Con motivo da celebración o próximo 8 de marzo do Día Internacional da Muller querémosvos propor unha actividade para facer en conxunto coas familias.
A proposta é facer un bookface dun libro ou conto que teñades na casa escrito por mulleres.
Que é un bookface preguntaredes?
Pois consiste en encaixar a cara dos nenos e nenas ou algunha parte do seu corpo na portada dun libro. Aquí vos deixamos algúns exemplos para que vos sirvan de referencia.
Con todas as fotos que nos enviedes ao correo do centro ata o luns día 7 faremos un video co que festexaremos o papel da muller na literatura.
Achegámosvos a nota informativa coas actividades do mes de xaneiro.
O luns 17 de xaneiro xa se poderá facer uso do servizo de empréstito dos libros da biblioteca da Casa da Lectura. Provisionalmente estaremos no soto do edificio da Praza das Escolas Vellas (antigo centro de saúde), ao que se poderá acceder pola porta lateral que está en fronte da xoiería Vargas. O horario é de 17:00h a 18:00h e estará aberto todos os luns excepto festivos ou períodos vacacionais.
Todas as actividades estarán adaptadas á situación sanitaria na que nos atopamos e aos protocolos vixentes en materia de limitación de aforo e de distancias de seguridade, hixiene e ventilación.
Agardamos que a programación sexa do voso interese e aproveitamos para desexarvos un moi feliz ano lector.
A Biblioteca do noso centro pon de novo en marcha as MOCHILAS VIAXEIRAS co obxectivo de proporcionar uns materiais que van a permanecer nas vosas casa durante unha semana e queremos que sirvan de alegría e distracción e poidades aprender moitas cousas grazas a eles.
É un material para toda a familia e pretendemos que sexa un motivo de encontro entre todos os compoñentes da mesma e queremos que o pasedes moi ben explorando estos materiais. Son varios elementos escollidos con cariño e coidadosamente.
Esperemos que vos guste! Gozar cos libros!! Disfrutade da lectura!!
O día 24 de Outubro celébrase o Día das Bibliotecas Escolares.
A Biblioteca quereinaugurar esta novo anopondo en marcha dende hoxeo Blog da Biblioteca Paporrubio, cheo de novidades e de novos apartados.
Desexamos e esperamosque sexa de utilidade para todos e todas!!!!.
Non deixedes de entrar a visitalo dende este enlace: Biblioteca Paporrubio xa que cada certo tempo iremos engadindo diversos materiasi que pretendemos que sexan prácticos, divertidos e educativos.