XORNADA DE PORTAS ABERTAS IES MONTE CASTELO
Enviado por rocio o Mér, 13/03/2024 - 10:18ADMISIÓN ALUMNADO DE ESO E BACHARELATO PARA O CURSO 2024-2025
Enviado por Secretaria o Mér, 24/01/2024 - 06:15
RESERVA:
AVISO: Todos os alumnos de 6º EP do CEIP Plurilíngüe Vista Alegre, que fixeron a reserva de praza para 1º de ESO no IES Monte Castelo, teñen adxudicada praza. Poden ver as listaxes no tablón de anuncios deste centro e tamén no CEIP Plurilíngüe Vista Alegre.
O prazo de matrícula será no mes de xuño, informarase no seu momento
Está aberto o prazo de RESERVA DE PRAZA para o alumnado de 6º de Primaria do CEIP Plurilíngüe Vista Alegre de Burela que queira continuar os seus estudos de 1º de ESO no IES Monte Castelo.
A solicitude de reserva presentarase no CEIP Plurilíngüe Vista Alegre do 15 de xaneiro ó 5 de febreiro.
Tamén se pode presentar pola sede electrónica da Xunta ou a través da aplicación "admisionalumnado"
ADMISIÓN
Resto de alumnado que queira realizar os seus estudos de ESO ou Bacharelato neste centro.
O prazo de presentación da solicitude será do 1 ó 20 de marzo do 2024.
Procedemento:
-
O alumnado que solicite praza no IES Monte Castelo para cursar ESO ou Bacharelato presentará o impreso de admisión a través da aplicación “admisionalumnado” (https://www.edu.xunta.es/admisionalumnado) ou de forma presencial na Secretaría do centro utilizando o formulario normalizado de solicitude (Formulario ED550B), que se publica como anexo II da presente Orde do 21 de outubro de 2022.
-
Tamén se poderá presentar a solicitude a través da Sede electrónica Procedemento ED550B
-
Os formularios serán facilitados gratuitamente nos centros e tamén estarán dispoñibles na páxina web da consellería: https://www.edu.xunta.es/admisionalumnado
Mais información na páxina web da Consellería de Cultura, Educación e Universidade
Documentación a presentar xunto coa solicitude:
-
Copia DNI do alumno para o que se solicita praza.
-
Copia do libro de familia ou documento equivalente donde figure o/a alumno/a e os demáis membros computables da unidade familiar
-
Certificado de matrícula do curso actual (2023-2024). Para 1º Bacharelato certificado de notas de 3º ESO.
-
En caso de separación dos pais deben acompañar copia da sentenza de separación ou convenio regulador onde conste a custodia do/a menor.
Todos os datos persoais da solicitude deben coincidir exactamente cos que aparecen nos documentos de identificación (DNI, NIE, Pasaporte)
No anexo II bis debe reflexarse e asinar todos os membros da unidade familiar (no caso dos menores de idade asinaran o pai, nai ou titor/a). E o proxenitor non solicitante SEMPRE debe asinar o anexo II bis (continuación).
IMPORTANTE: A solicitude de reserva ou admisión é única e ten carácter vinculante. Poderá anularse unha solicitude de admisión presentada nun centro mediante a presentación dunha nova solicitude noutro centro, indicando expresamente por escrito que queda sen efecto a presentada con anteiroridade.
Deben marcarse, no momento de presentación da solicitude de admisión, todos os criterios que se pensan alegar para a baremación. Artigo 13 da Orde do 21 de outubro de 2022 (DOG 8 de novembro de 2022)
Si existisen mais solicitudes que prazas ofertadas, solicitaríase con posterioridade a documentación acreditativa para a baremación, pero os criterios alegados xa non se poderían modificar. O prazo para presentar no centro a documentación acreditativa, será de 10 días hábiles dende o 21 de marzo.
O número para resolver o empate na puntuación final é 0,70. Resolución 27 de febreiro de 2024
POSTOS VACANTES QUE SE OFERTAN PARA O CURSO 2024-2025: pinchar aquí
CRITERIOS BAREMACIÓN: pinchar aquí
Calendario do proceso de admisión:
Reserva de praza no centro de orixe adscrito (Presentar solicitude no CEIP Plurilíngüe Vista Alegre) | Do 15 de xaneiro ó 5 de febreiro |
Publicación listaxe definitiva do alumnado con posto reservado | 22 de febreiro |
Renuncia á asignación de praza reservada (alumnos CEIP Plurilíngüe Vista Alegre) | Antes do 28 de febreiro |
Publicación de postos vacantes | Antes do 1 de marzo |
Presentación da solicitude de admisión dos alumnos que cambien de centro para seguir cursando a mesma ensinanza ou estudos superiores |
Do 1 ó 20 de marzo |
Presentación da documentación acreditativa dos criterios do baremo (se o número de solicitudes é superior o número de prazas ofertadas |
A partir do 21 de marzo (10 días hábiles) |
Publicación das listaxes provisionais de admitidos e non admitidos | 25 de abril |
Reclamacións: Realizaranse ante o Consello Escolar |
5 días hábiles a partir do día seguinte da publicación das listaxes provisionais |
Publicación das listaxes definitivas | 15 de maio |
En caso de solicitar praza en datas posteriores ó prazo fixado, enviaranse ó Departamento Territorial da Consellería de Cultura, Educación e Universidade |
PROBAS LIBRES PARA A OBTENCIÓN DO TÍTULO DE BACHAREL PARA MAIORES DE 20 ANOS. 2024
Enviado por Secretaria o Mér, 24/01/2024 - 05:41Probas libres para a obtención do Título de Bacharel para maiores de 20 anos. 2024
Convocadas as probas libres para a obtención do Título de Bacharel para maiores de vinte anos no ano 2024. DOG nº 16 do 23 de xaneiro de 2024.
Toda a información na sede electrónica da Xunta: https://sede.xunta.gal
e na páxina web da Consellería de Educación: www.edu.xunta.gal
- O prazo de presentación de solicitudes para realizar estas probas será do 15 ó 28 de febreiro de 2024.
Lugar para realizar a inscrición, na provincia de Lugo:
Centro EPAPU Albeiros, parque da Milagrosa, s/n, 27003, Lugo. Tfno: 982 828106
- As probas terán lugar o día 26 de abril de 2024 para o alumnado de toda Galicia no IES San Clemente de Santiago de Compostela en sesións de mañá e tarde.
A proba constará de dous exercicios:
-Primeiro exercicio, de materias comúns
Lingua galega e literatura/ Lingua castelá e literatura/ Lingua estranxeira/ Historia de España/ Filosofía.
-O segundo exercicio diferente para cada modalidade, versará sobre as materias de modalidade
- Materia troncal xeral propia da modalidade elexida:
- Matemáticas I e II na modalidade de Ciencias
- Latín I e II na modalidade de Humanidades
- Matemáticas aplicadas as Ciencias Sociais I e II na modalidade de Ciencias Sociais
- Duas materias das troncais de opción da modalidade elixida.
Probas libres para a obtención do Título de Graduado en Educación Secundaria Obrigatoria para maiores de 18 anos. 2024
Enviado por Secretaria o Mér, 17/01/2024 - 06:16Convocadas as probas libres para a obtención do Título de Graduado en Educación Secundaria para maiores de dezaoito anos no ano 2024. DOG nº 8 do 11 de xaneiro de 2024.
Toda a información na sede electrónica da Xunta: https://sede.xunta.gal
e na páxina web da Consellería de Educación: www.edu.xunta.gal
Prazo de presentación de solicitudes para realizar estas probas será:
Primeira Convocatoria: do 5 ó 21 de febreiro de 2024.
Segunda Convocatoria: do 8 ó 19 de abril de 2023.
Lugar para realizar a inscrición, na provincia de Lugo:
Centro EPAPU Albeiros, parque da Milagrosa, s/n, 27003, Lugo. Tfno: 982 828106
Data das probas, en sesións de maña e tarde, no centro de inscrición:
Primeira Convocatoria: 12 de abril de 2024
Segunda Convocatoria: 7 de xuño de 2024
Horario:
A sesión de mañá terá dúas partes:
Na primeira parte, das 9:30 ás 12:00 horas, realizarase a proba do ámbito científico-tecnolóxico, que incúe exercicios das materias de Matemáticas, Bioloxía e Xeoloxía, Física e Química, Tecnoloxía e Tecnoloxías da Información e da Comunicación (TIC), así como aspectos relacionados coa saúde e o medio natural recollidos no currículo de Educación física.
Na segunda parte, das 12:15 ás 13:15 horas, realizarase a proba do ámbito social, que inclúe exercicios das materias de Xeografía e Historia, Economía, Iniciación a Actividade Emprendedora e Empresarial e aspectos preceptivos correspondentes ás materias de Educación plástica e visual e Música.
Na sesión de tarde, das 16:00 ás 19:00 horas, realizarase a proba do ámbito de comunicación, no cal se integran os aspectos básicos do currículo referidos das materias de Lingua Galega e Literatura, Lingua Castelá e Literatura e Primeira Lingua Estranxeira
PROBAS DE ACCESO A CICLOS FORMATIVOS. CONVOCATORIA 2024
Enviado por Secretaria o Mér, 10/01/2024 - 06:41Toda a información na páxina de FP: http://www.edu.xunta.gal/fp
Ligazón á aplicación informática para solicitar a inscrición: https://www.edu.xunta.gal/ciclosprobas
Guía do asistente informático para cubrir a solicitude de inscrición. Pinchar aquí
CLUB DE LECTURA DINÁMICO
Enviado por rocio o Mar, 19/12/2023 - 15:15O noso compañeiro Bexamín Soto lanza o Club de Lectura Dinámico.
En que consiste isto do club de lectura dinámico? Pois en que os participantes terán a posibilidade de asistir a 3 talleres nos que o propio escritor, coa axuda dalgún alumno voluntario, abordarán temas importantes tratados no seu libro "Comeza a Sumar" , pero cun enfoque mais práctico. Deste xeito, os interesados poderán completar contidos do libro, pero tamén poñelos en práctica de forma amena e guiada.
No documento adxunto tes toda a información.
Semana Erasmus Days: Voar a Europa e Máis Alá
Enviado por rocio o Dom, 05/11/2023 - 17:38Nova actividade da semana Erasmus Days "Voar a Eruropa e Máis Alá". O Equipo Erasmus, con Marcelino Luna como coordinador, presenta un proxecto en Cabo Verde, dirixido a estudantes e profesores de Formación Profesional. No acto participaron membros da nosa comunidade educativa. |
Semana Erasmus Days: Hola Praha Ahoj Burela
Enviado por rocio o Dom, 05/11/2023 - 17:26Actividade da semana Erasmus Days, que leva por título " Hola Praha Ahoj Burela". O alumnado de ESO expón as súas experiencias en mobilidade de curta e longa duración. Utilizando materiais dixitais móstranse experiencias de intercambio realizadas nos últimos 20 anos entre Burela e Praga. |
Actividades Aula de Emprendemento: "Jam de emprendemento"
Enviado por rocio o Dom, 05/11/2023 - 17:08
Taller "Jam de emprendemento" para alumnado de 1º e 2º do Ciclo Superior de Ensinanza e Animación Sociodeportiva, impartido por Raquel Pedrouso.
|
Actividades Aula de Emprendemento: "Iniciativa emprendedora e traballo en equipo"
Enviado por rocio o Dom, 05/11/2023 - 16:57
Taller "Iniciativa emprendedora e traballo en equipo", outra actividade da Aula de Empredemento, impartida por Raquel Pedrouso e dirixida a alumnado do Ciclo Superior de Ensinanza e Animación Sociodeportiva.