O próximo 4 de xuño ás 20:00 horas, na sala Xulio Cuns de Betanzos, terá lugar o Concerto de fin de curso a cargo do alumnado de 1º de Bacharelato da materia de Linguaxe e práctica musical. Será un gran concerto, con 20 actuacións musicais nas que empregaremos diferentes obxectos.

Non perdas a oportunidade de asistir!! Poderás recoller a túa entrada en conserxería do Centro en horario escolar, entradas de balde ata completar aforo. Esperámoste!!

Organizado polo departamento de Tecnoloxía do noso instituto visitamos o 8 de maio a empresa “Tejas Verea, S.A” que se dedica á fabricación de diversos tipos de tellas localizada en Lanzá (Mesía). Guiados por unha técnica e un técnico visitamos en primeiro lugar a zona de aprovisionamento de material: moenda e mestura de arxilas, xunto coa zona de maduración.

Despois fomos visitar a liña 1 onde se fabrican tellas planas de diversas formas vendo o amasado, extrusionado, secado e cocido dos produtos. Todo o proceso é controlado automaticamente polo sistema industrial SCADA, e incluso puidemos observar a posta a punto dun sistema de control de calidade das tellas planas que funciona por son. Visita moi interesante para ver as aplicacións dos sistemas automáticos de control na industria.

O alumnado das materias de Cultura Científica e de Antamonía aplicada viaxan ás Covas do Rei Cintolo, en Mondoñedo.

Os alumnos e alumnas de Historia do Mundo Contemporáneo realizan unha visita a Compostela, onde pasearán polo centro histórico, irán ao CGAC e coñecerán unha exposición na Fundación Abanca.

O 8 de maio o alumnado de Tecnoloxía e Enxeñaría I visita a fábrica de tellas que hai en Mesía.

Os grupos de 1º de bacharelato practican piraguismo no Mandeo. Cada grupo terá dúas sesións. A actividade comeza o día 3 de maio e acaba o 23 de maio.

MUSIQUEANDO 2023

O vindeiro xoves 27 de abril o alumnado de 1ºBAC da Materia de Linguaxe e Práctica Musical e de Música de 4º ESO (da profesora Alba Alonso); participarán nun concerto na praza do campo de Betanzos.

Dito concerto terá lugar ás 12:00, e poderán achegarse familiares, veciñ@s, amig@s, e xente de Betanzos para disfrutar de varias actuacións musicais en directo e ao aire libre.

É unha iniciativa a nivel estatal, a través da cal se pretende dar a coñecer o que se está a facer nas aulas de música (con moito nivel neste Centro, por certo!).

Así pois, o 27 de abril máis de 40.000 alumnos e alumnas de toda España sairán ás rúas máis importantes da súa aldea, villa ou cidade para amosar o que se fai na materia de Música.

O IES Francisco Aguiar, participa (por segundo ano consecutivo) en dita proposta. Non volo perdades, esperámosvos!!"

Os 10 alumnos de Latín I particpan nos Ludi Compostellani, onde imaprtirán un curso sobre arte musivaria.

Unha selección de alumnos de 1º de Bacharelato participa nun torneo de badminton.

Os grupos de B1A, B1B e B1C asisten á celebración do Día da Poesía.  Na mañá do 21 de marzo, o Departamento de Dinamización Lingüística, en colaboración co Concello, organizou un concerto do dúo poético-musical formado por María Lado e Lucía Aldao, Aldaolado.