Manuel María, autor homenaxeado o Día das Letras

Este ano o Día das Letras adícase á figura de Manuel María. No IES de Ortigueira, están a programarse diferentes actividades para conmemorar esta celebración. Hai uns días, o alumnado de 4º de ESO fixo unha visita guiada a Outeiro de Rei, para coñecer espazos importantes na súa obra e acudir á Casa Museo. Preme AQUÍ para ver varias imaxes da visita.  Pola tarde visitaron Mondoñedo, terra de Cunqueiro.

Tamén está a programarse, para finais de maio, outra visita guiada, para o alumnado de 2º de ESO, que ampliará a saída cunha excursión á Granxa Marcelle.  

Na imaxe podedes observar a Manuel María impartindo unha Conferencia sobre Otero Pedrayo no Salón de Actos do IES de Ortigueira, no ano 1988. O "Poeta da Terra Chá" fora presentado por un novísimo, entón, escritor desta terra, Manuel López Foxo, amigo e antólogo do autor homenaxeado este ano. 

Axudas para libro de texto

Consulta  premendo aquí  a orde que regula as axudas para participar do fondo solidario e para adquisición de libros de texto no curso 2016-2017. Entregaráselle ao alumnado un resume desta orde.Descarga AQUÍ o impreso de solictude

Reclamacións contra as cualificacións

Consulta aquí  os procedementos para a realización das reclamacións contra as cualificacións no 2º curso de Bacharelato

Segundo o disposto na orde de 22 de abril do 2010 pola que se establece o procedemento de reclamacións das cualificacións outorgadas no segundo curso de Bacharelato procedemos a comunicar o calendario establecido polo centro:

Calendario de reclamacións no curso 2015-2016

Avaliación ordinaria:

23 de maio: Avaliación e entrega de Boletíns de cualificación

24 e 25 de maio: Reclamacións perante a dirección do centro ata as 14 horas.

26 de maio a partires das 17 horas: Acto de entrega das resolucións do Departamento.

27 de maio ata as 18 horas: Solicitude de envío do expediente á Comisión de Supervisión.

Avaliación extraordinaria: 

1 de setembro: Avaliación e entrega de Boletíns de cualificación

2 e 5 de setembro: Reclamacións perante a dirección do centro ata as 14 horas.

6 de setembro: Ás 13h 30 min. Acto de entrega das Resolucións do Departamento.

7  de setembro ata as 13h 30 min horas: Solicitude de envío do expediente á Comisión de Supervisión.

 

Consulta aquí a orde que regula os procedementos para a realización  de reclamacións contra as cualificacións  no resto dos cursos

( categories: )

Datos básicos

O IES de Ortigueira está situado na Avenida da Constitución, S/N , C.P. 15330,

Novo Teléfono: 881930407

Novo Fax:881930414

Correo electrónico: ies.ortigueira@edu.xunta.es

( categories: )

I Xornada de "Empresa-Escola" no IES de Ortigueira


O venres 22, pola mañá, coincidindo coas Xornadas Técnicas para o profesorado de FP de Madeira e Moble, celebráronse no IES de Ortigueira as primeiras  Xornadas para poñer en contacto ás empresas do sector da Madeira co centro de formación dos futuros carpinteiros ou empresarios.Houbo demostracións e exposicións de maquinaria, ferramenta, artesanía e Traballos en madeira. Empresarios de Ferrolterra e Ortegal, alumnado e profesorado do centro intercambiaron experiencias. Tamén os máis pequenos, e mesmo o alumnado do CEIP José Mª Lage, poideron observar as exposicións. Preme AQUÍ para ver as primeiras imaxes. Iranse poñendo máis. 

( categories: )

Xornadas Técnicas Nacionais do Profesorado de Madeira 2016

Benvida ao IES de Ortigueira. Pódese descargar AQUÍ

 

 

 

O IES de Ortigueira, protagonista das XXII Xornadas Técnicas do Profesorado de Carpintería e Moble, ás que asistirá profesorado de todo o estado español. Preme AQUÍ para ver a nova na prensa galega.

Innova FP 2016

A cúpula na que traballou o IES de Ortigueira estará estes días  na Cidade da Cultura, para formar parte de Innova FP 2016

 

 

 PREME NA IMAXE INFERIOR PARA VER UNHA NOVA NA TVG SOBRE INNOVA FP

Roupa en Conserxaría

Na Conserxaría do centro temos roupa que vai quedando polas dependencias e que aínda non foi reclamada por ninguén. Botade unha ollada

 

( categories: )

Escursión do alumnado de Lingua Francesa

TEATRO EN FRANCÉS  VISITA AO CGAI (CENTRO GALEGO DE ARTES DA IMAXE)

 

            O luns 18 de xaneiro os alumnos de 4º de ESO e 1º de Bacharelato que cursan Francés acudiron ao IES Universidade Laboral de Culleredo á representación de Dom Juan ou le festin de pierre.

 

            Máis tarde, no CGAI (Centro Galego de Artes da Imaxe) xa na Coruña, por iniciativa do equipo de Dinamización da Lingua Galega do centro, asistiron á proxección de catro curtametraxes galegas: Fendetestas (1975), de Antonio Simón, baseada na obra de Wenceslao Fernández Flórez O bosque animado; Mamasunción (1984), de Chano Piñeiro (recomendamos premer no nome da obra, ao pé da imaxe da carátula que aparece máis abaixo, para acceder á ficha artística que hai no Soportal do Audiovisual Galego); e dúas obras creadas por rapaces de 6º de Primaria e ESO de dous centros educativos da nosa Comunidade que foron premiadas recentemente. Estas últimas, de carácter documental, exploran unha realidade tristemente pasada, a da fábrica de conservas Massó en Cangas, e unha realidade fabril aínda viva, a de Cerámicas do Castro en Sada.

( categories: )

I Concurso Geocaching da Escola Politécnica Superior de Lugo (USC):

O pasado mércores 18 de novembro 2 equipos de alumnos de 4º ESO do noso centro participaron no I Concurso Geocaching organizado pola Escola Politécnica Superior de Lugo (USC). Un dos nosos equipos acadou un meritorio terceiro posto. Parabéns dende aqui para todos eles.

Despois do concurso tivemos unha intensa xornada coordinada e guiada polos nosos anfitrións, visitamos un comedor e unha residencia universitaria, posteriormente visitamos a Domus do Mítreo e o Centro de Interpretación da Muralla.

( categories: )
Distribuir contido