Actividades

O departamento de Filosofía conmemora esta semana o "Día Mundial da Filosofía" que se celebra o 16 de novembro. En palabras do profesor de Filosofía Víctor González: "Ábrese a semana da filosofía. O 16 de novembro, xoves, dedícáselle o día, un día calquera, ou só se é filósofo un día e os demais se é un servo?. Evidentemente a filosofía non nos fai libres, simplemente lémbranos que o somos. É algo que non se cuestiona, "estamos condenados a ser libres" di Sartre, o filósofo francés quen, por certo, vainos visitar esta semana, xunto con outr@s, que están chegando despois de facer onte noite en Carril, onde foron, segundo contan, moi ben tratados. Boa xente e boa comida!. Mira ti, os filósof@s, nin que foran parvos.
Cantas veces non nos refuxiamos nas escravitudes cotiás sinxelamente por comodidade? horarios, hábitos, obrigas que nos condenan, si, á escravitude. A filosofía simplemente vén a lembrarnos que a única escravitude posible é con nos mesmos, e nin sequera , e non por iso a filosofía defende o individualismo, mais ben ao contrario, porque se é verdade que estamos condenados a ser libres, non é menos certo que por natureza somos seres políticos, como argumentou Aristóteles, outro que está chegando, é dicir, estamos condenados a vivir en sociedade pero non como unha pesadume ou unha condena, senón como un alimento que nos fortalece e nos fai mellores. A amistade de Epicuro, tamén chegando, podería ser un bo exemplo. Como vivir sen amor, sen amistade? "La vida es bella, ya verás, como a pesar de los pesares, tendrás amigos, tendrás amor, tendrás amigos" escribe José Agustín Goytisilo, que non vai de filósofo, por iso non ven de camiño nin falta que fai, sinxelamente é un ser humano, e é iso o que o fai filósofo.
Desculpade, teño que deixarvos. Chegan os filósof@s e hai que darlles albergue.
Na foto, os alumn@s de 4º ESO, alumn@s de filosofía tod@s eles, acomodándoos. Non son os únicos que están botando unha man, Paula Antía , a compañeira de Lingua Castelá, axudou a darlle lustre ao albergue, Jano, o compañeiro de Historia, inmortalizándoos e o alumnado de 4 ESO, de Proxecto Competencial tamén botaron unha man.  Esperámosvos...  Saúde."

O departamento de Filosofía conmemora o Día Internacional dos Dereitos Humanos cunha exposición na Biblioteca do noso centro. En palabras do profesor de Filosofía, Víctor González: "E estando os filósof@s de vagar, que tamén eles fixeron ponte, puxéronse a dicurrir co gallo do aniversario da Declaración dos Dereitos Humanos que se festexa o 10 de decembro. Os filósof@s son así, que lle imos facer. Por suposto ningún deles cuestiono a súa validez e vixencia, mais houbo debate, como non podía ser doutro xeito, e debeu ser acalorado, que saían voces como tronos da biblioteca do IES de Valga onde, como é sabido, están os filósof@s facendo vivaque uns días para denunciar a violencia machista. Suponse que non chegaron as mans, pero quen sabe, que non por ser filósof@s deixan de ser humanos, e se teñen que defender  as súas ideas, fanno de xeito tan apaixoado como calquera mortal. Con todo, case seguro que respectaron a recinto sagrado da biblioteca, que rexeita calquera manifestación de violencia, como é normal. En fin, o debate que quentou aos filósof@s está de moda nos foros de medio mundo, a saber, universalismo versus particularismo. Sábese que ao final houbo acordo. Tod@s a unha defendendo o universalismo. Non cabía outra; como pode ser inxusta a pena de morte nunha comunidade e xusta noutra? Inxusta será sempre, como a tortura ou a escravitude; ou acaso non temos tod@s dereito á educación ou a unha vida digna. Hai cousas nas que non cabe debate algún; hai dereitos que non se poden poñer en cuestión. Falamos dos Dereitos Humanos nada menos, e son trinta, trinta artigos que poden resumirse nun só, como ben sabía Kant, o filósofo ilustrado, a saber: o ser humano debe ser sempre un fin en si mesmo e nunca xamais utilizado como un medio. Cunha soia sentencia resumiunos Kant, pero Kant era moito filósofo; os demais mortais necesitamos trinta. Saúde".