Skip to Content

1ª MOBILIDADE PROXECTO ERASMUS+ KA101: "Cultural heritage education and story-telling". ITALIA

001

Actividade de formación en Padova

(ITALIA)

01

     Dentro do programa Derrubando muros a docente do IES Plurilingüe Elviña Lucía Rouco Penabad, da especialidade de lingua inglesa, fixo unha primeira mobilidade destinada a participar nun cursiño organizado sobre innovación educativa "Cultural heritage education and story-telling" organizado pola asociación Enjoy Italy) entre o 10 e o 14 de outubro na cidade italiana de Padova. No cursiño, a nosa compañeira participou activamente desenvolvendo aprendizaxes sobre novas perspectivas desde as que encarar a actividade docente. Disque desfrutou da experiencia.

     Velaquí unhas cantas fotografías que reflicten a súa participación nesta mobilidade dentro do programa de internacionalización do noso centro.

0203
0506

ELECCIÓNS DE RENOVACIÓN PARCIAL DO CONSELLO ESCOLAR (2022)

ELECCIÓNS PARA A RENOVACIÓN DOS MEMBROS
DO CONSELLO ESCOLAR

     De acordo coa Resolución do 19 de setembro de 2022, da Dirección Xeral de Ordenación e Innovación Educativa, pola que se establece o calendario para a celebración de eleccións de membros dos consellos escolares de centros docentes sostidos con fondos públicos [DOG do 30/09/2022], este mes de novembro convócanse eleccións para a renovación dos membros dos consellos escolares dos centros docentes de Galicia. As eleccións teñen por obxecto cubrir as prazas que quedan vacantes dentro do Consello escolar, que nesta ocasión son as seguintes:

a) 3 membros do profesorado
b) 1 membro dos representantes de alumnado
c) 1 membro dos representantes das familias [+ 1 no caso de que a ANPA non faga uso do seu dereito a contar cun representante]
d) 0 membros do persoal de administración e servizos


NOMEAMENTO DA
XUNTA ELECTORAL

Seguindo as indicacións da normativa, o primeiro paso para a realización das eleccións é a elección dos membros da Xunta electoral de centro, que velará polo cumprimento da legalidade destes comicios. A Xunta electoral estará composta polos seguintes membros [Decreto 92/1988]:

a. o director ou directora do centro de ensino, como presidente da mesma
b. 1 profesor elixido por sorteo público
c. 1 pai ou nai elixido/a por sorteo público
d. 1 alumno/a elixido/a por sorteo público
e. 1 membro do persoal de administración e servizos elixido por sorteo público


CALENDARIO E MÉTODO PARA A CONSTITUCIÓN
DA XUNTA ELECTORAL

     A elección dos membros da Xunta electoral (agás a súa presidencia) realizarase do seguinte xeito:

1. farase sorteo público o venres día 28 de outubro de 2022 nas dependencias do IES Plurilingüe Elviña ás 11:30 horas

2. no sorteo, aberto a calquera membro da comunidade educativa do IES Plurilingüe Elviña que o solicite previamente mediante a presentación de escrito na secretaría do centro, asistirán: o director e o secretario do instituto (presidente e secretario do proceso), 1 membro do profesorado elixido ao azar, 1 membro do alumnado elixido ao azar

4. Os membros elixidos no sorteo recibirán notificación oficial da elección e cita para a primeira reunión nos días seguintes ao sorteo. 

3. método do sorteo:

a. elixiranse dous representantes por cada membro necesario, o primeiro en calidade de titular e o segundo en calidade de suplente
b. o secretario do centro acudirá coas listaxes XADE de pais/nais, alumnado, PAS e profesorado do centro nas que cada membro da comunidade figurará cun número de referencia
c. utilizando unha aplicación electrónica de números aleatorios se escollerá, por esta orde, un/ha titular e un/ha suplente do grupo PAS, un/ha titular e un/ha suplente do grupo ALUMNADO, un/ha titular e un/unha suplente do colectivo DOCENTES e un/ha titular e un/unha suplente do colectivo FAMILIAS. En caso de existir erro na elección por algunha cuestión non prevista, repetirase a elección do colectivo no que se detectou erro.


CONSTITUCIÓN DA
XUNTA ELECTORAL

Os membros así nomeados para a Xunta Electoral serán citados para determinar o calendario e inicio do proceso electoral nunha reunión que terá lugar no centro o 4 de novembro de 2022.

 

EXPERIENCIA "JOB SHADOWING" NO IES PLURILINGÜE ELVIÑA

ITALIA no IES Plurilingüe Elviña
(Job-Shadowing de cuatro docentes italianas)

    Dentro do proceso de internacionalización no que o IES Plurilingüe Elviña leva traballando tres cursos, a pasada semana estableceuse un convenio de colaboración co *Instituto de Formación Europeo IFE María Pita para a realización dun programa de Job Shadowing financiado pola UE dentro dun programa “Erasmus+ Acción Clave 1: Movilidad de las personas por motivo de aprendizaje".

     As experiencias Job Shadowing consisten na recepción de docentes doutros países da Unión durante un determinado período de tempo coa finalidade de coñecer e compartir a experienza educativa ou a perspectiva didáctica dos distintos países.

J-S-2

    Nesta ocasión, recibimos a visita de catro colegas procedentes de distintos centros de ensino italianos, todos eles da fermosa e venerable vila de Florencia (Firenze): l'Istituto di Istruzione Superiore “Giuseppe Peano”, l'IISS Calamandrei di Sesto Fiorentino e il Liceo "Agnoletti" di Sesto Fiorentino.

     Durante catro xornadas lectivas, tivemos, pois, a visita de catro docentes italianas que nos fixeron compaña nas distintas aulas da clase, informándose do noso xeito de traballar e compartindo connosco as súas impresións sobre as metodoloxías didácticas de Italia e España.

     As catro compartiron o espazo educativo do noso centro durante os días 5, 6 e 10 de outubro, entrando nas aulas cos rapaces e rapazas de ESO e Bacharelato, asistindo a clases de diferentes áreas e participando activamente nalgunha delas (houbo alumnos que aproveitaron para facerlles unha entrevista en inglés ou para pedirlles algunha receita de pratos típicos da gastronomía itálica para o xornal escolar, famentos por aprender a receita auténtica da carbonara ou dos spaghetti cacio e pepe).

     Finalmente, o pasado martes 11 de outubro de 2022 abandoaron o noso centro Annarita Casalino (Lingua Española), Monica Miglio (Lingua inglesa e Turismo), Serena Mazzotta (Filosofía e Historia) e Mara Mengoni (Lingua inglesa). Leváronse -iso esperamos- ademais da impresión académica esixida polo seu labor educativo, a hospitalidade e o afecto dos docentes e do alumnado do noso centro.

Ciao, amiche!

*      *     *

* El Instituto de Formación Europeo María Pita ha actuado como organización intermediaria entre las escuelas participantes y forma parte del proyecto citado previamente, reconocido y aprobado por la respectiva Agencia Nacional del programa Erasmus+.

Agradecemos a Almudena Fernández Martínez, su directora, que haya contado con nosotros, una vez más, para esta experiencia de colaboración internacional. El objeto de este convenio de colaboración ha sido la adquisición por parte de las docentes italianas de aquellas competencias profesionales necesarias para el continuo desarrollo de su profesión, a través de la observación y el intercambio de información con nuestro profesorado del mismo ámbito y sector educativo.

VALES EXTRAORDINARIOS DE MATERIAL (FONDOLIBROS 2022-23)

CONCESIÓN DE VALES DE MATERIAL EXTRAORDINARIOS DO FONDOLIBROS 2022-23

    A Xunta de Galicia comunica aos centros oficialmente que en datas próximas procederá á asignación directa dun vale de material extraordinario por valor de 25 € a todos os participantes do Fondolibros 2022-23 que xa recibiran o vale de 50 € asignado ata agora. A concesión do novo vale será directa e sen ter que facer xestión algunha por parte das familias e terá efecto desde o día seguinte á publicación da nova normativa no DOG.

     Avisarase proximamente a través de ABALAR unha vez que os vales estean dispoñibles para a súa recollida na secretaría do centro.

 

 CONTÍA 25 EUROS
 TRAMITACIÓN Automática para todos os que recibiron o vale anterior
 RECOLLIDA

 Na secretaría do centro a partir do día seguinte
 á publicación no DOGA da orde de pago
(AVISARASE POR ABALAR)

 

 

PREMIOS AO ESFORZO E SUPERACIÓN PERSOAL ESO 2021-22

Convocatoria dos premios ao esforzo e á superación persoal na ESO (curso 21-22)

     O 11 de xullo publicouse no DOG a ORDE do 29 de xuño de 2022 pola que se convocan os premios de educación secundaria obrigatoria ao esforzo e á superación persoal correspondentes ao curso 2021-2022. O alumnado interesado en participar nesta convocatoria do premio debe facelo mediante instancia persoal presentada a través da sede electrónica da Xunta de Galicia, co código de procedemento ED311E.

 

      Segundo se establece no artigo 4.4 de dita orde, o prazo de presentación de solicitudes rematará o 23 de setembro.

 

Distribuir contido


by Dr. Radut