Actividades

Na Biblioteca do noso centro e, durante a semana do 22 ao 26 de abril, tivemos varias actividades para conmemorar o "Día do Libro 2024". O alumnado expuso no panel instalado para esta ocasión, citas literarias para participar no concurso convocado para esta conmemoración. Nos recreos desa semana, o alumnado de 1º Bacharelato compartiu e falou sobre os seus libros favoritos e houbo un reparto de marcapáxinas plastificados con información sobre diversos autores e autoras.

Por último, o venres 26 realizouse o sorteo do concurso, recaendo os premios, dous vales de cafetaría de 10 euros cada un, nas alumnas de 1º Bacharelato Uxía Brandariz e Lucía Abeledo. A actividade foi organizada polo Equipo da Biblioteca.

A VIII Edición do “Día das escritoras” celebrouse, este ano 2023, o 16 de outubro baixo o lema “O pracer, a alegría e a risa das mulleres”.: “celebración dunha escritura e dunha maneira de percibir a realidade silenciada durante moito tempo, e celebración desa expresión do gozo, a alegría e a risa que a miúdo tamén é un tabú para mulleres educadas na abnegación, o comedimento e o sacrificio" como escribe Marta Sanz da BNE e comisaria da VIII Edición do Día das Escritoras 2023.
Dende o IES Plurilingüe de Valga sumámonos a esta celebración coa lectura dunha antoloxía de textos escollidos pola Biblioteca Escolar do centro, ademais dun taller de chapas e reparto de marcapáxinas. A actividade tivo lugar, nos recreos da mañá do luns 16 de outubro, na nosa Biblioteca.

A celebración complétase cunha exposición de carteis feitos polo alumnado, no corredor da planta baixa.

A “Semana do libro” celebrouse na Biblioteca entre o luns 24 e o venres 28 con éxito organizativo, mostrando diferentes actividades programadas polo Equipo da Biblioteca. O alumnado de 1º ESO inagurou esta semana con “que morra o conto!”, completándose a semana con outras actividades, nas que participaron alumnos e alumnas dos distintos niveis da ESO e Bacharelato: lectura, en Inglés, de obras de Shakespeare; dramatización da obra “Romeo e Julieta” e dúas sesións de booktubers para recomendar obras literarias, audiovisuais e de arte. Noraboa ao Equipo da Biblioteca e o alumnado participante e asistente a todas elas!!!