Nesta ocasión unímonos a unha iniciativa da Concellaría de Igualdade de Redondela. Traballamos e coñecemos a historia das irmás Mirabal, que apareceron asasinadas un 25 de novembro na República Dominicana. Estas tres irmás eran coñecidas co alcume das Bolboretas, e na súa honra, o Concello de Redondela propúxonos encher as ventás de bolboretas. Aquí tedes unha pequena mostra.

Radio Cores: Cedeira en violeta. (escoita o programa)

Baile de pixamas, polos dereitos da infancia e contra a violencia de xénero. 5º de Educación Primaira

Para conmemorar o Día Internacional do Neno (20 de novembro) e o Día Internacional pola Eliminación da Violencia Contra a Muller e Contra a Violencia de Xénero (25 de novembro), a clase de 5º de Ed. Primaria do C.E.I.P. de Cedeira fixemos un baile de pixamas, e recopilamos unha serie de frases e prantexamentos sobre estes temas que esperamos vos fagan pensar no compromiso da sociedade con eles. Agardamos que vos guste.

O 25 de novembro é o día sinalado pola ONU coma o Día Internacional da eliminación da violencia contra a muller. Con ese motivo, quixemos desde o cole celebralo dunha maneira algo especial. Xa que estamos de cheo metidos no proxecto "Tod@s en Xogo" , elaboramos unha serie de mensaxes para dicir BASTA!!! á violencia de xénero.

Preparamos os focos, as cámaras, os micros e... Primeira das emisións de CEDEIRA TV, a canle de información do noso cole. O resultado foi o seguinte. Convidámosvos a velo premendo no logo desta entrada ou no situado á esquerda desta páxina web... FACÉDEO VOSA CANLE DE REFERENCIA  

O día 12 do mes 12 do ano 2012, moitos colexios de Galicia uníronse para recitar e lembrar a Celso Emilio Ferreiro ao cumprirse o centenario do nacemento do poeta celanovés, unha das voces fundamentais da literatura galega da segunda metade do século XX.

No noso colexio tamén nos quixemos unir a este acto promovido pola Coordinadora Galega de Equipos de Normalización e Dinamización Lingüística (CGENDL)

Con este pequeno acto desexamos renderlle pública homenaxe cunha acción de carácter colectivo que simbolice toda a forza e enerxía que transmite a súa palabra, símbolo permanente de valores de solidariedade e xustiza universais, pero tamén de compromiso cívico coa cultura e lingua de Galicia.

Mil primaveras máis!    

O 20 de novembro celébrase a nivel mundial o Día dos Dereitos dos Nenos e Nenas, por iso, as nenas e nenos do colexo de Cedeira quixemos participar nunha campaña solidaria chamada "La silla roja", que promociona a ONG "Entreculturas".

Entreculturas quere chamar a atención sobre a realidade de 61 millóns de nenos e nenas de todo o mundo que, ao non poder acceder á educación, carecerán de oportunidades e de ferramentas para afrontar a vida.

Se ti tamén queres evitar esta inxustiza, colabora.