Novas

Ata o vindeiro luns 6 de maio estarán expostos no hall do primeiro andar do centros os carteis da exposición "Científicos Galegos 2008-2018", cedidos ata esa data pola Real Academia Galega de Ciencias. Nela poderemos aprender sobre a vida e obra de sobranceiros científicos galegos que dende o ano 2008 ata o 2018 foron homenaxeados con motivo do Día da Ciencia en Galicia. Informarvos tamén que o Científico Galego 2019 corresponde á figura do químico Tomás Batuecas.

O pasado venres 26 de abril varios equipos formados por alumnos e alumnas de 1º de Bacharelato que cursan Tecnoloxía Industrial I conseguiron un éxito sen precedentes na V competición de robots da Universidade de Vigo: dos 6 equipos que polo noso centro se inscribiron á competición, 5 deles chegaron á final acadando dous deles o 1º e o 3º posto! Cómpre engadir que a esta competición acudiron máis de 150 equipos de institutos de toda Galicia, polo que os seus profesores e resto da comunidade educativa non podemos estar máis orgullosos dos nosos alumnos, independentemente de que acadaran ou non o podio, dado que todos eles amosaron unha gran capacidade de traballo en equipo e de entrega por acadar este gran éxito para o centro.

Parabéns e bravo por eles!!

Notas de prensa:

Con motivo do Día Mundial das Persoas con Síndrome de Down, a Federación Down Galicia  lanzou a campaña de visibilización e sensibilización Tan diferentes como iguais. 

Con esta proposta, o movemento Down, en Galicia, pretende poñer en valor o concepto da diferenza e tamén dar visibilidade á idea de que ningunha persoa é igual a outra e que, precisamente, esa diferenza é a que nos enriquece como sociedade.

No seguinte enlace podedes ver á nosa ex-alumna presentado en televisión o libro Descubriendo la luz do que é coautora. Parabéns.

http://www.rtve.es/m/alacarta/videos/la-tarde-en-24-horas/tarde-24-horas-barra-ciencia-22-01-19/4948544/?media=tve

O pasado martes 23 de xaneiro, o alumnado que curso Tecnoloxía de 4º de ESO  e Tecnoloxía Industrial I e II de Bacharelato participou dunha visita de estudos ao Concello das Pontes. Neste importante concello industrial puideron ver de primeira man o funcionamento da central térmica de carbón e a de ciclo combinado, así como importantes empresas de mecanizado de madeira (Areda) e metal (Prometal). Dende aquí dar as grazas ao departamento de turismo do Concello das Pontes polas xestións que nos facilitaron estas visitas.

O pasado luns 4 de decembro inauguramos a maqueta do noso concello realizada polo alumnado de Volume de 1º de Bacharelato co profesor Mariano Casas.

Máis información sobre as súas características e proceso de elaboración nesta ligazón.

Parabéns aos autores!

Podemos estar ben orgullosos do alumnado de 1º de BAC que cursa as materias de Tecnoloxía Industrial I e TIC I e que participou na III competición de robots da Universidade de Vigo o pasado venres 28 de abril.

Trinta e nove alumn@s de 4º de ESO viaxaron o domingo pasado a Milán. Están acompañad@s pol@s profesor@s Chelo Vázquez, Mariano Casas e X. Xosé Pérez. Estarán de volta o vindeiro venres 21 de abril. Agardamos que o pasen moi ben e aprendan moitas cousas!

O pasado venres 17 de marzo o alumnado de 2º de Bacharelato que cursa Tecnoloxía Industrial II realizou unha visita guiada ás instalacións da empresa de telecomunicacións TELEVÉS, situada en Santiago.

A Consellería acaba de informar dunha alerta meteorolóxica que afecta, entre outros, ao concello da Estrada. Por conseguinte, e tras recibir instrucións de Xefatura Territorial:

1. Non se suspenden as clases.
2. Suspéndese o transporte escolar entre mañá ás 12:00 horas e o xoves á mesma hora.
3. Suspéndense as actividades no exterior.

Máis información nesta ligazón.

De novo o noso alumno de 1º de ESO El Mehdi Nabaoui acaba de conseguir o título de campión nacional cadete nos 3.000 metros lisos. Foi no Campionato de España de Pista Cuberta disputado o pasado fin de semana en Antequera.

Parabéns a El Mehdi e ao CD San Paio!

Máis información nesta ligazón.

O Proxecto Iris, integrado en Erasmus+, consiste na promoción da prevención contra o racismo, a violencia e a intolerancia no deporte (escolar e infantil en xeral). O noso profesor Mariano Casas participou a través da USC elaborando un cómic que se pode descargar nesta ligazón.

Alumnado de 1º e 3º de ESO do noso instituto a cargo do departamento de Lingua e Literatura Galega participaron onte na xornada sobre Olimpio Arca e o teatro escolar. O Faro de Vigo faise eco da noticia.

O pasado luns 21 de novembro a profesora Magaly Barreiro visitou o CEIP do Foxo para presentar a súa experiencia en Islandia ao alumnado de 3º, 4º, 5º e 6º de Primaria.

Máis información nesta ligazón.

O pasado domingo o noso alumno Mehdi Nabaoui, atleta do Club Deportivo San Paio, acadou de novo o triunfo no Cross de Atapuerca, proba de gran prestixio internacional e considerada a mellor de España deste tipo.

Parabéns de toda a comunidade educativa!