiro de emprendemento co título de “Coñece as cooperativas e sociedades laborais”, co obxectivo de achegar ao alumnado á posibilidade de emprender baixo unha fórmula de economía social.
En dita xornada,organizada polo Departamento de Formación e Orientación Laboral, tratouse de ensinar e por en valor o funcionamento do emprendemento colectivo e de traballo asociado como unha posibilidade real de desenvolvemento profesional e persoal, onde se persegue o interese colectivo das persoas que as integran ademais o interese xeral económico ou social, e achegar experiencias reais de emprendemento con exemplos de entidades de éxito en Galicia.
Ademais informóuselles das distintas ferramentas e recursos de apoio á creación das mesmas e a posibilidade de participar nun Certame de Cooperativismo no Ensino.
A actividade que tivo lugar na aula de informática de Ciclos Formativos en horario de 16.30 a 18.10 horas, foi a cargo de Ana Olveira Blanco, cooperativista en Abeluria Coop, entidade socia da Rede Eusumo; investigadora do Centro de Estudos Cooperativos da USC e presidenta de Espazocoop Unión de Cooperativas.
Os destinatarios foron os grupos de 2º de CM de Soldadura e Caldeiraría, de réxime ordinario e Dual e 2º de CS de réxime ordinario de Construcións Metálicas.

Visita á empresa Aluminios Cortizo do 2º curso dos Ciclos Formativos Superior e Medio

Sáb, 11/11/2023 - 22:55 — IES de Valga

Este pasado 8 de novembro, dentro das actividades organizadas polo Departamento de FOL, e no marco das accións de colaboración formativa con empresas do sector, tivo lugar a visita dos grupos de 2º de CS de Construcións Metálicas, 2º CM de Soldadura e Caldeiraría de réxime Ordinario e Dual ás instalacións da sede central de Aluminios Cortizo en Extramundi-Padrón.
Na chegada recibiron un taller de empregabilidade con persoal do Depto. de Selección de persoal, co obxectivo de darlles a coñecer estratexias no proceso de procura de emprego e nos procesos de selección, ademais de acaceder ao seu portal de emprego deixando o seu c.v . na base de datos da empresa.
Posteriormente realizaron unha visita guiada por Antón García Cristobo, Responsable e Técnico do Departamento de formación e captación de talento, que lles explicou con detalle todo o proceso completo do ciclo do aluminio, dende as fases de fundición e extrusión de materia prima ata os acabados e materialización en productos diversos, rematando cunha exposición dos mesmos no showroom que a empresa ten na área de I+D+I. Na mesma acudiron acompañados polas docentes Yolanda Carbia e Bibiana Bértoa.