O venres 7 de abril os alumnos e alumnas de sexto fixemos unha videoconferencia co CEIP Outeiro das Penas, de Cesantes. Nela presentámonos xa que hai a posibilidade de que compartamos clase o ano que vén no Instituto. Foi unha primeira toma de contacto, na que descobrimos que algúns nenos xa se coñecían por coincidir en diversas actividades, onde, tamén, contámonos que actividades facemos nos coles, que proxecto traballamos, que visitas fixemos, de que nos disfrazamos no entroido, en fin, pasada a vergonza inicial foi un intercambio do máis produtivo. Xa quedamos en mandarnos uns e-mails para presentarnos con máis detalle e tamén en vermonos no centro de Redondela antes do fin de curso para facer algunhas actividades.