Eventos
Xa que a semana pasada non puidemos contar coa visita do diario de Pontevedra, este martes si que virán para facer unha reportaxe de como traballamos no noso colexio.
A profe María falaralles do traballo en infantil co Ábaco
A profe Eugenia fará unha desmostración da técnica do folio xiratorio.
O profe Xurxo ensinaralles como os alumnos investigan na aula cos Ipad
E o profe Moncho falaralles do traballo que se elaborou para Ponteciencia.
Agardámosvos.
Saída educativa destinada aos alumnos de 3º, 4º, 5º, e 6º na que visitarán a aldea do Salgueiral. Esta saída pretende mostrarlle aos nenos o proceso tradicional de obtención e tratamento da lá.
A participación no proceso artesanal da lá pretende achegar aos escolares a unha parte da nosa historia, realizando de xeito tradicional o custoso proceso de transformación da la de ovella en prendas de primeira necesidade como a roupa. Traballos como o da la conforman unha actividade tradicional da sociedade galega que, ademais, constituíu unha das bases da economía doméstica e do sustento familiar nun pasado que non queda moi lonxe.
A proposta encamíñase a revivir dun xeito lúdico este proceso. Viviremos a hospitalidade dos veciños/as do Salgueiral, que nos acompañarán e explicarán de primeira man unha tradición como a da la. Veremos como esa actividade forma parte das súas raíces, xa que a practicaban os seus antepasados, e contarannos como os axudou a subsistir xeración tras xeración ata hoxe en día. Reflexionaremos, igualmente, sobre a necesidade de conservar esas tradicións e coñecementos populares.
Pinchade na imaxe para máis información
Os alumnos de Educación Infantil e de 1º de Primaria visitarán o teatro para ver unha obra de gran éxito: A nena e o grilo
"No ano 2010 A nena e o grilo iniciou a viaxe na que descubrimos, disfrutamos e aprendimos as súas cancións, o seu xeito de mirar o mundo, o seu cri, cri, cri....as apertas, e moito máis...
Durante estes anos seguiron viaxando, vendo e creando novas cancións, soños e ilusións que chegan con moitas ganas de compartilas con vós."
Máis información pinchando na imaxe
Novo paso en Ponteciencia. Os alumnos de 5º continúan con este gran proxecto sen desfallecer.
Este martes os alumnos de 5º curso volven a visitar as Xunqueiras para seguir investigando sobre a flora e a fauna do lugar.
Continuamos co obradoiro sobre a boa alimentación. Neste caso volverán a visitarnos, xa por última vez, para seguir mostrándonos os beneficios de incluir o peixe na nosa dieta.
Estará dirixido aos alumnos de 1º, 2º, 3º, 4º e 6º de primaria.
Xa que a semana pasada, polo mal tempo, non puidemos visitar a granxa para coñecer máis sober o proceso de fabricación da la, este venres, si o tempo o permite, sí que o faremos.
Pinchade aquí para saber máis.
A Concellaría de Educación, có obxectivo de fomentar a afección á lectura entre os nenos máis pequenos, propón este obradoiro "Recetario de Contos" para os alumnos e alumnas de educación infantil.
O obxectivo didáctico deste proxecto busca promover a literatura infantil desde as idades máis temperás. A través dunha experiencia manipulativa e cercana, o alumnado poderá fomentar o gusto pola lectura, a curiosidade pola literatura e coñecer o uso das bibliotecas.
Os principais obxectivos serán:
- Utilizar a lectura como medio de aprendizaxe e entretemento.
- Fomentar o gusto polos contos e relatos.
- Aprender a importancia da biblioteca e as súas normas.
Mónica Argibay, mamá de Samuel, alumno de segundo de primaria, virá ao colexio para facer catro sesións de contacontos.
As sesións estarán destinadas aos nenos de infantil e de 1º e 2º de primaria.
Moitísimas grazas por adiantado Mónica pola túa colaboración.
Tamén este día teremos unha charla destinada aos alumnos de 3º, 4º, 5º e 6º. Tres deportistas do Teucro virán a explicarlles aos nenos como é unha das súas xornadas de entrenos e como se preparan para os partidos. Nos falarán en galego así que nos servirá para seguir practicando a lingua.
O xoves estará con nós Inacio Vilariñó para contarnos unha das súas fabulosas fábulas sobre burros, onagros, pollinos,....
Pasarémolo xenial seguro.
Pinchade na imaxe para saber máis deste gran contacontos.
O Galego, a nosa creación común. Este é o lema deste ano do Correlingua que terá lugar o día 15. Pasaremos o día en Pontevedra, na Ferrería, celebrando a festa do galego.
Si queredes coñecer o percorrido podedes pinchar na imaxe.
Hoxe, para amenizar o plan lector, a mamá de Diego nos agasallará cun conto especialmente pensado para os máis pequechos.
Moitas grazas
O martes teremos a sorte de poder ver en acción a Leopoldo. Trátase dun libro viaxeiro que nos contará sorprendentes historias.
