Educación Plástica e Visual
MEDIACCIÓN: UNHA INTERVENCIÓN DO PROXECTO TERRA
Posan nesta fotografía as rapazas e rapaces que constitúen o Equipo de MediAcción do noso centro.
Para embelecer este seu espazo contaron coa axuda dos alumnos de Educación Plástica e Visual de 3º de ESO que plasmaron na parede, coa supervisión de X.M Rey Bao, a primaveral proposta da súa compañeira Noelia Yáñez Gómez, artista interdisciplinar á que temos que felicitar tamén por outro logro, este musical: ven de ser seleccionada para formar parte da Orquesta infantil da Sinfónica de Galicia.
"bd. ban-de". Revista de Banda Deseñada do IES Francisco Aguiar nº 15
O Equipo de Normalización e Dinamización Lingüística do IES Francisco Aguiar publicou, un ano máis (e van 15!), a súa revista de banda deseñada, Ban-De, que ten como eixe temático o Parque enciclopédico do Pasatempo.
(Podedes acceder á revista picando no enlace)
Saída didáctica á Coruña, de 1º de ESO
O alumnado de 1º de ESO B e C visita hoxe a Casa Museo de Pablo Picasso. Además, realizan un percorrido sobre Isabel Zendal.
Saída didáctica á Coruña, para 1º de ESO
O alumnado de 1º de ESO A e D visita hoxe a Casa Museo de Pablo Picasso. Además, realizan un percorrido sobre Isabel Zendal.
Prácticas fotográficas 3º ESO (4)
O día 25 de maio o grupo de 3ºD sae do instituto para tomar fotografías co profesor J.M. Rey.
Prácticas fotográficas 3º ESO (3)
O día 24 de maio o grupo de 3ºC sae do instituto para tomar fotografías co profesor J.M. Rey.
Prácticas fotográficas 3º ESO (2)
O día 23 de maio os grupos de 3ºA e 3º E saen do instituto para tomar fotografías co profesor J.M. Rey.
Práctica Fotográfica 3º ESO
O día 29 de maio o grupo de 3ºB sae do instituto para tomar fotografías co profesor J.M. Rey.
ESPAZOS BALEIROS. FOTOGRAFÍA EN CURSO. 3º ESO. XM REY BAO
ESPAZO E LUZ
A terceira entrada do dicionario para a palabra “baleiro” refírese precisamente a “Espazo baleiro”, e di: Espazo baleiro, que non está ocupado, especialmente por aquilo que está destinado a conter. A definición indica que un espazo baleiro caracterízase por estar baleiro de algo, é dicir, por unha ausencia.
As fotografías de espazos baleiros non teñen como única característica o feito de que non haxa persoas, figuras ou elementos relevantes, senón que son as eleccións dos fotógrafos as que fan que vexamos un espazo como “baleiro”: o encadre, a distancia e a luz constrúen unha determinada configuración do espazo que fai que sintamos ou non o baleiro. Son precisamente estas eleccións as que tamén fan que as fotografías de espazos baleiros teñan unha gran potencia evocadora e un gran valor fotográfico: hai unha longa tradición fotográfica vinculada aos espazos baleiros: dende os primeiros fotógrafos aos cales a técnica non lles permitía captar as figuras en movemento, ata os fotógrafos contemporáneos que exploraron os “non-lugares” e indagaron no urbanismo, a periferia, as marxes...
Podemos pensar en prazas, rúas, cuartos, estradas, esquinas, parques, espazos rurais, lugares públicos (teatros, estacións, cafeterías...). Poden ser espazos abandonados, desocupados, con pegadas de presenza e ausencia, sen a xente ouy os obxectos que os poboaron habitualmente.
A luz é esencial na fotografía; de feito, a mesma palabra “fotografía” provén da palabra luz: o que a luz debuxa. Pero ás veces, a luz non só está senón que se fai visible. Sexa porque un feixe de luz entra e ocupa o espazo, sexa polo xogo de luces e sombras, sexa porque a súa coloración nunha determinada hora do día tingue dun ton todo o espazo, etc.
Que supón fotografar a luz nos espazos? De xeito especial, poñer atención á incidencia da luz sobre o mesmo espazo e sobre os seus elementos (sombras, horas do día...). Tamén nos axuda a pensar sobre a propia narratividade do espazo: modificouse ao longo do tempo? É un espazo emblemático? É un espazo que se transforma ao longo das horas do día? É un espazo que xa non ten a utilidade que tiña? Quen se pasea, quen o goza, quen o habita?
Bases do Safari Fotopoético 2023
SAFARI FOTOPOÉTICO LETRAS GALEGAS 2023
https://www.facebook.com/biblioteca.franciscoaguiar
A Biblioteca do IES Francisco Aguiar de Betanzos convoca á comunidade escolar a un safari fotopoético con motivo do día das Letras Galegas, que este ano homenaxea a Francisco Fernández del Riego.
Rexerase polas seguintes bases:
1.Poden participar todos os alumnos e alumnas do IES Francisco Aguiar. Ábrese igualmente a toda a comunidade escolar que desexe participar, nais-pais, persoal docente e non docente, ex- alumnos e ex-alumnas.
2.O safari fotopoético desenvolverase entre o 17 de abril e o 12 de maio do presente ano 2023.
3.O venres 12 de maio será a data límite para o envío / entrega das fotopoesías.
4.As fotografías deberán ser orixinais e, preferentemente, relacionadas con Betanzos, o seu casco histórico e os seus ríos.
5.As imaxes deben ilustrar algún texto dos que acompañan a estas bases nunha pequena escolma de Francisco Fernández del Riego.
6.O texto elixido debe aparecer integrado na propia imaxe.
7.As imaxes a concurso poderán entregarse nun formato dos usados habitualmente en imaxe dixital (preferiblemente JPEG), nun soporte pendrive na biblioteca do IES Francisco Aguiar, ou ben enviarse ao correo electrónico da Biblioteca:
bibliofranciscoaguiar@gmail.com
8.O premio consistirá nunha camiseta coa impresión da imaxe gañadora.
9.O xurado estará integrado por un representante do equipo directivo, un membro do equipo da Biblioteca, e dous profesores/as dos Departamentos de Lingua Galega e Ed. Plástica.
10.Os traballos presentados avaliaranse conforme aos seguintes criterios: 40% pola calidade e orixinalidade da imaxe
40% pola adaptación do texto á imaxe elixida
20% polo enxeño e creatividade na inserción do texto (ubicación, tipografía...)
FRASES DE FRANCISCO FERNÁNDEZ DEL RIEGO QUE PODEN INCLUÍRSE NO FOTOSAFARI
- Cos ollos do noso esprito.
- Galicia no espello.
- Un país e unha cultura.
- Letras do noso tempo.
- A pegada das viaxes.
- Camiño andado.
- O río do tempo.
- Desde a miña fiestra.
- Palabras a eito.
- Na espera do amigo.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »