Achegándonos á ciencia e á literatura por medio da fotografía

  Na Revista Galega do Ensino, EDUGA, e no seu último número, aparece un artigo da profesora do noso Centro, Margarita Santiago sobre a experiencia levada a cabo no IES de Valga no curso 2014/15 dentro do marco do plan Proxecta, Fotografía en Curso. Esta experiencia didáctica está orientada a coñecer o mundo da fotografía e relacionalo coa literatura e a ciencia dun xeito creativo, utilizando o traballo cooperativo. O obxectivo final é que o alumnado sexa quen de crear fotografías e elaborar textos coas ferramentas adquiridas ao longo do proceso de aprendizaxe. Picando aquí podes ler o artigo ao completo

 

100% aprobados na Selectividade

O alumnado de 2º Bacharelato que se presentou á proba de selectividade nos pasados 8, 9 e 10 de xuño obtivo un 100% de aprobados. Noraboa a esta promoción de Bacharelato 2014-2016 que, recén graduada, inicia unha nova andadura acádémica. Desde o IES Valga, desexámoslle moita sorte no seus novos estudos.  

Exposición de maquetas na Biblioteca do IES de Valga

Exposición de maquetas de alumnado de 2º, 3º e 4º ESO na Biblioteca    Exposición de maquetas de alumnado de 2º, 3º e 4º ESO na Biblioteca

   Na Biblioteca do noso Centro e, ata o día 27 de xuño, pódese contemplar unha exposición de maquetas que durante este curso se foron realizando na materia de Tecnoloxía. Alumnado de 2º, 3º e 4º ESO desta disciplina realizaron un proxecto na aula de Tecnoloxía con diferentes materiais. As maquetas son de coches, coches rato, muíño de vento, brazo escavador hidráulico, barca con motor a vapor e vehículo hidráulico. Para a realización deste proxecto pasaron por tres fases: planificación; deseños dos prototipos e a construción das maquetas. A exposición complétase cuns carteis onde aparece unha breve explicación dos traballos realizados.

Presentación vídeo multilingüe sobre o concello de Valga

Presentación do vídeo multilingüe do concello de Valga por 1º ESO C   Presentación do vídeo multilingüe do concello de Valga por 1º ESO C

O pasado 9 de xuño tivo lugar na Biblioteca do noso Centro a presentación, por parte do alumnado de 1º ESO C, do vídeo multilingüe sobre o concello de Valga que elaboraron dento do proxecto titulado "Outono gastronómico" e dentro do Plan Proxecta. Foi un traballo realizado ao longo do curso e onde se implicaron os alumnos e alumnas desta aula xunto guiados por profesorado de diferentes materias. No vídeo promociónanse os lugares máis destacados do patrimonio artístico e natural do concello. 

Powered by Drupal - Design by artinet