Os nenos e nenas de Infantil coñecen as Galiñas de Mos
Enviado por Anónimo o Xov, 18/01/2024 - 17:11Onte a Asociación de avicultores da raza Galiña de Mos tróuxonos ovos das súas galiñas e explicáronnos todo o proceso da incubación e o nacemento.
Agora están nunha incubadora no ambiente de ciencias de Educación Infantil e dentro de aproximadamente 21 días, o alumnado poderá observar como nacen.
Estamos desexando ver como avanza a situación.
Reserva de praza para o curso 2024/2025
Enviado por Anónimo o Xov, 18/01/2024 - 10:43O procedemento de reserva de praza vai dirixido ao alumnado de 6º de Primaria que queira matricularse na ESO no centro de adscrición, ou sexa, o IES Ferro Vello.
O resto deberán solicitar a admisión no prazo establecido, do 1 ao 20 de marzo, no centro no que desexen continuar os estudos.
·
Prazo de presentación:
Do 15 de xaneiro ao 5 de febreiro
·
Presentación de solicitudes:
1. As solicitudes (ED550A) presentaranse preferiblemente por vía electrónica, mediante o formulario normalizado dispoñible na aplicación informática admisionalumnado (https://www.edu.xunta.gal/admisionalumnado), a través da sede electrónica da Xunta de Galicia, https://sede.xunta.gal.
Tamén poden presentarse presencialmente na secretaría do colexio de 9:15 a 13:30 horas.
2. Os formularios normalizados de solicitude e de comprobación de datos dos membros computables da unidade familiar e consentimento da outra persoa proxenitora, titora ou acolledora tamén estarán accesibles:
a)
Na sede electrónica da Xunta de Galicia: https://sede.xunta.gal
b)
No portal educativo no enderezo http://www.edu.xunta.gal
c)
Nas dependencias dos centros docentes.
3. En todo caso, a solicitude de reserva ou de admisión é única para cada alumno/a, ten carácter vinculante e a súa presentación implica que son certos os datos indicados nela.
4. A solicitude de reserva deberá estar asinada por calquera das persoas proxenitoras, titoras ou acolledoras do alumno/a menor de idade non emancipado. Deberá constar o consentimento expreso da outra persoa proxenitora, titora ou acolledora no anexo de comprobación de datos dos membros computables da unidade familiar e consentimento (anexo I-bis).
Volven AS ONDAS DO CRUCEIRO
Enviado por Anónimo o Mér, 06/12/2023 - 11:39Xa estamos de volta nas Ondas do Cruceiro! Neste novo episodio o alumnado de 4º e 5º realizou unha entrevista a catro xogadores do equipo Basketmi, un equipo ferrolán de baloncesto en cadeira de rodas. Podedes escoitalo tanto en youtube como en spotify.
https://www.youtube.com/watch?v=JtbAtHOQmRQ
https://open.spotify.com/episode/150pQGHhg2p5NYBurDDS6E?si=9c705388a1c34...
3 DE DECEMBRO: DÍA INTERNACIONAL DAS PERSOAS CON DISCAPACIDADE.
Enviado por Anónimo o Dom, 03/12/2023 - 19:17Co Gallo do Día Mundial das Persoas con Discapacidade, o equipo de biblioteca, quere achegarvos algunhas recomendacións literarias coa finalidade de amosar a maiores e pequenos, que todos/as somos únicos/as e valiosos/as, así como a importancia da diversidade como fonte de aprendizaxe a todos os niveis.
Ademais o Equipo de Dinamización da Lingua Galega quere presentarvos a Basketmi, un equipo de baloncesto no que os membros xogan en cadeiras de rodas.
Podedes descargar ámbalas dúas publicacións a continuación.
COREOGRAFÍATE
Enviado por anabel.perez o Dom, 19/11/2023 - 20:30Este ano por primeira vez participamos no lll Certame Coreografíate cun baile feito pola nosa mestra de “música e danza” para o alumnado do 3º ciclo que ,voluntariamente, estivo ensaiando con moita ilusión a coreografía que podedes ver no enlace.
Non importa se levamos premio pois o mellor regalo foi o proceso de preparación e o resultado que nos queda para sempre de recordo.
Esperamos que vos guste!
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- seguinte ›
- última »