O día 22 de xaneiro o alumnado de francés de 3º e 4º ESO e de bacharelato disfrutou dunha representación de teatro en francés: Emilia arrive à Paris, en A Coruña
231 alumnos e alumnas do IES Miraflores de entre 1º da ESO e 1º de bacharelato puideron gozar da neve na actividade “Semana Branca” que se levou a cabo entre o 6 e o 13 de xaneiro na estación de Grand Valira (Andorra).
O centro desprazou ao alumnado en 5 autobuses acompañado por 12 profesores/as.
O seu comportamento foi extraordinario, aproveitando as clases de esquí/snow board e o tempo libre, tanto de práctica como de lecer.
Dende o IES Miraflores entendemos que a educación é moito máis que unha mera transmisión de coñecementos de aí o esforzo que se fai dende o centro para levar a cabo este tipo de actividades extraescolares que contribúen enormemente tanto ao enriquecemento persoal como á mellora da convivencia entre o alumnado.
Na sesión de Stembach do día 16 de xaneiro contamos coa presencia de Ismael Espasandín, Biólogo e investigador que codirixe un proxecto de estudo e divulgación da víbora de Seoane, especie endémica do norte ibérico.
Con Ismael coñecimos como viven, de que se alimentan, como e cando se reproducen e o importante papel que estes animais, inxustamente odiados, xogan nos nosos ecosistemas, así como a importacia e responsabilidade da conservación dos seus hábitats e das súas poboacións.
O luns, 27 de novembro, o alumnado dos tres primeiros cursos da ESO asistíu á representación da obra ÓPERA BREAK na que un grupo teatral puxo en escena un musical que combinaba a ópera con break dance.
Esta actividade foi organizada e costeada pola ANPA "Miguel Hernández".
Na mañá do venres 1 de decembro tivemos a ooprtunidade de coñecer o traballo da Asociación Galega de Custodia do Territorio (AGCT) da man do biólogo Martiño Cabana. Martiño explicounos que son e como se xestionan as microreservas de flora. Vimos exemplos de flora exclusiva dos solos serpentínicos da Serra do Careón e de orquídeas ligadas a afloramentos calcáreos da Serra do Courel (que o alumnado de 1 Bach terá a oportunidade de visitar na primavera)
O alumnado de Expresión Artística de 4º de ESO estivo traballando estes días nun mural para conmemorar o 25N baseándose na obra do artista estadounidense Keith Haring.
Charla sobre o presente e o futuro da enxeñería con Ignasi Colominas
O alumnado de Stembach conversou co Catedrático da Escola de Enxeñeiros, Ignasi Colominas nunha distendida charla sobre as enxeñeiras e enxeñeiros, os proxectos e servizos en que participan, problemáticas que afrontan e solucións aplicadas, e tamén sobre un mercado laboral no que se prevé unha demanda de persoal formado en enxeñaría moito maior do que está estudando actualmente.
O pasado dia 6 de novembro, de 8h30 a 10h10, no salón de actos do IES, o alumnado de francés de 2°, 3°, 4° eso e 1°e 2° bach, tivo a ocasión de disfrutar da presencia de Samuel Mountoumnjou, profesor, mediador e conta contos, que utiliza a tradición oral do conto africano para acercar a lingua francesa ao alumnado dun xeito diferente, lúdico e interactivo.
Pulsando sobre a imaxe pódese acceder a fotografías e vídeos do espectáculo
Merci Samuel! Merci à toutes et à tous pour votre collaboration et votre participation! Vive la Francophonie!"
O 30 de outubro achegouse ata o Miraflores Fernando Mosteiro, o coordinador de transplantes do CHUAC para dar unha charla arredor da doazón e do transplante ao alumnado de 3º de ESO e de 3º e 4º de PDC.
Na charla, Fernando explicou que son os trasplantes, os diferentes tipos, a complexidade organizativa deste tipo de intervencións e a importancia dos donantes compatibles, pezas claves do proceso. Falounos tamén do consentimento presunto e da importancia de manifestar en vida a nosa opinión sobre este tema. Para finalizar, solventou numerosas dúbidas e repartiu, entre os asistentes, un cadernillo que recolle as respostas ás preguntas máis frecuentes que adoitan xurdir sobe o tema.
Con Ismael coñecimos como viven, de que se alimentan, como e cando se reproducen e o importante papel que estes animais, inxustamente odiados, xogan nos nosos ecosistemas, así como a importacia e responsabilidade da conservación dos seus hábitats e das súas poboacións.
