O alumnado de 4º ESO-A do noso centro acadou o segundo posto na edición número 20 do Rallye Matemático sen Fronteiras no que participaron uns 50 grupos de alumnos de Galicia. O día 13 de abril desprazaranse a Santiago para recibir os seus premios.
Neste concurso participaron 6 grupos de alumnos do IES LAXEIRO, 3 de 4º e outros tantos de 3º. Tiveron que resolver, en equipo e de forma conxunta,  6 problemas nunha hora.

O equipo do IES Laxeiro formado por Celia Varela, Alba Vázquez, Nerea Vila e Daniel Sousa, coordinado polo profesor Manuel Igrexas, son de novo campións no concurso de debate Parlamento xove 2012 organizado pola Subdirección xeral de Xuventude da Xunta de Galicia.

fotos e video

Inmersión lingüística ano 2012

Solicitude de axudas para a realización de actividades de formación en linguas estranxeiras información

http://www.edu.xunta.es/axudasle

A partires do vindeiro 6 de febreiro ata o 10 comeza a exposición de paneis sobre os "recursos enerxéticos e mineiros de Galicia" cedida pola Escola Técnica Superior de Enxeñaría de Minas da Universidade de Vigo. A exposición está aberta para todos, libre e gratuita...

Axúntase os paneis reducidos.

Máis información nos arquivos adxuntos

BloGalízate! Este é o ´slogan´ a prol do Galego dende o IES Laxeiro de Lalín.

Xa podedes participar no concurso de blog´s, só se precisa empregar o noso galego!

Ata pronto e un saúdo,

O xoves 26 de maio celebrouse no Auditorio de Lalín e no IES "Ramón Mª Aller" a final comarcal do concurso de "Cifras e Letras" que organizaron os departamentos de Matemáticas do CPI de Rodeiro, IES "Pintor Colmeiro", IES Ramón Mª Aller" e IES "Laxeiro". Houbo dúas finais ás que chegaron dous alumnos de 1º ciclo (1º e 2º de ESO) e outros dous de 2º ciclo (3º e 4º de ESO) que estiveron acompañados e animados polos seus compañeiros de clase. Fotos na galería do centro.

Os departamentos de Plástica e Normalización Lingüística convocaron un concurso de carteis para concienciar ao alumnado do centro sobre a negativa incidencia que ten o decreto de plurilingüismo no ensino.

O IES.Laxeiro volve á súa cita co éxito na creación literaria. Cada ano, como ven sendo costume, o seu alumnado de 2º ESO amosa as súas cualidades de futuros/as escritores/as e colleitan novos éxitos no concurso nacional de relato corto que , como cada ano, e van cincuenta e un,organiza a Fundación Coca Cola. Este ano son duas alumnas de 2º ESO A as que logran acadar un posto na final autonómica que se vai a desenvolver no Teatro Jofre de Ferrol o próximo venres, día 3 de xuño ás sete da tarde. Alba Tomé Seijas e Ana Santorum Martínez son as creadoras destos dous relatos que a través desta páxina queremos amosárvolos.

"Entre lienzos y cuadros de Alba y números de magia de Ana" atoparemos arte e creatividade de duas alumnas de 2º ESO que o próximo venres en Ferrol representarán ao IES,Laxeiro ,unha vez máis, no Concurso Nacional de Relato Corto Coca Cola 2011.

Un ano máis, e xa van uns cantos, ven de rematar a Liga de fútbol sala 2010-11 do IES Laxeiro.Esta competición tivo unha primeira fase de liga a dobre volta para rematar nunha fase final polo sistema de play-off.Logo de disputadas xornadas, a fase de liga rematou encabezada polo equipo de bacharelato Montan a Hanna, seguidos por Cheas FS, do ciclo formativo de Electricidade. No terceiro e cuarto posto situaronse equipos da ESO: Black Stars e Pepsiconas FS. Completaron a clasificación Equipo A, Kukuxumuxo FS, Chuck Norris e CSMI II.A final enfrontou a  Montan a Hanna e Pepsiconas FS nun partido de alto nivel, gañando claramente os alumnos de 4º de ESO  (Pepsiconas FS) e que os proclama vencedores da Liga Laxeiro de fútbol Sala 2010-11.

Este é o cadro de horna da Liga Laxeiro 2010-11