1º Curso

1º Educación Primaria. Tarefa Martes 17 de marzo.

Bos días, familias!

Antes de nada quería facer unha aclaración: Non me gustaría que ninguén se angustiase con estas tarefas. Tendo en conta a situación que estamos vivindo, é normal que o ritmo na casa non sexa coma no colexio. Estas fichas que estou enviando son voluntarias e de repaso. A miña intención é que teñades material de sobra para eles por si o precisades, pero cada familia pode decidir facer menos ou non facelas segundo as súas circunstancias.

O realmente importante é que todos os días lean con vós (e que lle fagades preguntas sobre a lectura), practiquen un pouco de caligrafía e repasen sumas e restas. Aproveitade este tempo nas casas para traballar tamén outros aspectos necesarios como a autonomía, normas e hábitos.

Hoxe, propóñovos:

- Cantar a canción de “La cara que tengo yo” en lingua de signos coa palabra máxica: “ojos”.

- Xogar con eles a buscar nomes de cousas da casa que empecen por diferentes letras “C”, “B”... E despois facer unha lista escribindo as palabras atopadas que lembren (Esta segunda parte pode resultarlles algo complicado aínda).

- Que inventen unha coreografía sobre unha canción escollida por un adulto e despois gravádea co móbil para que teñan o seu propio videoclip.

Ánimo.

Saudiños, familias!

1º Educación Primaria. Tarefa Luns 16 de marzo.

Ola familias! Deixarei por aquí, diariamente, unha serie de fichas que poden ir facendo os nenos/as.

No caso de non ter impresora podedes facelas nun caderno que teñades na casa (mellor se é con pauta).

O interesante é que traballen todos os días un pouco, non vos preocupedes por nada, isto serviranos de repaso para cando retomemos as clases. Se tedes algunha dúbida podedes mandarme un correo a albertoconejo@edu.xunta.gal .

Lembrade que podedes traballar moitas cousas a través dos xogos. Hoxe, por exemplo, propóñovos:

- Cantar a canción dos días da semana en lingua de signos coa palabra prohibida: “viernes”.

- Contar cantas cadeiras atopan na casa e despois contar cantas patas teñen entre todas.

- Facer un debuxo e despois convertelo nun puzzle dividindoo en pequenos cachiños que terán que recortar eles.

Se alguén está interesado en ter máis recursos, a maiores, podedes descargar unha compendio de fichas de lectoescritura (método Boo) no seguinte enlace:

http://www.mediafire.com/file/lnjmmotwetm/LECTOESCRITURA_JOSE_BOO..rar/file

Tamén podedes atopar moitas actividades de inglés neste outro enlace:

https://elt.oup.com/student/oupeprimary/?cc=global&selLanguage=en

Moito ánimo que isto, entre todos, ímolo superar.

Saudiños, familias!