CEIP PLURILINGÜE A CRISTINA

A palabra "medo" vén do latín "metus", aínda que se trata dunha palabra que é exclusiva do castelán xa que en Italia e Francia, o medo asentouse na voz latina "pavor". Neste post fixemos unha pequena reflexión sobre esta emoción e sobre a vergoña a través da lectura da lenda de Lady Godiva. Pulsade na imaxe para botarlle un ollo as nosas reflexións.

Que nos dá vergoña?

"A min dáme vergoña falar con xente que non coñezo porque non teño confianza" (Victoria, 5º EP).

"A min dáme vergoña ir a un sitio ou a unha actividade na que non coñezo a ninguén porque sinto que me deixan de lado" (Carmen, 5º EP).

"A min dáme vergoña xogar diante de moita xente porque non estou cómoda e tamén me dá vergoña falar en público porque quedo paralizada" (Paula, 5º EP).

"Teño vergoña cando un descoñecido me pregunta algo porque quedo sen palabras" (Noa Muñiz, 5º EP).

Hoxe estivo no noso centro Zarra, adestrador das Escolas Balonmán Xiria,para facer unha presentación práctica e lúdica do seu deporte, explicar o funcionamento do club (localización, horarios de adestramento, competicións…)

Con este programa de Xogade ( Xogos deportivos en idade escolar) preténdese que os escolares do noso centro coñezan os recursos deportivos dispoñibles en Carballo. Ofrecéndolles así unha alternativa de ocupación para o seu tempo libre e fomentándose a práctica da actividade física entre a nosa poboación escolar. Con esta actividade desde o centro buscamos poñer en mans do noso alumnado a maior cantidade de recursos posibles, que lles axuden a conseguir uns hábitos cada vez máis activos e saudables, creando así un vínculo importante entre o centro e os clubs da nosa localidade.

Hoxe tocoulle o turno ao alumnado de 5º A e de 3º de Educación Primaria.

Esta actividade continuará mañá co alumnado de 2º,4º e 5º B, e o próximo luns, co alumnado de 1º e 6º de E.Primaria.

Moitas grazas a Zarra por adicarnos parte do seu tempo a ensinarnos o seu deporte.

Este curso continuamos coa andaina en Radio na Biblio. Comezamos a formación a cargo de Santiago Fernández, ex-director do CEIP Labaca, mestre e actor de teatro. Ademais, ten un estudo de doblaxe. 

Escoitade que contiño tan bonito fixemos con el! É unha versión en audioconto de "A mellor sopa do mundo" de Almudena Xaneiro. Pinchade AQUÍ ou na imaxe para escoitalo!

Incrible a recopilación de recursos que o Equipo TIC do cole elaborou para este Samaín e para o Magosto. Unha escolma completa e, sobre todo, do máis diversa e integradora! Con actividades para todos e todas. Botádelle unha ollada pinchando AQUÍ e AQUÍ e tamén nas imaxes e nos arquivos adxuntos.

O vindeiro luns iniciamos o programa "Acompañamento entre iguais". Esta iniciativa pretende que o alumnado comparta 20 minutos semanais con outros iguais do centro, realizando actividades conxuntas. Ao longo do primeiro trimestre, primarán as parellas e os grupos de tres por ciclos. Deste xeito, o alumnado de primeiro, que ademais acaba de iniciarse na etapa, desfrutará da compaña do alumnado de segundo e así sucesivamente. Ditas reunións pretenden crear e fortalecer un vínculo.

A primeria actividade versa sobre coñecer os gustos e afeccións do outro/a, afondando así na súa personalidade. Para elo, realizaranlle unha entrevista a súa parella. Logo, poderán resolver sudokus e sopas de letras onde atopar algunhas das emocións que imos a traballar ao longo deste curso.

Botádelle unha ollada ás nosas actividades para infantil e primaria nos arquivos adxuntos.

O outono enche as fragas de cores marróns, vermellas e laranxas. Chegan as castañas, as cabazas, os cogumelos... As nenas e nenos de 5 anos deron unha volta pola contorna na procura dos elementos do outono.

O feito de contar un conto non é un mero entretemento infantil, realmente é moito máis.

A través do conto regalámoslle aos nenos/as un universo desde o que interpretar e comprender a realidade que os arrodea, e tamén a chave para comprenderse e interpretarse a sí mesmos/as.

No día de hoxe, @s nen@s de 5 anos disfrutaron dunha agradable sesión de contacontos con Laura, logopeda en "O meu gabinete". O conto escollido foi "O coelliño branco" de Xosé Ballesteros.

A historia do coelliño branco reivindica a amizade e a coraxe como proba de que a valentía non é cuestión de tamaños xa que o protagonista atopa a súa casa ocupada por unha enorme cabra, despois de ir recoller coles á horta.

Na busca de axuda atópase con diversos animais que rexeitan enfrontarse á cabra e só a formiga é capaz de facer xustiza.

Grazas Laura, por introducir na aula as cuestións enriba mencionadas e por non esquecer o papel do antagonista que fixo reflexionar aos nen@s sobre as boas e malas accións formulando preguntas como: a cabra pórtase ben? Está ben ocupar a casa de alguén? a formiga bota da casa de boas maneiras á cabra? poderíase solucionar doutra forma?

Para a vindeira semana celebraranse as seguintes reunións das titoras coas familias:

MÉRCORES día 6 de setembro: reunión das familias de 5º de primaria coas titoras Carme Regueira e Patricia Rodríguez ás 10:00 h.

MÉRCORES día 6 de setembro: reunión das familias de 6º de primaria coa titora Carmen Rama ás 12:00 h.

XOVES día 7 de setembro: reunión das familias de 2º de primaria coa titora Irene Yáñez Leiro ás 11:00 h.

XOVES día 7 de setembro: reunión das familias de 5º de infantil (4 anos) coa titora Berta Suárez ás 11:30 h.

XOVES día 7 de setembro: reunión das familias de 6º de infantil (5 anos) coa titora Raquel Martínez ás 11:00 h.

XOVES día 7 de setembro: reunión das familias de 4º de infantil (3 anos) coa titora Raquel Mato Cotelo ás 11:00 h.

XOVES día 7 de setembro: reunión das familias de 1º de primaria coa titora Carolina Carreira Pacoret ás 12:00 h.

ESTAMOS DE VOLTA!!!

ÉNCHENOS DE LEDICIA ABRIR AS AULAS PARA RECUPERAR AMIZADES, APRENDIZAXES E PROXECTOS, ACOMPAÑANDO AO NOSO ALUMNADO NO SEU CRECEMENTO PERSOAL E FAMILIAR.

Adxuntamos un pdf cos horarios de entrada e saída.

Tamén lle podedes botar unha ollada á asignación de titorías pinchando AQUÍ.

A partires desta data, e durante o mes de agosto, o centro permanecerá pechado. Para facilitar a atención a aquelas persoas que a demanden, a dirección deste centro entende cómo medio factible de contacto o correo electrónico do mesmo: ceip.acristina@edu.xunta.gal

Moitas grazas.

Hoxe finalizamos o curso escolar 2022-2023 e desde a Comunidade educativa do Ceip.Plurilingüe A Cristina dirixímonos a todas as familias para desexarvos unhas boas vacacións de verán.

Non queremos deixar pasar o momento de agradecer o esforzo e dedicación dos nosos alumnos/as,dos mestres/as, e aos pais e nais por depositar a vosa confianza en nós.

Bo verán! Vémonos de novo o 11 de setembro.

O vindeiro martes día 19 organizamos uns Obradoiros de Libre Circulación no centro dirixidos ao alumnado de infantil e de primaria.

Que entendemos por Obradoiros de Libre Circulación?

No contexto de Libre Circulación o profesorado non impón ideas, senón que elabora propostas que supoñen un reto para o alumnado que lles permiten desenvolver tanto habilidades como coñecementos. 

A libre circulación conta con diversas vantaxes:

• Ofrécelle ao alumnado a oportunidade de estar en diferentes espazos.
• Desenvolve a autonomía do alumno/a xa que lle permite traballar a toma de decisións.
• Aumenta o interese e a motivación.
• Permite o desprazamento do alumnado libremente dun espazo a outro, contando co apoio do profesorado.
• Respecta os diferentes ritmos o que conleva a finalización da tarefa por parte de tod@s.

Aproveitando o día tan maravilloso que facía onte, os/as alumnos/as de 5 anos deron un pequeno paseo polas marxes do río Anllóns. Alí puideron escoitar o canto dos paxariños e practicar xogos ao aire libre. Fantástico!

No día de onte o alumnado de 3º, 4º, 5º e 6º de primaria disfrutou dunhas xornadas de sensibilización sobre socorrismo e salvamento a cargo SYSCA Carballo. Membros do clube achegáronse ao centro para difundir a labor do/a socorrista, amosándonos algunhas prácticas en praias e piscinas e materiais de salvamento deportivo.