O pasado 11 de novembro celebrouse o Magosto no cole de Cedeira. Mentres os asadores e asadoras facían o seu traballo co lume e as castañas, os demais nenos e nenas do cole participamos en diferentes xogos tradicionais relacionados coa festa. Así, houbo circuítos con castañas na culler, probas de habilidade superando obstáculos con castañas nun prato, o baile da castaña e así moitos máis.

Na hora da merenda corremos cos nosos cucuruchos de papel que semellaban antorchas olímpicas a buscar as saborosas castañas. Velaí algunhas fotos do día.