Actividades

O alumnado de 4º ESO e 1º Bacharelato do IES de Valga asistiu, o pasado 19 de xaneiro, á representación teatral da obra de Valle Inclán, "Luces de Bohemia" no IES Rosalía de Castro de Santiago de Compostela. Asimesmo realizou unha visita guiada ás instalacións do xornal da capital de Galicia, El Correo Gallego, na que o alumnado puido coñecer o funcionamento da rotativa e dos sistema de impresión en offset, así como obter resposta ás súas preguntas sobre os perigos actuais do xornalista e o seu futuro incerto, os problemas de custo e de impacto medioambiental do papel, o financiamento dun xornal, a existencia de correctores de probas, a censura, etc. A actividade foi organizada polo Departamento de Lingua e Literatura Española.