Co gallo do Día das Letras Galegas, neste ano adicado á poeta, violinista e profesora coruñesa Luísa Villalta, o noso alumnado explorou o seu lado máis creativo elaborando ducias de poemas visuais. Para a súa realización, escolleron versos, estrofas ou mesmo poemas enteiros de Luísa Villalta e combináronos coas artes plásticas máis variadas (colaxes, ilustracións, caligramas...)

Velaquí mostramos algunhas das obras resultantes, que se poderán ver durante estas próximas semanas nunha exposición no corredor do edificio principal.

Moitas grazas pola participación a todo o alumnado e por formar parte, un ano máis, deste día que serve para homenaxear as nosas autoras e reivindicar a nosa cultura e lingua propia!

 Mais traballos (aínda non todos) no vídeo:

 https://youtu.be/_bBzVfY_2iE

Rematados os mandatos do Meco, o venres 9 febreiro chegou a xornada Celebración do Entroido no instituto, organizada pola EDLG e a Coordinación de Convivencia..

Foi unha mañá chea de ledicia e celebración. No concurso de grupos participaron 16 dos 17 cursos, moitos con coreografía e escenificación incluídas e todos con ideas e disfraces estupendos.

Moito traballo en equipo no que o alumnado demostrou que se pode convivir en armonía, traballando en grupo, escoitándose, chegando a acordos, incluíndo e obtendo resultados. 

Moitas grazas ao profesorado e persoal non docente pola colaboración que fixo posible esta celebración.

Tamén moitas grazas ao alumnado que participou no xurado, na presentación dos grupos e na colocación do mobiliario ao principio e recollendo ao final.

Os gañadores do concurso foron:

No seguinte enlace hai un video co resume do concurso:

https://youtu.be/BC6ETgmPZdY

O xoves 21 de decembro, ás 13 horas, faranse públicas en Abalar as cualificacións do alumnado da 1ª Avaliación. Ese mesmo día entregaranse os boletíns de cualficación en papel. O resgardo deberá entregarse debidamente cumprimentado ao/á profesor/a titor/a á volta das vacacións de Nadal.

Como todos os anos por estas datas, a Equipa de Dinamización da Lingua Galega promoveu un concurso de postais de Nadal. Coa postal gañadora deste ano, realizada pola alumna Olivia Avendaño López, aproveitamos para desexar unhas boas festas e feliz Aninovo a toda a comunidade educativa do IES Otero Pedrayo.

Foliada fin de curso

Alumnas voluntarias que participaron no Obradoiro de baile no mes de abril preparon unha muiñeira para representar diante dos seus cursos de 1º. Temos futuras bailadoras no Otero!

Concurso de booktubers

para celebrarmos o día do Libro convocamos un concurso de booktubers, que consistiu en eleborar recomendación literarias en formato vídeo de Youtube. Parabés ao gañador de 1º da ESO, Ethan Eiriz.

Exposición Francisco Fernández del Riego

Colocamos na parede do corredor unha exposición sobre o autor homenaxeado nas Letras Galegas.

Xincana Literaria

En colaboración co Dpto. de Lingua e Xeografía de Historia, elaboramos unha Xincana Literaria para dar a coñecer a figura de Fernández del Riego ao alumnado de 1º da ESO.

OBRADOIRO DE BAILE TRADICIONAL

Grazas á Asociación de baile Donaire e á colaboración do Dpto. de Educación Física tivemos a sorte de realizar un obradoiro de baile tradicional para todo o alumnado de 1º da ESO. Aprendemos a estrutura básica da muiñeira e botámonos a bailar. Ata nos acompañaron coa gaita en directo! Agradecer tamén á dúas alumnas colaboradoras de 3º ESO que xa son expertas bailadoras.

CONCURSO DE MONÓLOGOS

O 14 de abril as alumnas de 2º ESO E Paula Barbeito, Daniela Berdomás e Sofía Naya participaron no concuro de monólogos do Concello da Coruña, que traballaron na materia de Oratoria con todos os seus compañeiros. Conseguiron o 1º premio! Moitos parabéns, rapazas.

SAÍDA AO TEATRO

O venres 28 de abril o alumnado de 3º ESO acudiu ao Forum Metropólitano para ver a representación da obra Relato para un incendio da compañía aAntena.

 Para conmemorara o día do 8M, varias alumnos e alumnas de 1º ESO rendiron homenaxe a unha muller importante na súa vida. 

 O mes de febreiro estivo cargado de celebracións: o Día da Candeloria, o Entroido e o Día de Rosalía.

Iniciamos o mes celebrando o “casamento dos paxariño”, como se coñece popularmente ao Día da Candeloria. Levamos a cabo unha actividade en que o alumnado escribiu mensaxes anónimas a unha persoa querida en papeis que logo penduramos nuns grandes corazóns. Aquí vos deixamos o resultado.

Para o celebrarmos o Entroido desenvolvemos varias actividades. Unha delas foi a creación de infografías e murais arredor das figuras do Entroido e dos nosos costumes, feitas por alumnado de 1º e 4º da ESO. Aquí tedes unha mostra.

Na semana do Entroido tamén puxemos en práctica os “Mandatos de Otero”, cada día Otero mandaba traer unha cousa distinta: lentes e sombreiro, zapatos distintos, unha flor...

O venres 17 de febreiro puxemos o broche final coa celebración dun concurso de comparsas que tivo moito éxito. Resultaron gañadores 3º ESO C, 4º ESO A e 1º ESO C. Aquí vos deixamos algunhas fotos.

Para finalizarmos este mes intenso, o alumnado da materia de Artes Escénicas de 4º da ESO celebrou o día de Rosalía a través dunha actividade ben interesante, "Os Borboriñantes". Esta actividade consistiu en susurrar poemas de Rosalía a alumnos e alumnas de 1º da ESO en diferentes espazos do centro.

Na última semana do primeiro trimestre fixemos a entrega de premios do concurso de Postais de Nadal, en que participaron rapaces e rapazas de 1º e 3º da ESO. Moitos parabéns ás gañadoras: Antonietta (3ºD) e Iria (1ºD). Foi difícil escollermos gañadoras xa que había moitas ben bonitas, parabéns a todas!

Desde o EDLG desexámosvos a todos e todas moi Bo Nadal e próspero Aninovo! Gozade das vacacións.

Para conmemorarmos o día Día internacional para a eliminación da violencia contra a muller alumnado de 1º, 2º e 3º fixeron unha actividade de creación de lemas contra a violencia que completaron coa creación destes cartaces tan ben feitos!