O pasado 27 de xaneiro achegámonos á Casa da Cultura para asistir á representación de HOTEL CANTERVILLE, unha obriña en inglés traída a Outes por FACE2FACE. que parece que gustou a tódolos asistentes. Lara de 1ºA e Ryan de 4º foron as estrelas da función nos papeis de Mr. Orange e Bob. Xunto a eles, Cayetano de 1ºA e Iván de 2ºB cumpriron moi ben a súa tarefa de facer de "elevator" do hotel.
Aquí tedes algúns dos momentos da actuación.
O Departamento de EPVeA segue a colaborar co Proxecto de Talentos de Outes, no marco dese proxecto o alumnado de 4º de ESO visitou o Centro ocupacional de ADISBISMUR para preparar unha nova curta sobre o talento dos usuarios do centro que desenvolven múltiples actividades.
O noso alumnado participará nun obradoiro de cestaría a cargo de usuarios de ADISBISMUR o próximo mes de marzo.
Estamos IMPACIENTES!
Para ver máis fotos visita o FACEBOOK da asociación https://www.facebook.com/adisbismur/
Pinchando en cada unha das imaxes poderedes ver os magníficos cortos-entrevistas que o noso alumnado fixo sobre estes catro TALENTOS DE OUTES.
MOITÍSIMAS GRACIAS AOS CATRO POR PRESTARSE A ESTA INTERESANTE ACTIVIDADE!
O ALUMNADO DE 4º QUE VAIA INICIAR BACHARELATO OU FP NO VINDEIRO CURSO 23-24 DEBE FACER A RESERVA DE PRAZA PARA O CENTRO NO QUE QUEIRA MATRICULARSE.
Máis información pinchando na seguinte imaxe.
 |
O pasado mes de novembro, un grupo de profesorado galego entre o que estaba Susana Álvarez, profesora do departamento de Xeografía e Historia deste centro, participou no programa PIALE, Programa Integral de Aprendizaxe de Línguas Estranxeiras, que ten por obxectivo promover o intercambio pedagóxico e a inmersión linguística en portugués. A experiencia, que se desenvolveu na Escola Clara de Resende do Porto, resultou enriquecedora e confirmatoria da oportunidade, que como galegofalantes temos na Lusofonia, agora que o plurilingüismo é unha das competencias de aprendizaxe ao cuidado do profesorado na nova lei educativa. |
O alumnado de 4ºESO foi recibido no pazo das Torres do Allo, situado no Concello de Zas, que pasa por ser o máis antigo de Galicia, aínda que non teña o mérito de ser o exemplo de propiedade fidalga mellor conservada. Os seus elementos: a capela, o pombal, as terras, as casas das familias labregas…foron deslindándose co pasar do tempo. Mais é iso precisamente o que nos permite explicar a vida cotiá durante o Antigo Réxime en Galicia e o seu final. Visitar espazos patrimoniais axuda a entender mellor a nosa Historia
O alumnado de 2ºESO participou dunha saída didáctica para visitar o castro de Viladonga e Lugo. En primeiro lugar, participaron nun obradoiro de arqueoloxía no que se familiarizaron co entorno dun xacemento arqueolóxico e elaboraron o seu caderno de campo medindo estruturas e lanzando hipóteses a partir dos restos encontrados nelas. A seguir, e guiados polo persoal do Museo do Castro de Viladonga, puxeron en común as súas ideas que non ían nada desencamiñadas. Temos bos e boas investigadoras no grupo!
Despois do xantar, completamos este percurso no Lugo romano para entender que foi alí onde dúas culturas se encontraron e influíron mutuamente. Comprobámolo na sala de exposicións Porta Miñá sobre a construción da cidade e a súa muralla. Despois, na Domus do Océano, baixamos ao rocho dun edificio da zona histórica para observar os alicerces dunha casa patricia inmensa, moi decorada e con calefacción!
O alumnado completou unhas tarefas sobre estes contidos e acabamos a xornada camiñando parte da muralla, que é Patrimonio da Humanidade desde 2000 por ser o mellor exemplo de fortificación do final do Imperio romano conservado en Europa.
Na aula de Historia, a través dalgúns petiscos que hoxe identificamos coa dieta mediterránea, tivemos a oportunidade de coñecer parte da alimentación habitual na Hélade, razoar xuntos que actividades económicas facían posíbel a obtención daqueles produtos e saber máis sobre cerámica grega e o seu uso nun banquete típico.
Tivemos unha aula ben saborosa!
Preme na imaxe para ver as últimas novidades da biblioteca. Propoñémoste que aproveites as vacacións de Nadal para levar algunha a casa.
Á volta das vacacións de Nadal retomaremos a actividade da Hora de Ler, recordade que nesta avaliacíon realizarase os martes. Aquí tedes o enlace ao calendario.
Xunta de Galicia - Consellería de Educación, 2013 | ||
