Extraescolares

Visita WORKSHOP-REPSOL

Mér, 29/10/2014 - 07:34

O venres 24 o alumnado de 1º de bacharelato, xunto cos seus profesores da matemáticas, acudiron á Escola Politécnica Superior do Campus de Esteiro.

Alí puideron asistirir a unha interesante exposición na que se amosaban traballos que xurdiron da colaboración entre Empresa e Universidade, tales como sistemas de localización en interiores, aplicacións das algas ou biocombustibles, entre outros.

Literaturizarte no Sofía

Lun, 27/10/2014 - 08:22

Para continuar co traballo feito polos alumnos de EPV coas meninas e a reciclaxe que aínda podedes ver na exposición da entrada do centro, o equipo da biblioteca, capitaneado por Ana Seco, elaborou todo este itinerario lector sobre as meninas na literatura.

Podedes consultar toda a información sobre as lecturas baseadas no famosísimo cadro de Velázquez. E se tedes aínda máis curiosidade, non dubidedes en acercarvos á biblioteca e preguntarnos como conseguir estas lecturas.

Reciclarte no IES Sofía Casanova

Mar, 14/10/2014 - 12:57

Se te achegas ao noso centro estes días, poderás contemplar unha exposición de meninas feitas polos alumnos de 4º de ESO do curso pasado con obxectos reciclados.

A actividade foi coordinada pola profesora de EPV María Lanza. Estes artefactos son os mesmos que decoraban as fiestras e as árbores de Canido durante a última edición das Meninas os días 5 e 6 do pasado mes de setembro.

Ver traballos

.

50 ANIVERSARIO

Mar, 17/06/2014 - 02:50

O vindeiro mércores 18 de xuño ás 17 horas culminarán os actos de celebración do 50 aniversario da creación do instituto coa celebración dun Acto Académico que contará coa escritora e investigadora Ana Romero Masiá, ex-directora do centro, quen pronunciará a lección maxistral "De Camilo a Sofía". Asistirá o Alcalde da cidade, antigo alumno, así como representantes da Consellería e invitamos a compartir esta tarde a quen, por calquera motivo, tivera unha vinculación co instituto neste medio século de existencia (antigo alumnado, profesorado e persoal non docente)

GRADUACIÓN

Mar, 17/06/2014 - 02:03

O pasado 30 de maio os alumnos e alumnas de 2º de Bacharelato celebraron a súa titulación, recentemente acadada, así como a despedida do instituto. Nun Salón de Actos ateigado, os novos Bachareis, as súas familias e o profesorado disfrutaron de actuacións musicais, vídeos e emotivas mensaxes, e os titores e titoras entregaron as orlas da promoción. Agora que dá comezo a gran aventura do futuro dende a que foi a súa escola de vida desexámoslles moita felicidade no porvir.

Ver fotografías.

Visita á Casa das Ciencias

Xov, 05/06/2014 - 07:56

O alumnado de 3º da ESO guiado polos seus profesores de Bioloxía e Química fixo unha viaxe cultural A Coruña onde visitou a Casa das Ciencias.

Na presente ligazón podes ver fotografías desa visita.

Teatro no Sofía Casanova. "O TESTAMENTO DO TÍO NACHO"

Mér, 28/05/2014 - 03:51

O próximo xoves 29 poderemos ver os resultados de todo un ano de traballo do grupo de Teatro do Sofía Casanova.

Será por fin a estrea de O TESTAMENTO DE TÍO NACHO.

Este martes puidemos asistir a unha pre-estrea no teatro Jofre, ofertada desde a Coordinadora de Equipas de Dinamización da Lingua aos centros de Ferrolterra. Os que xa puidemos asistir aseguramos que non vos defraudará . Ata o xoves!

Rastro solidario - Recollida de alimentos para a cociña económica.

Ven, 29/11/2013 - 07:15

Ó longo do mes de decembro realizaranse varias actividades de carácter solidario no noso instituto para as que se precisa colaboración:

RASTRO SOLIDARIO O alumnado pode traer cousas que non utilice (CD, DVD, LIBRO, CÓMIC, VIDEOXOGO, BISUTERÍA) pero que aínda estean en bo estado para seren vendidos por un prezo simbólico. A recadación das vendas será entregada á Cociña Económica. Pode entregarse material ao longo da próxima semana (2-5 dec) en calquera recreo ás persoas voluntarias que estarán na entrada do instituto. A venda farase na semana do 9 ao 13.

RECOLLIDA DE ALIMENTOS PARA A COCIÑA ECONÓMICA Como xa é habitual recolleremos alimentos non perecedoiros (arroz, pasta, conservas, legumes, aceite, leite, doces de Nadal, etc) nun carro que estará situado tamén na entrada do instituto.A data de recollida será do 2 ao 13 deste mes de decembro. Agradecemos de antemán a vosa colaboración.