na ABAU 
Escolares
Apalpador e Apalpadora 2023
Enviado por jcarlosgb o Mér, 20/12/2023 - 20:00Antes de marchar polas vacacións de Nadal pasaron polo centro a visitarnos o Apalpador e a Apalpadora, xunto co seu séquito de colaboradores e colaboradoras.
Bo Nadal!
Visita de Eva Mejuto
Enviado por jcarlosgb o Dom, 17/12/2023 - 20:00
|
A escritora Eva Mejuto visitou o noso centro para falar co noso alumnado sobre dous dos seus libros: "Neko" e "22 segundos". As dúas horas que estivo aquí quedaron curtas para satisfacer a curiosidade dos rapaces e rapazas que gozaron lendo as súas obras. Rematada a entrevista, Eva concedeulles unha entrevista a tres voluntarios da Radio Escolar. Poderedes escoitar a entrevista na revista de fin de curso. |
 |
 |
Exposición Juana de Vega
Enviado por jcarlosgb o Lun, 27/11/2023 - 08:14 |
A fundación Juana de Vega trouxo a Mondoñedo a exposición conmemorativa “Juana de Vega, condesa de Espoz y Mina (1805-1872) Facer no século”. Despois de pasar polo Auditorio Pascual Veiga, o noso centro tivo a sorte de poder desfrutala nos corredores da planta baixa. O concello de Mondoñedo facilitou todos os trámites e encargouse de montala no noso edificio para que toda a comunidade educativa tivese acceso a ela. Moitas grazas! |
Saída ás setas
Enviado por jcarlosgb o Lun, 13/11/2023 - 09:48| Aínda que o tempo no mes de novembro non foi moi beneficioso para a aparición das setas, o alumnado de PDC, BAC e Ciclos aventurouse na busca dalgún exemplar para expoñer. E aínda algún trouxeron, como podemos ver nas fotos. Polo camiño tamén deron cunha posta de ovos de ra, dando maior valor didáctico á saída, aínda que esta si que quedou evolucionando na poza onde se atopou. | ||
 |
 |
 |
Semana das Froitas Frescas
Enviado por jcarlosgb o Lun, 06/02/2023 - 09:30 |
Este ano o centro volve participar no programa de reparto de froitas frescas e leite do FOGGA. Esta semana do 6 de febreiro e a seguinte serán as primeiras das froitas e poderemos saborear as seguintes:
Bo proveito!! |
Programa Naturézate 2018. Plan Proxecta
Enviado por Admin o Mér, 20/06/2018 - 07:20PLAN PROXECTA: PROGRAMA NATURÉZATE
O departamento de Ciencias Naturais do IES San Rosendo participou este ano tamén dentro do Plan Proxecta no seu Programa Naturézate con varias actividades.
Entre elas estivo "Voando no inverno", na que o alumnado de Bioloxía e Xeoloxía de 4º ESO e 1º de Bacharelato realizou un roteiro ornitolóxico
pola costa de Ribadeo (ZEC As Catedrais) e a Ría de Ribadeo (humidal protexido e zona RAMSAR).
Con binoculares, telescopios terrestres e guías de campo, durante a mañá e parte da tarde do 17 de xaneiro puidéronse observar numerosas especies de aves
acuáticas, moitas delas invernantes: patos rabudos, asubiadores, cercetas, mazaricos reais, águias peixeiras, cullereiros, pilros, corvos mariños...
O alumnado deseñou un folleto informativo antes do roteiro para coñecer as principais especies, e tamén unha páxina web con información sobre algunhas
das aves invernantes que se poden observar na zona. Os estudantes enviaron os datos dos seus avistamentos a través da plataforma internacional eBird.
Proxecto Ríos 2018
Enviado por Admin o Lun, 18/06/2018 - 06:04Como en cursos anteriores o IES San Rosendo participou no Proxecto Ríos, programa para o estudo do estado ecolóxico dos ríos organizado pola asociación ecoloxista ADEGA, e que se atopa dentro do Plan Proxecta.
Nesta ocasión tocoulle ao alumnado de 2º e 3º PMAR e aos de Ciencias aplicadas de 4º da ESO ser os inspectores. Coma sempre o río estudado foi o Valiñadares en 2 puntos próximos a Mondoñedo.
Na campaña de outono visitamos o punto da Pousada e o da ponte do Pasatempo, e en maio decidimos cambiar a ponte do Pasatempo por un punto situado augas arriba, coa intención de estudar un punto con menor impacto, e un mellor bosque de ribeira.
Os resultados están sendo analizados polo alumnado de ciencias aplicadas que en breve teñen que entregar os seus informes onde aportaran datos hidromorfolóxicos, de parámetros físico químicos, así como utilizaran o bosque de ribeira e o estudo de macroinvertebrados para a aplicación de bioíndices que nos mostren a calidade das augas do Valiñadares.
Programa Fitofaladoiro
Enviado por Admin o Xov, 29/06/2017 - 09:29
PROGRAMA FITOFALADOIRO
Este curso participamos por segunda vez no proxecto Fitofaladoiro, incluído no Plan Proxecta. O alumnado de 1º de ESO e algúns voluntarios/as de 4º de ESO recolleron mostras de plantas, que prensaron para a súa conservación, e entrevistaron a familiares e veciños para coñecer os seus nomes locais e os seus usos tradicionais.
A través da seguinte ligazón podedes acceder á información recollida durante estes dous cursos:
