Exposición de Caligramas do alumnado de 1º ESO

Caligramas con poemas de Manuel María polo alumnado de 1º ESO  Caligramas con poemas de Manuel María polo alumnado de 1º ESO 

Caligramas con poemas de Manuel María polo alumnado de 1º ESO  Caligramas con poemas de Manuel María polo alumnado de 1º ESO

   O departamento de Educación Plástica, en colaboración co de Dinamización Lingüística, completou as actividades dedicadas ao Día das Letras Galegas cunha exposición de caligramas realizados polo alumnado de 1º ESO e sobre textos de Manuel María. Alumnos e alumnas de 1º ESO debuxaron diferentes figuras arredor da obra do escritor, a quen este ano se lle adica as Letras Galegas. Pódese ver esta exposición no corredor da planta baixa do noso Centro.

VI Carreira pola Lingua

Saída da VI Carreira pola Lingua    Gañadoras das categorías femininas da VI Carreira pola Lingua   Gañadores das categorías masculinas da VI Carreira pola Lingua  

Leo actuando na VI Carreira pola Lingua    Leo actuando na VI Carreira pola Lingua 

   O día 10 de maio celebramos a VI edición da Carreira pola Lingua na que participaron todos os centros educativos do concello de Valga. Foi un día moi especial no que ademais da carreira fixémoslle unha homenaxe a Manuel María, o autor ao que se lle adica  este ano o Día das Letras Galegas, recitando e cantando algúns dos seus poemas. Contamos tamén cun artista invitado “O Leo i Arremecághona“ que contribuíu a que este día fose ademais de reivindicativo moi divertido. 

Agradecemos ao Concello de Valga a súa colaboración e ás empresas Froiz e Feiraco a súa xenerosidade polas bebidas e froitas coas que nos agasallaron e que tanto reconfortaron aos participantes na carreira.

Podedes ver os videos picando nos seguintes enlaces:

Manifesto pola Lingua

Poema adicado á Lingua 

Lela

Leo interpretando "O carro"

Himno galego 

Exposición sobre Manuel María no IES Valga

Exposición sobre Manuel María no IES Valga     Exposición sobre Manuel María no IES Valga

No noso Centro e, con motivo da celebración dos Días das Letras Galegas, estase a realizar unha exposición arredor do escritor chairego Manuel María, a quen se lle adica este ano ese día. Esta exposición está centrada na obra e vida do escritor e foi organizada polo departamento de Dinamización Lingüística en colaboración co departamento de Educación Plástica e a profesora Natalia López.

Alumnado do IES Valga acada primeiros postos na Copa de España de piragüismo

Jonathan Baleirón e J. Antonio Fraga medalla ouro en C-4   Laura González medalla de ouro en K-4   Noa Tourís 5ª clasificada en C-1

   Este fin de semana tivo lugar en Sevilla a Copa de España cadete de piragüismo sobre a distancia de 1.000 metros nas modalidades individuais e de equipo. Os alumnos José Antonio Fraga Souto e Mario Rodríguez Abuín de 3º ESO e Jonathan Baleirón Blanco de 4º ESO do Clube Náutico Pontecesures acadaron o primeiro posto e polo tanto medalla de ouro no C-4. Pola súa banda, a alumna de 4º ESO, Laura González Tubio acadou a medalla de ouro na modalidade de K-4 co seu equipo do Clube Piragüísmo As Torres-Romaría Vikinga de Catoira. Ademais mencionar o quinto posto da alumna de 4º ESO, Noa Tourís do Clube Piragüísmo As Torres-Romaría Vikinga de Catoira na modalidade de C-1. Noraboa campións e sorte en futuras participacións para seguir acadando novos éxitos.

Powered by Drupal - Design by artinet