Premios do Concurso de Fotografía do EDL do IES Valga 2015-2016 "A figura humana"

1º premio concurso fotografía EDL 2015-16     Gañadores do Concurso de Fotografía 2015-16 do EDL

O pasado 5 de febreiro celebrouse a entrega de premios do Concurso de Fotografía do EDL 2015-2016 “A figura humana”. Nunha primeira fase, o xurado formado polo profesorado do noso Centro: Francisco Sebio, Blanca Barrio e Natalia López, elexiu as fotos finalistas e nunha segunda fase, todo o Centro estivo convidado a participar na escolla das fotos gañadoras mediante unha votación nos recreos do padsado 28 de xaneiro. 

O resultado final foi o seguinte:

1º premio, cun cheque por valor de 30 euros,  á foto titulada “Entre as árbores” de Nerea María Silva Martínez.

2º premio, cun cheque por valor de 20 euros, a cada un dos premiados, xa que se produciu un empate de votos, a Adrián Pardal Serramito pola súa foto “Praia das Catedrais” e a Carla Castiñeiras García pola foto “Conseguir un imposible”. 

 

Admisión de alumnado en centros públicos 2016-17

  Xa está en marcha o procedemento de admisión de alumnado en centros docentes sostidos con fondos públicos para o curso 2016/2017. Fai clic nesta ligazón http://www.edu.xunta.es/portal/node/18048 para acceder á información oficial.

Lembramos que, de acordo co establecido no artigo noveno da Orde de 12 de marzo de 2013 [ver na ligazón], o alumnado matriculado nun centro docente público ou privado concertado ten garantida a súa permanencia nel nos termos establecidos no artigo 5.1 do Decreto 254/2012, do 13 de decembro, polo tanto, o cambio de curso, ciclo, nivel ou etapa non requirirá un novo procedemento de admisión, agás que coincida cun cambio de centro.

O prazo de admisión para o alumnado que desexe cambiar de centro ou ir a un centro non adscrito será o período comprendido entre o 1 e o 21 de marzo (Anexo II) que se pode descargar de tal ligazón.

Alumnado de Latín e Grego de 1º Bacharelato participa no "Concurso Odisea"

 Alumnado do IES de Valga arrasa no Concurso Odisea:

O concurso Odisea, que ten como obxectivo demostrar os coñecementos do alumnado en temas relacionados coa antigüedade clásica greco-latina, chegou este ano a súa décimosexta edición. Este ano o tema do concurso é a Guerra.

O Ies de Valga participou, por primeira vez, con tres grupos compostos por alumnado de Latín e Grego de 1º BAC: Iván Sanmiguel e Carla Castiñeiras, compoñían o grupo κάμηλος; Yolanda Mota, Nerea Rial e Candela Lafuente, o grupo Cucurbitas; e finalmente  o grupo Uber, formado por Katrina Costa, Olalla Fabeiro e María Belén Senín.

De entre os case 400 grupos participantes de numerosísimos centros de Galiza, os nosos tres grupos obtiveron a máxima puntuación posíbel, acertando o 100 % das preguntas realizadas. Tan só 7 grupos de todo Galiza foron quen de respostar correctamente as preguntas  e conseguir así a puntuación máxima.

A semana que vén, o mércores 17 de cinco a oito da tarde, celebrarase a proba de desempate no IES A FONTEXERÍA de Muros. Lamentabelmente as normas do concurso só permiten que de cada centro vaia un grupo de alumnado á proba de desempate, correspondéndolle neste caso ao grupo UBER, por ser o que menos tempo empregou na solución das preguntas.

Desexámoslle toda a sorte ás compoñentes de UBER, para que, xunto cos seus grandes coñecementos do mundo Greco-Latino, lle permitan ganar esta fase de desempate da nosa comunidade para así representar a Galiza na fase estatal do concurso.

Concurso de textos de amor: "dillo en galego" durante este mes de febreiro no IES Valga

Concurso "dillo en galego" arredor de textos de Amor  Concurso de textos de amor

   O Equipo de Dinamización Lingüística do IES de Valga proponche novamente o reto de  escribir sobre o amor. As bases que rexerán este concurso, "dillo en galego" son as    seguintes:

    1.- Podes facer unha carta, un poema, un haiku ….

    2.- O prazo de presentación finaliza o 28 de febreiro.

  3.- Os textos debes deixalos metidos nun sobre con nome e apelidos (podes usar un               pseudónimo) na caixa que está á entrada da biblioteca.

    4.- Haberá premios para os mellores textos

 

Powered by Drupal - Design by artinet