CEIP PLURILINGÜE A CRISTINA

No día de hoxe os "Cristinatreiros" achegáronse ás instalacións da Cadena Ser na rúa Vázquez de Parga para gravar a adaptación da obra que presentaron para o Teatro Lido, "Cataventos e Cía".

Mirade que profesionais! Fixérono de medo! Agora fai falla un chisquiño de sorte para pasar á seguinte fase. Noraboa compañeiros/as!

Pero mirade que "Cookies de Samaín" máis xeitosas fixeron os nosos cociñeiros/as da aula de 5 anos. Riquísimas!! Ademais de terroríficas, estaban para chuparse os dedos. Moito aprendemos coa nosa rapazada!

Boas tardes a comunidade educativa! Dende o EDLG queríamos eninarvos o documento que se mandaou as familias sobre o noso Samaín, a súa hostoria e algunhas propostas de actividades relacionadas co noso proxecto de centro "Emocionarte". 

Desexamósvos un feliz samaín!! 

Pero que historias tan terroríficas nos contaron as nosas compañeiras Aroa, Adelaida, Ainara e Natalia de 6º curso!!! Non puidemos preparar a nosa festa de Samaín de mellor xeito. Tranquil@s, son aptas para tódolos públicos.

Descargade o arquivo adxunto ou pinchade na imaxe para escoitalas.

Grazas á profe Maica polos efectos especiais. Son fantásticos!! Noraboa!

Este mércores os maiores de infantil foron de visita á biblioteca Rego da Balsa. Alí puideron disfrutar da dramatización da obra "O Coelliño Branco" da man de Lili Gruyère. Estivo divertidísima e as profes participaron como personaxes!

Ademais, tamén houbo un pequeno espectáculo de maxia cun coello. Vaia troula!

Que mellor maneira de comezar a tempada de Radio Cristinuna que cunha entrevista! As locutoras de radio Ana Carracedo, Julia e Alba organizaron unha agradable tertulia con Patricia, a directora do cole, para coñecer un pouquiño máis en que consistía o seu traballo. Tamén houbo tempo para preguntas máis persoais dentro dun ambiente moi distendido.

Animádevos a pinchar na imaxe para escoitala ou descargade no arquivo adxunto. Esta á e primeira dunha rolda de entrevistas do máis interesantes!

No día de hoxe o alumnado de 3º e 4º nivel de primaria, acompañado das profes Lucía Gómez, Lucía Fonte e Sandra, visitou a Casa Grande de Xanceda para participar en actividades especiais de Samaín!! 

Aínda que o día non acompañou moito, @s nen@s visitaron a granxa ecolóxica e déronlle de mamar aos tenreiros. Tamén degustaron os iogures e disfrutaron dunha saída na que destaca o gran compromiso co rural, co medio ambiente e cos animais.

Nova sesión no día de hoxe do programa de ACOMPAÑAMENTO ENTRE IGUAIS. Como podemos observar, o alumnado de educación infantil púxose en parellas para poñer en marcha toda a súa creatividade e deseñar un logo para o cole. 

Fixádevos que concentrad@s están!

No día de hoxe o alumnado de 5º A participou no concurso CIBERSEGURIDADE NO COLE. Xunto con outros centros da comunidade contestamos a dez preguntas sobre seguridade na rede a través da aplicación Kahoot. A verdade é que nos serviu para refrescar certos contidos sobre os ataques de pishing, as cookies... e o máis importante: cando sexamos ofendidos a través dalgunha aplicación, avisar aos nosos pais urxentemente!

Foi moi emocionante!

Os Cristinatreiros volven a estar en acción! Aquí vos deixamos o vídeo que presentamos para o certame de Teatro Lido deste 2023. A obra titúlase "Cataventos e Cía" e versa sobre a romántica e simpática historia de amor de Amanda e Leonardo que, coa axuda doutros personaxes do castelo, intentarán que o amor verdadeiro triunfe e que o sentimento prime ante calqueira outro tipo de interese.

A creadora do texto é Celia Díaz Núñez, profesora e autora de diversos textos narrativos e de teatro.

A palabra "medo" vén do latín "metus", aínda que se trata dunha palabra que é exclusiva do castelán xa que en Italia e Francia, o medo asentouse na voz latina "pavor". Neste post fixemos unha pequena reflexión sobre esta emoción e sobre a vergoña a través da lectura da lenda de Lady Godiva. Pulsade na imaxe para botarlle un ollo as nosas reflexións.

Que nos dá vergoña?

"A min dáme vergoña falar con xente que non coñezo porque non teño confianza" (Victoria, 5º EP).

"A min dáme vergoña ir a un sitio ou a unha actividade na que non coñezo a ninguén porque sinto que me deixan de lado" (Carmen, 5º EP).

"A min dáme vergoña xogar diante de moita xente porque non estou cómoda e tamén me dá vergoña falar en público porque quedo paralizada" (Paula, 5º EP).

"Teño vergoña cando un descoñecido me pregunta algo porque quedo sen palabras" (Noa Muñiz, 5º EP).

Hoxe estivo no noso centro Zarra, adestrador das Escolas Balonmán Xiria,para facer unha presentación práctica e lúdica do seu deporte, explicar o funcionamento do club (localización, horarios de adestramento, competicións…)

Con este programa de Xogade ( Xogos deportivos en idade escolar) preténdese que os escolares do noso centro coñezan os recursos deportivos dispoñibles en Carballo. Ofrecéndolles así unha alternativa de ocupación para o seu tempo libre e fomentándose a práctica da actividade física entre a nosa poboación escolar. Con esta actividade desde o centro buscamos poñer en mans do noso alumnado a maior cantidade de recursos posibles, que lles axuden a conseguir uns hábitos cada vez máis activos e saudables, creando así un vínculo importante entre o centro e os clubs da nosa localidade.

Hoxe tocoulle o turno ao alumnado de 5º A e de 3º de Educación Primaria.

Esta actividade continuará mañá co alumnado de 2º,4º e 5º B, e o próximo luns, co alumnado de 1º e 6º de E.Primaria.

Moitas grazas a Zarra por adicarnos parte do seu tempo a ensinarnos o seu deporte.

Este curso continuamos coa andaina en Radio na Biblio. Comezamos a formación a cargo de Santiago Fernández, ex-director do CEIP Labaca, mestre e actor de teatro. Ademais, ten un estudo de doblaxe. 

Escoitade que contiño tan bonito fixemos con el! É unha versión en audioconto de "A mellor sopa do mundo" de Almudena Xaneiro. Pinchade AQUÍ ou na imaxe para escoitalo!