Actividades

O coro do IES Valga "Os Xílgaros do Ulla" interpretou a Mozart no IV Festival Axenda 21 (2012)

Dom, 29/04/2012 - 13:30 — IES de Valga

"Os Xílgaros do Ulla"

Estudiantes e profesoras do IES Valga que forman o coro "Os Xílgaros do Ulla" participaron de novo no Festival Axenda 21 que organiza este instituto cada ano no Auditorio Municipal.

Nesta ocasión celebrábase a cuarta edición do festival e o tema era a protección da terra.

O coro, baixo a batuta do profesor Manuel Amenedo, interpretou o famoso canon de Mozart "Dona Nobis Pacem" con letra adaptada para a ocasión pola profesora Pilar Buela, "Terra seiba rexa".

Para máis información e imaxes do IV Festival Axenda 21 consultade a sección "Actividades extraescolares" e a galería de fotos.

Leer máis

Os alumnos e alumnas de Música gozaron co concerto da Big Band de Valga

Xov, 12/05/2011 - 23:18 — IES de Valga

Alex Barreiro arrasa co trombón

O alumno do noso instituto Alex Barreiro arrasou co trombón durante o concerto que o pasado 27 de abril ofreceu a Big Band de Valga no Auditorio de Cordeiro. Todos os estudiantes que cursan Música no IES gozaron coa xenial actuación, baixo a batuta do director da Banda Municipal e da Escola de Música, Manuel Villar. Os nosos alumnos Sergio Piñeiro, Ismael Suárez e Brais Villar tamén tocaron, mentres Ana Blanco, María Rodríguez e Antía Villar formaron parte do coro para cancións tan emblemáticas como o "Think" de Aretha Franklin. Case nada.

Sergio Piñeiro

Sergio Piñeiro encandila co saxo.

Leer máis

Taller de canto con Maythe Leiva (18/03/2011)

Xov, 14/04/2011 - 16:36 — IES de Valga

Leer máis

O coro do IES Valga "Xílgaros do Ulla" cantou no Festival Axenda 21 (17/02/2011)

Xov, 14/04/2011 - 15:38 — IES de Valga

O coro do IES Valga, "Xílgaros do Ulla", dirixido polo profesor Manuel Amenedo, participou no Festival Axenda 21 celebrado o pasado 17 de febreiro en defensa do medio ambiente. Os alumnos e alumnas e varios profesores cantaron a antiga canción "Ay! Linda amiga" con letra adaptada para a ocasión pola profesora Pilar Buela, baixo o título "Din carricantas".

Para máis información e fotos sobre o Festival Axenda 21, consultade "Actividades - extraescolares".