Actividades

Nova sesión das xornadas de prevención de riscos laborais no sector do metal

Xov, 07/04/2022 - 20:33 — IES de Valga

O martes 05 de abril, en horario de 16.30 a 18.00, impartiuse a segunda sesión das Xornadas sobre prevención de riscos laborais no sector do metal, organizadas polo Departamento de Formación e Orientación Laboral. Na mesma, deuse a coñecer as funcións e servizos da entidade colaboradora, Asociación de Industrias do Metal e Tecnoloxías Asociadas de Pontevedra (ASIME), e estivo centrada na identificación dos riscos laborais específicos do sector, así como os dereitos e obrigas laborais nesa materia e a concienciación sobre a importancia de emprego das mesmas. Puideron tamén ver unha mostra de algúns EPIs e aparatos medidores ambientales como os sonómetros.
Foi impartida por David Lagoa Costa, Enxeñeiro Técnico e Técnico Superior en Prevención de Riscos Laborais, do servizo de prevención mancomunado de ASIME, e tivo como destinatarios ao alumnado de formación profesional dos grupos de 1º de CM de Mecanizado Dual, 1º de CM de Soldadura e Caldeiraría Dual e Adultos e 2º de M de Soldadura e Caldeiraría Adultos.

Xornadas de prevención de riscos laborais no sector do metal no noso centro

Mar, 05/04/2022 - 23:20 — IES de Valga

O xoves, 31 de marzo vén de celebrarse a primeira sesión das Xornadas sobre prevención de riscos laborais no sector do metal. As sesións son a cargo de persoal Técnico de Prevención de Riscos Laborais da Asociación de Industrias do Metal e Tecnoloxías Asociadas de Pontevedra (ASIME), e encádrase dentro das actividades complementarias á formación organizadas polo Departamento de Formación e Orientación Laboral.
O obxectivo é, por unha banda, coñecer as funcións e recursos da asociación, e principalmente,
identificar os riscos laborais específicos do sector, así como as medidas de prevención e protección e a concienciación sobre a importancia do emprego das mesmas.
A primeira sesión, celebrada en horario de 13.00 a 14.30, que foi impartida por Purificación Martínez Cobas, Técnica Superior en Prevención de Riscos Laborais do Servizo de Prevención Mancomunado de ASIME, tivo como destinatarios ao alumnado de formación profesional dos grupos de 1º de CS de Construcións Metálicas, de réxime ordinario e 1º de CM de Soldadura e Caldeiraría, de réxime ordinario.

Alumnado de Ciclos asiste a un Obradoiro sobre a Economia Social e Cooperativismo

Xov, 18/11/2021 - 00:54 — IES de Valga

O luns 15 de novembro, alumnado do 2º curso dos distintos niveis de Ciclos Formativos do noso Centro asisitiu a un Obradoiro sobre sobre a Economia Social e Cooperativismo. Con esta actividade o alumnado puido coñecer entre outros obxectivos: a importancia da economía social e amosar as alternativas de emprego da mesma, así como do emprendemento colectivo en empresas laborais e cooperativas, sobre todo as de traballo asociado e xuvenís, ademais de coñecer os recursos e ferramentas a disposición do impulso ao cooperativismo. O obradoiro foi impartido por Ana Oliveira, consultora, investigadora e formadora de Abeluria, cooperativa para a economía social, e presidenta da Unión de Cooperativas Espazocoop. Foi organizado polo departamento de FOL.

OBRADOIRO DE ECONOMÍA SOCIAL E COOPERATIVISMO 2021

Ven, 12/11/2021 - 11:03 — IES de Valga

Dentro das actividades complementarias o Departamento de Formación e Orientación Laboral organizou un obradoiro sobre a economia social e Cooperativismo para os grupos de 2º dos Ciclos Formativos.
Os obxectivos da mesma son achegar ao alumnado á economía social e valorar a súa importancia, dar a coñecer as características e particularidades da mesma e as figuras que hai en Galicia, amosar as alternativas de emprego na economía social e do emprendemento colectivo en empresas laborais e cooperativas, sobre todo as de traballo asociado e xuvenís e coñecer os recursos e ferramentas a disposición do impulso ao cooperativismo. Desenvolveráse este vindeiro luns 15 de novembro, en horario de 16:30 a 18:10 horas, na Aula Técnica 1 e os destinatarios serán:
2º de CS de Construcións Metálicas, réxime ordinario de mañá.
2º de CM de Soldadura e Caldeiraría, réxime ordinario de mañá.
2º de CM de Soldadura e Caldeiraría, réxime de dual de tarde.
2º de CM de Soldadura e Caldeiraría, réxime de adultos de tarde.
A actividade será a cargo da consultora, investigadora e formadora de Abeluria, cooperativa para a economía social, e presidenta da Unión de Cooperativas Espazocoop: Ana Olveira Blanco.

Xornada-taller sobre deseño e impresión en 3D no IES Valga

Xov, 28/10/2021 - 11:16 — IES de Valga

XORNADA DE EMPRENDEMENTO: APLICACIÓN DA IMPRESIÓN 3D AOS PROCESOS INDUSTRIAIS
O Departamento de FOL en coordinación co Departamento de Fabricación Mecánica organizou unha xornada-taller sobre deseño e impresión en 3D.
O obxectivo da mesma é dobre: por unha banda coñecer as posibilidades e aplicacións do deseño e impresión en 3D e a súa integración na actividade industrial e por outra banda fomentar o emprendemento.
Será a cargo de Álvaro Rey Rodríguez CEO de MakerGal, empresa de base tecnolóxica fundada por él, con experiencia no sector desenvolvendo proxectos, como a impresora Mendel Max XL e o Marco P3steelV4, así como proxectos innovadores a medida e en colaboración con diversas entidades e centros educativos participando con eles en eventos como o Innova FP .
A xornada desenvolveráse o vindeiro mércores 03 de novembro, no laboratorio-taller en dous talleres:
Un de mañá de 08.45 a 10.45 para os grupos de 2º de CM de Soldadura e Caldeiraría e 2º de CS de Construcións Metálicas.
E outro de tarde para os grupos de 2º de Soldadura e Caldeiraría en réxime de dual e de adultos e para 1º do CM de mecanizado dual.