Xornada de portas abertas para as familias interesadas en coñecer o centro
Enviado por XefeEstudos o 7 Marzo, 2023 - 17:36O mércores 15 de Marzo, a partir das 16:30, as familias que o desexen poderán achegarse ao noso instituto para coñecelo máis de preto. O equipo directivo informaralle das características do centro e da oferta educativa (ofrecemos catro modalidades de bacharelato); poderán ver as instalacións e plantexar todas aquelas dúbidas que poidan ter de cara a unha posible solicitude de praza (o prazo está aberto ata o 20 de marzo).
Visita a Padrón do alumnado de 1º de Bacharelato
Enviado por XefeEstudos o 3 Marzo, 2023 - 23:42O pasado martes 28 de febreiro o alumnado de 1º de bacharelato realizou unha saída didáctica cos departamentos de LLG e de Bioloxía. Puideron visitar a Casa Museo de Rosalía Castro, onde recibiron unha breve explicación e realizaron unha visita guiada e lectura de textos. Tamén fixeron unha visita ao Xardín Botánico situado dentro da alameda padronesa. Este punto de conservación de especies particulares vén de recibir a cualificación de Destino Observer pola súa riqueza como patrimonio científico e cultural.
Gañadores do X concurso de micropoemas e microrrelatos.
Enviado por XefeEstudos o 1 Marzo, 2023 - 20:08O xurado do X concurso de micropoemas e microrrelatos dos centros educativos da Estrada, Dinamizaestrada, vén de outorgar os seguintes premios a alumnos/as do noso centro:
- MICROPOEMAS: Noa Rico Serantes (1ºESO), Iago Durán Castro (3ºESO) e Soledad Zixia Chedas Ferrín (1ºBach).
- MICRORRELATOS: Estela Riera Vázquez (2ºESO), Elías Pérez Rodrigo (4ºESO) e Soledad Zixía Chedas Ferrín (1ºBach).
Alumn@s do MGB na Masterclass Europea de Física de Partículas
Enviado por XefeEstudos o 24 Febreiro, 2023 - 22:51Os alumnos de 2º Bacharelato-A do noso centro: Carlota Brea Martínez, Miguel Ángel Gómez Rey e Manuel Míguez Sangiao participarán o venres 3 de marzo na MASTERCLASS EUROPEA de FÍSICA (“Física de Partículas coas mans”), organizada polo Instituto Galego de Física de Altas Enerxías.
É unha xornada na que profesores do Dpto. de Física de Partículas da Facultade de Física da USC, en colaboración co CERN, tentarán achegar o mundo das partículas elementais a estudantes de último curso de Bacharelato.
Os detalles da xornada poden consultarse facendo clic na imaxe.
Homenaxe a Rosalía de Castro
Enviado por XefeEstudos o 24 Febreiro, 2023 - 22:43Campionato Provincial XOGADE de Campo a Través en Vigo
Enviado por XefeEstudos o 16 Febreiro, 2023 - 20:36 O alumnado clasificado na fase zonal da proba de campo a través do XOGADE tivo a oportunidade de participar, o pasado domingo 12 de febreiro, na fase provincial en Vigo.
Na categoría cadete asistiron Noa de Oliveira, Noa Ortega e Manuel Souto, e na categoría infantil Lidia Calviño e Carla Pintor, estas dúas últimas clasificadas para o Campionato Galego Escolar que se disputará o vindeiro 4 de marzo na Pobra do Caramiñal.
Parabéns a todos pola súa participación e agradecer o esforzo das familias para que o alumnado puidese partipar neste evento.
11 de Febreiro, día internacional da nena e a muller na ciencia
Enviado por XefeEstudos o 11 Febreiro, 2023 - 22:10O mércores 8 de Febreiro, o noso alumnado máis científico de 2º Bacharelato e 4º ESO, participou na III Edición de CONÓCELAS. Este ano contamos coas científicas-
divulgadoras Aurora Gómez (xefa de grupo no CIMUS), Cristina de Jesús (investigadora no CIB) e Cristina Cardona (doctoranda no CIB), que nos explicaron as
súas motivacións para loitar contra o cancro e orientarnos na decisión de continuar os nosos estudos.
Grazas ASEICA polo voso esforzo en mellorar a sociedade.
Viaxe a Santiago EASD Mestre Mateo, Expos IMAXINARIA e Sempre Máis
Enviado por XefeEstudos o 8 Febreiro, 2023 - 23:01O Martes 7 de Febreiro, o alumnado de Artes do IES participou en Santiago nas seguintes actividades:
- Visita guiada á Escola de Artes e Deseño Mestre Mateo.
- Visita a dúas exposicións que había na cidade: a primeira foi a Exposición "Imaxinaria" IV Mostra internacional de Ilustración Contemporánea na sede de ABANCA na rúa do Vilar, e a seguinte a de Sempre Máis co gallo do 20 aniversario do afundimento do Prestige.
Viaxe á estación de esquí Valgrande-Pajares do alumnado de 3ºESO.
Enviado por XefeEstudos o 7 Febreiro, 2023 - 22:47A ODISEA 2023 DO MGB: "A auga en Grecia e Roma"
Enviado por XefeEstudos o 2 Febreiro, 2023 - 18:08Un ano máis non fomos quen de chegar ao desempate, pero no MGB tamén temos campións. Hoxe 2 de Febreiro, no 2º recreo, tivemos a entrega de premios de Odisea na MeGaBiblio.
Estes foron os equipos e alumnos premiados:
1º PREMIO - HISPANIA REGNAT - 4ºESOA/B
- GARCÍA SECO, RODRIGO
- FERREIRO LEMOS, ANDREA
- FERNÁNDEZ LOUZAO, MATEO
2º PREMIO - OS LADRÓNS DE COBRE - 2ºBAC-C
- VIGO LÓPEZ, SAMUEL
- IGLESIAS CARRAZÓN, ADRIÁN
3º PREMIO - PANATENEAS - 2ºBAC-C
- MONTERO RAMOS, ARACELI
- ESPIÑO MÍGUEZ, LAURA
FOLIADA INTERCENTROS 22/12/2022
Enviado por XefeEstudos o 31 Xaneiro, 2023 - 10:46O 22 de decembro o alumnado de 1ºESO participou nunha foliada organizada polo concello onde puideron disfrutar de música tradicional galega tocada por alumnado dos tres institutos de A Estrada e poñer en práctica os pasos de baile aprendidos nas clases de EF. O profesor e bailador Manolo, un curso máis, foi quen ensinou ao alumnado os pasos básicos para poder realizar esta actividade. Agradecemos o seu esforzo e bo facer.
27 de Xaneiro: día internacional da Shoá
Enviado por XefeEstudos o 26 Xaneiro, 2023 - 22:55Co gallo da conmemoración da liberación de Auschwitz, o centro internacional de Yad Vashem cedeunos unha exposición que aborda o tema dos nenos e nenas na Shoá. Tres alumnos e alumnas de 1º de bacharelato, Damián Bermejo, Ángela Caeiro e Isaura Mera recibiron formación para guiar a exposición aos seus compañeiros/as.
Campo a través, 12 de Xaneiro do 2023
Enviado por XefeEstudos o 26 Xaneiro, 2023 - 22:44O pasado 12 de xaneiro o alumnado de 1° e 2° da ESO do noso centro participou na fase zonal da proba de campo a través do XOGADE. Disfrutaron dunha mañá de actividade deportiva con centros de toda a comarca e acadaron uns resultados excelentes logrando a clasificación para a proba provincial nenos e nenas de todas as categorías nas que participabamos. Pode consultarse nova en prensa aquí.
24 de xaneiro, terceira reunión do club de lectura.
Enviado por XefeEstudos o 26 Xaneiro, 2023 - 20:50Visita a Gadisa o 25 de Xaneiro
Enviado por XefeEstudos o 26 Xaneiro, 2023 - 14:21O mércores 25 de xaneiro, os/as alumnos/as de Economía de 1º e 2º de bacharelato acudiron a Betanzos para coñecer as instalacións da empresa GADISA. Durante a visita participaron nunha sesión formativa sobre o funcionamento da área de aprovisionamento e loxística, departamento de marketing, as liñas de negocio e a RSC da empresa, rematando cun percorrido polas inmensas instalacións do almacén. Non podíamos deixar a cidade sen visitar o seu casco antigo, declarado conxunto histórico-artístico no ano 1970.
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- …
- seguinte ›
- última »