O pasado mércores día 7 tivemos a segunda sesión do programa de Acompañamento Entre Iguais. Nesta ocasión, foron os nosos compañeiros e compañeiras máis pequechos e pequechas os que trouxeron un xogo da casa para compartir cos seus iguais maiores. Que ben o pasaron! Dá gusto velos xogar tan content@s, reforzando o vínculo entre el@s!
|
|||
O CEIP Plurilingüe A Cristina celebra con outros centros o Día Mundial da Radio 2024 que este ano cadra a martes de Entroido. A nosa aportación consistiu nunha homenaxe a Carlos "O Xestal", figura clave no noso patrimonio e coñecido por ser un humorista, músico e activista galego. Fíxose popular narrando contos e historias, as cales tiñan tintes reivindicativos contra o caciquismo. Traballou tamén por dignificar e visibilizar a música e a lingua galega. Se pinchades enriba da imaxe, accederedes directamente ao audio. Neste podcast, faise un breve repaso biográfico para pasar despois a unha interpretación dun dos seus contos. Ollade que ben o fai a nosa montaxista, Maica, e os nosos/as locutores/as! Este é o enlace á páxina de Ponte nas Ondas (pincha AQUÍ): https://escolasnasondas.com/ Este é o enlace ao noso podcast en Ponte nas Ondas (pincha AQUÍ): https://escolasnasondas.com/ceip-plurilingue-a-cristina-carballo-para-o-dia-mundial-da-radio-2024/
|
|||
Aínda que o tempo non acompañou, o pasado venres día 9 celebramos o Entroido no centro. A temática xirou en torno ao sétimo arte e as emocións que nos provocan as películas. O alumnado de infantil disfrazouse de pintores e pintoras.
O alumnado de primeiro ciclo de emoticonos.
O alumnado de segundo e terceiro ciclo de personaxes da película "O Rei León".
Despois do desfile, compartimos a merenda cos produtos que nos trouxeron as familias. Desfrutamos un montón! |
|||
É tempo de ENTROIDO, de festa, de máscaras, de filloas, de cocido... É tempo de coñecer un pouquiño máis sobre esta longa tradición que en Galicia non deixou nunca de celebrarse.
Sempre convén ir disfrazado... do que sexa! Aquí o que se valora é o espíritu participativo e as ganas de pasalo ben. Dependendo de onde nos atopemos, sen disfraz corremos o perigo de sufrir uns golpes de fusta; de que nos boten fariña ou formigas vivas; ou de ter que convidar a unha ronda. É a lei!
Como o Entroido vívese de forma diferente nos distintos lugares de Galicia, a nosa compañeira Irene, titora de 2º de primaria, elaborou unha presentación do máis interesante sobre as pantallas, os cigarróns, os peliqueiros...
Que traballazo!
Por enriba, é unha gran artista! Mirade as plantillas que fixo para que poidamos decoralas a nosa maneira. Son xeniais!
|
|||
O alumnado de 2º e 3º ciclo de primaria conmemorou o Día da Paz e da Non Violencia participando na iniciativa "Plantando árbores con pinceis". Mentres os nenos e nenas de 3º e 4º decoraron bolsas de tea desenvolvendo a súa creatividade, os compañeiros e compañeiras de 5º e 6º pintaron un muro do patio cuberto. Para o desenvolvemento de ámbalas dúas actividades empregáronse pinturas fotocatalíticas, un produto innovador que axuda a purificar o aire das superficies nas que se aplica. A temática escollida foi o medio ambiente e a paz, como emoción, que produce saber que facemos todo o que está na nosa man para coidalo.
|
|||
A semana pasada o alumnado de 3º de E. Primaria desenvolvou dúas sesións de xogos cooperativos para fomentar a cohesión grupal, o traballo compartido, a empatía e, en definitiva, a inclusión. Un dos motivos principais de levar a cabo estas dúas sesións, foi a de facer partícipe a un compañeiro do grupo que debido a unha lesión, terá que utilizar cadeira de rodas durante un tempo, buscando como obxectivos principais: · Introducir a este alumno dunha forma dinámica dentro do conxunto da clase. · Fomentar a integración social a partir da participación nas actividades do grupo clase. · Adaptar as reglas dos xogos de maneira que sexan válidas para todos/as. · Favorecer a motivación co fin de que o alumno teña gañas de participar. Agradecer a colaboración da súa titora Maica, tanto na proposta de actividades como na participación nas mesmas. Moitas grazas! |
|||
O alumnado de educación infantil e 1º ciclo de primaria centrou os seus traballos para a paz na figura do pintor Pablo Picasso, imitando e reproducindo algunhas das súas obras máis emblemáticas.
O alumnado de 5 anos experimentou coa luz para facer a súa pomba.
Ollade tamén como traballaron a figura de Picasso os nenos e nenas de 2º de primaria. Fixeron a súa propia interpretación do "Guernica" e dos autorretratos. As obras quedaron espectaculares!
O alumnado de 3 anos participou tamén na actividade coa súa visión da pomba da paz.
|
|||
Xa chegou o Entroido un ano máis e, con el, os Mandadiños do Meco. O venres día 9 celebraremos un desfile na pista exterior e disfrutaremos dunha merenda exquisita pero antes debedes botarlle unha ollada ao cartaz para saber como temos que vestirnos do luns 5 de febreiro ao xoves 8. |
|||
O papá de Martina, Carlos, é de Medellín (Colombia) e a semana pasada, aproveitando que na aula de 5 anos están a traballar o continente americano, ensinounos algunhas cousiñas da súa terra. Primeiro, trouxo varias prendas típicas do país e vestímonos con elas. Logo, convidounos a probar "augapanela", é dicir, auga con caña de azucre que precisa dunha cocción previa. Vimos un vídeo para aprender como se fai. Deliciosa! Moitas grazas, Carlos! Grazas por ser tan atento e por contarnos cousiñas tan maravillosas do teu país que nos permitiron coñecelo máis. |
|||
O Equipo TIC do noso centro elaborou unha proposta de actividades e recursos para traballar a conmemoración do Día da Paz e da Non Violencia. Noraboa a Suso e Lucía por este gran traballo! Podedes descargalo no arquivo adxunto ou tocar na presentación.
|
|||
Velaiquí algúns exemplos de como adaptar probas de comprensión lectora para que todo o alumnado teña acceso á información e sexa capaz de identificar os recursos axeitados.
Propoñemos textos ben estruturados, onde se resalta a información importante a través de técnicas como o subliñado, a negrita ou o uso da maiúscula. Os parágrafos son curtos e inclúense textos literarios como non literarios. O apoio visual tamén é fundamental.
Botádelle unha ollada a ver que vos parece!
|
|||
Esta mañá celebrouse a Fase local de campo a través escolar, onde un ano máis, os nosos/as atletas tiveron un destacado papel na proba celebrada no circuito permanente do polígono industrial de Carballo.
O noso centro estivo representado por 82 nenos/as das categorías benxamín, alevín e infantil feminino e masculino.
Aínda que todos os nen@s realizaron un gran papel, hai que destacar as medallas de ouro de Julía García ; a de prata de Hugo Castro e a medalla de bronce de Enzo Palanca. Destacar tamén, que os equipos benxamín masculino e alevín feminino acadaron o segundo posto, e o equipo alevín masculino o terceiro posto.
Con estes resultados serán 16 atletas do noso centro os que nos representarán no Campionato Provincial de centros educativos, que se celebrará o venres 15 de Marzo, no circuito Virxe do Loreto de Porto do Son.
Quero aproveitar esta entrada, para dar as grazas ao equipo directivo do centro, as titoras, e en especial,a Marta,Patricia e Esther, polo seu excelente traballo e colaboración no desenvolvemento da xornada de hoxe.
Moitas grazas!
Tampouco me quero olvidar do excelente comportamento dos nenos/as, e do apoio incondicional de todos os pais e nais que se achegaron ata o circuito para animar aos nenos/as.
RELACIÓN DE ATLETAS CLASIFICADOS PARA O CAMPIONATO PROVINCIAL CLASIFICACIÓN INDIVIDUAL MARTA VILLASENIN FACAL ( 4ª CLASIFICADA BEMXAMÍN FEMININO) SARA ANTELO FRAGA ( 7ª CLASIFICADA BEMXAMÍN FEMININO) ENZO PALANCA COUSILLAS(3º CLASIFICADO ALEVÍN MASCULINO) LUCÍA LOIS COUSILLAS(9ª CLASIFICADA INFANTIL FEMININO) CLASIFICACIÓN POR EQUIPOS BENXAMÍN MASCULINO 2º CLASIFICADO
HUGO CASTRO LADO
MATEO GONZÁLEZ SANMARTÍN
YOEL GRILLE CALVIÑO
ADRIÁN GARCÍA RECAREY
GAEL MÉNDEZ ABELENDA
ÁLEX GARCÍA MARIÑO
ALEVÍN FEMININO 2º CLASIFICADO
JULIA GARCÍA REMUIÑÁN
LUNA LORENZO ANTELO
VICTORIA RAMOS VARELA
PAULA BOLÓN COTELO
ANA CARRACEDO VARELA
CLAUDIA CASTRO MARTÍNEZ
CLASIFICACIÓNS FASE LOCAL DE CAMPO A TRAVÉS ESCOLAR
EQUIPO BENXAMÍN MASCULINO (2º CLASIFICADO)
EQUIPO BENXAMÍN FEMININO (4º CLASIFICADO) EQUIPO ALEVÍN FEMININO (2º CLASIFICADO)
EQUIPO ALEVÍN MASCULINO (3º CLASIFICADO)
( 1ª CLASIFICADA ALEVÍN FEMININO)
(2º CLASIFICADO BENXAMÍN MASCULINO)
ENZO PALANCA COUSILLAS
(3º CLASIFICADO ALEVÍN MASCULINO)
|
|||
Ao longo deste trimestre, continuamos co programa de Acompañamento Entre Iguais. Como xa sabedes, trátase dunha iniciativa enmarcada dentro da modalidade dos Contratos Programa Inclúe e consiste en que o alumnado, organizado en parellas ou pequenos grupos, comparta momentos semanais (entre 20 e 30 minutos) realizando actividades conxuntas. Os/as alumnos/as están mesturados por etapas ou ciclos.
Nesta ocasión, os acompañantes buscan un xogo e comparten un momento lúdico cos acompañados. Esta iniciativa serve para que os protagonistas se coñezan mellor xogando xuntos e comecen a crear un vínculo entre eles.
|
|||
Un ano máis, o noso centro terá unha amplia representación na Fase Local de campo a través escolar, xa que, serán 82 atletas do noso centro,os que participarán o próximo venres 26 de xaneiro( sempre que as condicións metereolóxicas o permitan) nesta proba. Esta actividade forma parte do Programa Xogade.
As probas desenvolveranse no circuito permanente do polígono industrial de Carballo.
Os horarios das probas serán os seguintes:
11.00: Infantil masculino ( 6º E.Primaria)
11.15: Infantil feminino ( 6º E.Primaria)
11.30: Alevín masculino ( 4º e 5º E.Primaria)
11.45: Alevín feminino ( 4º e 5º E.Primaria)
12.00: Benxamín masculino ( 2º e 3º E.Primaria)
12.15: Benxamín feminino ( 2º e 3º E.Primaria)
Moita sorte a tod@s!
|
|||
Hoxe comezou no noso centro a IV Liga escolar de baloncesto 3x3, que se desenvolverá ata mediados do mes de marzo nos recreos dos luns e venres. Esta iniciativa está organizada polo Basket Xiria, coa intención de facer uns recreos máis saudables e entretidos.
Nela participará o alumnado de 3º, 4º ,5º e 6º de E.Primaria. |
|||
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »