A celebración do Día da Paz 2019, estivo chea de numerosos actos: a entrega do Nobel da Paz aos alumnos escollidos polos compañeiros, a presentación dos mediadores, a lectura do manifesto elaborado polos alumnos de 6º e por último cantamos a canción "Temos que coidar a natureza". Mais abaixo compartimos o manifesto e o vídeo para que vexades o ben que o pasamos.

Manifesto

Nós, estudantes, profesorado e conxunto de persoas da comunidade educativa, preocupadas pola persistencia de conflitos e a proliferación da violencia, de condutas de intolerancia nas nosas sociedades e en diversas partes do mundo, existencia de terrorismo e guerra, incremento de situacións de acoso escolar, ameazas, abusos, actos e condutas denigrantes, agresivas e violentas na sociedade e actualmente en internet e redes sociais, preocupadas pola extensión de intolerancia a persoas diferentes, con comportamentos de discriminación, odio, violencia de xénero...e tristemente un largo etc.

Recoñecendo que a paz non é so a ausencia de conflitos se non un respecto a vida, unha promoción do diálogo, cooperación e en especial unha educación para a tolerancia e a paz. O respecto a dignidade da persoa e a loita polos dereitos humanos. O respecto a igualdade de dereitos de homes e mulleres, dereito de liberdade de expresión, opinión e información, respecto a solidariedade e desenvolvemento da persoa, protección do medio ambiente para esta xeración e para as futuras... por todas estas razóns hoxe celebramos no CEIP O Sello O DÍA DA PAZ.

Como cada 30 de xaneiro, celebramos o día escolar da non violencia e da paz, e nesta ocasión fixémolo a través dunha canción optimista que contaxia as gañas de superar os obstáculos atopados no camiño e de gozar da vida. Coa escenificación desta canción, "SEGUIREMOS" de Macaco, proxectamos a mellor versión de nós mesmos comprometéndonos a EMPEZAR, SEGUIR, BUSCAR, SOÑAR ... e en definitiva, VIVIR!

Comezamos a celebración do Día da Paz cun manifesto que os alumnos/as de 6º E.P. elaboraron relacionado co proxecto anual do cole e sen esquecerse de mencionar o actual  conflito da Guerra de Siria. Ademais gozamos da música en directo coa danza africana “Zimbolé” e a canción “Só lle pido a Deus” acompañados polo especialista de E. Musical coa guitarra. E, xa para rematar, cantamos e interpretamos a canción "Tú enemigo" de Pablo López e Juanes. Durante toda a semana da Paz os alumnos/as maiores foron os encargados/as de ensinarlle ao resto do alumnado do centro a coreografía. 
O punto final a esta conmemoración, púxose co mural que compuxemos entre todos/as coas nosas mans coas bandeiras dos 5 continentes formando a palabra PAZ.

O 30 de xaneiro realizamos no centro diversas actividades encamiñadas a conmemorar o Día da Paz e non violencia, tendo presentes que a Paz non é "cousa" dun só día xa que debe estar presente nas nosas actuacións ao longo de todo o ano.

No seguinte video podedes observar aos verdadeiros protagonistas desta conmemoración.