Estimadas familias:
O inglés converteuse en lingua global logrando un alcance tal que se considera clave na educación, en posición de igualdade co dominio das TIC e, xa que logo, converténdose parte esencial da alfabetización do século XXI.
Por iso, a competencia insuficiente do noso alumnado nesta lingua tería serias repercusións para continuar estudos noutros países e para as súas posibilidades de emprego. Isto implica o tratamento educativo do inglés como competencia clave e a súa utilización como lingua vehicular para a aprendizaxe de contidos de materias non lingüísticas. (ORDE do 12 de maio de 2011 ).
Por iso no centro consideramos que mellorar a competencia en linguas é un recurso económico e social indispensable dentro, nunha Europa cultural e lingüisticamente diversa xa que a competencia en linguas estranxeiras aumenta as posibilidades de emprego das persoas e as opcións educativas que, pola súa vez, xeran toda unha gama de competencias persoais, sociais e profesionais.
Neste senso o noso centro está incluído dende o este curso 2019-20 na rede galega de centros plurilingües o que implica que dende este ano académico xa se impartiu unha das asignaturas en inglés en 1º, 2º de EP ( área de plástica) e irase incorporando a implantación desta área neste idioma progresivamente ao longo dos seguintes cursos e en toda a primaria.
Polo tanto para o alumnado de 1º , 2º e 3º de primaria a área de Plástica impartirase en inglés. Ao mesmo tempo implantáronse seccións bilingues na área de Ed. Plástica en 4º de Primaria e en EF en 5º e 6º de Educación primaria de tal forma que o alumnado beneficiario destas seccións recibirá o 50% desta área en lingua extranxeira.
Os obxectivos son :
- Incrementar a presenza da lingua estranxeira como lingua vehicular.
-Formar na lingua estranxeira á vez que en contidos non lingüísticos.
-Mellorar o dominio efectivo en lingua estranxeira do alumnado
-Fomentar a pluralidade lingüística e cultural do alumnado para lograr a plena integración nun contexto cultural e económico globalizado.
-Promover o desenvolvemento dun currículo integrado das linguas para favorecer a transferencia dos coñecementos e as competencias dunha lingua a outras.
Pero o obxectivo fundamental e o que máis salienta o profesorado coordinador dos programas e os que o imparten é a motivación que implica para o alumnado é o de poder ver a lingua estranxeira noutro ámbito diferente como é a Plástica e a EF.
Ademáis a participación nestes proxectos implica a presenza no centro duha persoa auxiliar de conversa en Lingua Extranxeira.
Logo da experiencia deste ano queremos mandar unha mensaxe de tranquilidade porque a implantación destes proxectos solo teñen repercusións positivas para o alumnado, pois non implican ningunha dificultade no seguemento das clases e que se reflexan na certificación académica que todos acadan e que automáticamente rexistra o programa de xestión de centros “xade”.
Para que o alumnado de 4º e 5º de primaria poida ser beneficiario das seccións bilingües debe asinar o documento que atoparedes como arquivo adxunto a esta mensaxe e envialo ata o día 10 de xullo.
DESCARGAR AUTORIZACIÓN SECCIÓNS BIBLINGÜES PARA 4º DE PRIMARIA
DESCARGAR AUTORIZACIÓN SECCIÓNS BIBLINGÜES PARA 5º DE PRIMARIA
CUMPRIMENTALA, ASINALA E REMITILA AO CORREO DO CENTRO ( ceip.chano.pinheiro@edu.xunta.gal)
