A finais do pasado mes de xaneiro, a profesora Alba Alonso trouxo ao centro ao alumnado do CEIP Vales Villamarín, para que os rapaces e rapazas de 4º de ESO, na materia de Música, ensinasen aos nenos e nenas de 1º de Educación Primaria como fixeran a banda sonora dunha cortametraxe animada.

O alumnado do Vales Villmarín puido practicar tamén cos instrumentos, guiados polo alumnado do noso centro. Os nenos e nenas de Primaria desfrutaron moito da experiencia! Haberá que repetir logo para o ano.

Agradecemos a colaboración do CEIP Vales Villamarín, da súas mestras e do seu alumnado.

Álbum: Curso 2021-2022 -> Actividade musical en colaboración co Vales Villamarín

No día de onte, o alumnado das materias de 1º de Bacharelato "Linguaxe e Interpretación Musical" e de "Obradoiro de Interpretación Musical" tiveron a ocasión de asistir a un ensaio da Orquestra Sinfónica da Galiza. Concretamente, os alumnos e alumnas puideron escoitar o Concerto para violín nº 1, en la menor, op. 77 de Dmitrii Shostakóvich.

O martes 8 de xuño o grupo de 3ºD de ESO fará unha visita guiada á zona vella de Betanzos, co obxectivo de relacionar a música medieval co resto das disciplinas artísticas da época: arquitectura, escultura e tamén coa sociedade medieval.

O venres 28 de maio o grupo de 3ºE de ESO fará unha visita guiada á zona vella de Betanzos, co obxectivo de relacionar a música medieval co resto das disciplinas artísticas da época: arquitectura, escultura e tamén coa sociedade medieval.

O pasado martes, 30 de abril, os alumnos de Linguaxe e práctica musical de 1ºBac, acompañados das da súa profesoras Beatriz García e Blanca Bello, praticiparon no VIII Encontro de alumnos de Música de Secundaria e Bacharelato de Galicia en Santiago de Compostela, organizado por ASOMUSICA, que é asociación de profesores de Música de Secundaria e Bacharelato de Galicia, da cal Blanca é a presidenta.

Os rapaces viviron unha experiencia inolvidable participando no macroconcerto de 4 horas e nos obradoiros de Hip hop e Batucada que se impartiron simultáneamente.

Aqui vos deixamos a mostra das súas actuacións e fragmentos da reportaxe que A Revista da TVG fixo sobre o evento.

Enlace á reportaxe da TVG de 'A revista' onde entrevistan a Blanca Bello Sobral, profesora de música no noso centro e organizadora do evento coma presidenta de ASOMÚSICA.

Enlace á reportaxe da TVG sobre o evento.

Noraboa ao alumnado participante e a profesora Blanca Bello polo seu traballo á hora de educar en algo tan importante e indispensábel como é a Música.