Skip to Content

Actividades Complementarias e Extraescolares

III Feira científica Imaxina Coruña

Mér, 17/04/2024 - 08:57

O pasado sábado 13 de abril, un equipo de alumnado e profesorado do IES Miraflores representou ao noso instituto na III Feira científica Imaxina Coruña. A presentación do proxecto "Comportas lóxicas" tivo lugar nas instalacións da Domus xunto a outros 20 traballos. O alumnado que defendeu o proxecto explicou a visitantes e xurado en que consistía o funcionamento das comportas lóxicas utilizando unhas maquetas construídas por eles. A actividade rematou coa entrega de premios e un espectáculo científico a cargo de David Ballesteros que sorprendeu ao público con distintos experimentos en directo.

Intercambio Lycée René Cassin

Ven, 12/04/2024 - 08:50

Un ano máis o alumnado de francés de 3º ESO e 1º de bacharelato participou no intercambio cun instituto francés de Bayonne, do 14 ao 22 de marzo de 2024, e agora temos aquí esta semana, do 6 ao 13 de abril, Ao alumnado francés do Lycé René Cassin.

Falando con Zenzar

Mér, 03/04/2024 - 04:40

Zënzar é unha banda de punk rock galega procedente de Meirama  e formada durante o outono do ano 1987.


Son a banda con máis anos de actividade en Galiza facendo rock en galego, polo que son alcumados a miúdo como "os padriños do rock galego".

O vocalista do grupo é o polifacético Xosé Bocixa  que estivo no noso centro acompañado de Paco Cerdeira 'Pacolas' e da ilustradora Laura Romero.

O alumnado de 2º ESO desfrutou o pasado 21 de marzo no salón de actos do instituto, non só das súas cancións senón tamén das súas experiencias ao longo da súa dilatada traxectoria.

A actividade estaba organizada polo Equipo de Dinamización do IES Miraflores e o Concello de Oleiros.

Roteiro polo encoro de Cecebre (COAWA)

Mar, 02/04/2024 - 08:33

Antes das vacacións de Semana Santa, todo o alumnado de primeiro da ESO puido desfrutar dun roteiro ao aire libre polo encoro de Cecebre. Guiados por expertos, os estudantes puideron avistar unha ampla variedade de aves, observar a riqueza florística da zona e mesmo observar algúns dos seus habitantes máis ilustres.

Teatro en Latín

Ven, 01/03/2024 - 09:04

O alumnado que cursa latín en 4ºESO e bacharelato acudiu á representación dunha obra teatral o mércores 21 de febreiro.

Pulsando sobre o enlace pódese acceder a diversas fotografías do acto

Teatro Latín

De Bastiagueiro á computación cuántica

Ven, 23/02/2024 - 05:36

O martes 27 de febreiro na bilbioteca do IES Miraflores disfrutaremos dunha charla a cargo de Antón Rodríguez, experto en computación cuántica para o alumnado do STEMbach.

Á charla están invitadas todas as persoas interesadas no tema.

O comezo está previsto para ás 16:30

Entroido 2024

Mér, 21/02/2024 - 10:12

O venres 9 de febreiro celebramos un concurso de disfraces no IES Miraflores con motivo do antroido.

Pulsando sobre a seguinte imaxe pódese acceder á unha carpeta na que se poden ver distintas fotografías da celebración.

Se algunha persoa considera que algunha fotografia non é axeitada ou debe ser retirada, por favor, que escriba un correo electrónico o máis axiña posible a vicedireccion@iesmiraflores.gal

Subvención do Concello de Oleiros

Mar, 20/02/2024 - 14:57

O Concello de Oleiros, de acordo co disposto no artigo 28.9 das Bases de Execución do Orzamento para 2023, concede a subvención nominativa de 11.020,00€ ao IES Miraflores, a cal será destinada á realización de actividades educativas, culturais e deportivas, eventos e celebracións conmemorativas e á adquisición de material didáctico de carácter funxíbel.

Día da muller e a nena na ciencia

Mar, 06/02/2024 - 09:40

A semana do 11 de febreiro celebramos o día da muller e a nena na Ciencia. O luns 5 realizamos un taller de bioadsorción de elementos contaminantes guiados por Xanel Vecino, profesora e investigadora da Escola de Enxeñaría industrial da Universidade de Vigo. O alumnado de Cultura Científica de 1º Bach preparou esférulas de adsorción de alxinato de calcio e comprobaron a súa eficacia retirando sulfato de cobre. Este proceso, a escala industrial, permite retirar contaminantes de difícil separación en tratamentos de augas e verquidos de industrias como a agroalimentaria, coa que Xanel e o seu equipo están a aplicar os resultados da súa investigación.

Visita ao CITEEC Stembach 2023/24

Mar, 06/02/2024 - 09:36

O martes 23 de xaneiro visitamos, co alumnado Stembach, as instalacións do Centro de Innovación Tecnolóxica en Edificación e Enxeñería Civil. Acompañados da enxeñeira, Gemma Rojo, coñecemos catro laboratorios de ensaios sobre materiais e estructuras: Un túnel de vento, unha darsena, na que se simula o efecto da ondaxe sobre as infraestructuras portuarias, o laboratorio de construcción, no que poñen a proba a resistencia dos materiais, e o laboratorio de hidráuloca, que conta cun modelo a escala da instalación de abastecemento de augas da Coruña e varios simuladores de chuvia.

Distribuir contido


by Dr. Radut