Actividades

Alumnado de 3º ESO de Relixión visita Celanova e Vilanova dos Infantes

Mar, 26/10/2021 - 20:13 — IES de Valga

O luns, 25 de outubro, o alumnado de 3º ESO da materia de Relixión visitou Celanova e Vilanova dos Infantes. Nesta saída didáctica, o alumnado desprazouse ata o concello de Celanova para realizar un percorrido por diferentes espazos desta localidade: o Mosteiro de San Rosendo, a Casa dos Poetas, a Capela de San Miguel ou a aldea medieval de Vilanova dos Infantes, onde visitaron a súa Igrexa parroquial de San Salvador, a Torre Homenaxe ou o Santuario da Virxe do Cristal. Foron acompañados polas profesoras Terresa Barreiro, Lucía Gómez e Beatriz Puente. A actividade foi organizada polo departamento de Relixión.

Alumnado de Relixión de 3º e 4º ESO visita diferentes espazos relixiosos en Santiago

Mér, 23/10/2019 - 18:08 — IES de Valga

Alumnado de 3º e 4º ESO da materia de Relixión realizou, na mañá do mércores 23 de outubro, unha visita a diferentes espazos relixiosos na cidade de Santiago de Compostela. En concreto, estiveron no albergue de San Francisco, no Museo da Terra Santa e no convento das Carmelitas. Neste último lugar realizaron unha entrevista a unha das monxas de clausura que se atopa neste convento. A actividade foi organizada polo departamento de Relixión e o alumnado estivo acompañado das profesoras Teresa Barreiro, Carmen Pedreira e Aurora Vázquez.

Alumnado de Relixión de 3º ESO realiza unha visita á Pontevedra monumental

Mar, 23/01/2018 - 15:08 — IES de Valga

O pasado mércores 17 de xaneiro, o alumnado de Relixión de 3º ESO realizou unha saída didáctica guiada á cidade de Pontevedra.

Leer máis

Alumnado de Relixión de 1º ESO visita o Belén de Valga

Mar, 23/01/2018 - 15:00 — IES de Valga

O alumnado de Relixión de 1º de ESO do IES de Valga visitou, como xa é tradicional, o Belén do Concello de Valga. Alí, puideron contemplar as imaxes tradicionais dun belén e os cambios que referidos á actualidade histórica e social se produciron nos últimos doce meses. A actividade foi organizada polo Departamento de Relixión.

Campaña Quilo dende o IES Valga

Lun, 16/01/2017 - 13:55 — IES de Valga

O pasado mes de decembro, achegáronse ata a sede de Cáritas, no Concello de Padrón, as alumnas de 1º de Bacharelato, Andrea Rodríguez Seco e Jéssica Vilas López xunto coa profesora de Relixión, para levar as doazóns feitas no noso instituto na Campaña Quilo, iniciativa de Departamento de Relixión. Grazas a todos e a todas pola vosa colaboración!