Dende o CEIP DA RAMALLOSA, ademais do traballo nas aulas, fixemos un acto conxunto para homenaxear á nosa escritora galega máis ilustre; ROSALÍA DE CASTRO
No día 23 de Febreiro, o propio día do seu aniversario, segundo datos notariais, realizamos algunhas actividades:
* Un grupo de gaiteir@s amenizou a xornada polos corredores do centro e durante o recreo
* Plantación de plantas de PENSAMENTOS en recordo da escritora, por ser unha das súas flores favoritas, por parte de alumnado de infantil
- Presentación do acto pola propia Rosalía de Castro (na persoa de Marisa Garea)
- Lectura, por parte de alumnado de 6º de E.P., do manifesto da AELG (asosiciación de escritores e escritoras en lingua galega) elaborado por Beatriz Maceira Abeleira
- Actuación de tod@s cantando e bailando "TERRA" das Tanxugueiras, sendo interpretada por un cuarteto de nenas do colexio (as nosas tanxugueiriñas)
- Interpretación dun grupo tradicional de Ramalloseir@s cos seus instrumentos (gaitas, pandeiretas, tambores, acordeóns, clarinete, violín) tocando un par de pezas galegas
- Actuación do alumnado de 6º E.I., interpretando o retrouso do poema rosaliano "EU BEN VIN ESTAR O MOUCHO", do libro Cantares Gallegos
- Peche do acto coa Alborada de Rosalía da man de Tomás acompañado ao tambor por Benxa e Sinda
* Tamén fixemos unha ÁRBORE conxunta, sita na entrada co cole, seguindo a liña do lema deste ano "SEMENTANDO PENSAMENTOS".
As crianzas tomaron a palabra e recolléronse, en forma de nubes, pensamentos e pólas dunha árbore, eses pensamentos, ideas, versos,... que consideraron que tiñan relación coa figura e persoa de Rosalía e o que significou para Galicia; pensamentos que sementou e dos que moito lle agradecemos.
ENTRA AQUÍ NUN FEIXE DE RECURSOS EDUCATIVOS SOBRE A NOSA ESCRITORA. E MÁIS ACTIVIDADES DE AULA DO CENTRO AQUÍ
Ao longo da vindeira semana celebraremos o Entroido. Cada día traeremos un pequeno disfrace relacionado con noso “COMANDO VERDE”. Este ano teremos uns mandados de ECO-ENTROIDO.
O noso esqueleto, colocado na entrada principal do colexio indícanos con estes pareados o que temos que poñermos cada día (mellor se está feito con material de reciclaxe ou de refugallo).
O luns 21:
O luns para velo cole florecer, flores no teu corpo has traer. (traer algunha flor no pelo, na solapa, na máscara…).
O martes 22:
Se o martes te queres engalanar, xoias de refugallo has de crear (colares con tapas, pulseiras con rolos de papel hixiénico…).
O mércores 23:
O mércores tocaremos coas maracas de refugallo que crearemos, e unha orquestra montaremos (botellas de plástico con legumes dentro ou similares).
O xoves 24:
O xoves para na horta traballar: mandil, pano, botas, e a sachar (vestir de “agricultores”, con mandil, botas e pano na cabeza, evitaremos traer o sacho).
O venres 25 poderán vir disfrazad@s libremente co que teñen pola casa. Ese día, faremos un desfile no patio, cada curso irá desfilando polo centro das parcelas para respectar as recomendacións sanitarias.
Como xa sabedes, o día de Rosalía mudou de data. Pero lembras o motivo?
Pois o caso é que se descubríu un documento notarial que recolle que a escritora naceu o 23 de febreiro de 1837 e non o 24, como se viña celebrando tomando como referencia o bautizo.
No centro celebraremos cun feixe de actividades esta semana de Rosalía!! Nas que un ano máis, faremos o noso acto homenaxe no que non faltará a música, o baile tradicional... Ata nos visitará a propia Rosalía de Castro. Como se dun orograma 3D se tratase!
Ola! Como xa sabedes, este domingo 13 de febreiro, celébrase o Día Mundial da Radio!! Proclamada pola UNESCO no ano 2011.
Dende "Radio Ramalloseir@s" non podiamos deixar pasar esta efeméride.
A sorpresa deste ano é que... ESTREAMOS o novo e fermoso estudo de gravación que poderedes visitar en primicia a vindeira semana. Ademais dalgunha sorpresiña máis!!
Publicaremos unha reportaxe gráfica máis adiante, para que todo o mundo poida ver que chusquiño é o noso estudo de Radio!!
Como xa sabedes, puxemos en marcha este Proxecto educativo a finais do curso pasado. Co obxectivo principal de empregar a Radio Escolar como ferramenta de ensino-aprendizaxe.
Como sabedes, as obras son tediosas e este momento dilatouse no tempo máis do que nos gustaría.
Agardamos que vos guste e desfrutedes de toda a experiencia!!
COMO CADA 30 DE XANEIRO, COMMEMORAMOS NO CENTRO, O DÍA DA PAZ.
ESTE CURSO, TOMAMOS COMO REFERENCIA O CONTO, BASEADO NUNHA EXPERIENCIA REAL, "WANGARI Y LOS ÁRBOLES DE LA PAZ"
NO NOSO GRUPO, FIXEMOS UNHA ÁRBORE TRIDIMENSIONAL, DA QUE PENDURAMOS FOLLA CUNHA PALABRA OU FRASE, CUNHA MENSAXE POSITIVA : PAZ SI VIOLENCIA NO, AMOR E PAZ, NON MATAR, COIDAR AS ÁRBORES,...
CADA AULA PODÍA FACER A SÚA ÁRBORE E LOGO FACER UNHA EXPOSICIÓN CONXUNTA, PARA FACER UN "BOSQUE RAMALLOSEIR@"
NA ÁREA DE ED. MUSICAL, O ALUMNADO DE 4º, 5º E 6º DE ED. PRIMARIA TRABALLOU CO UKELELE A CANCIÓN DE JOHN LENNON "IMAGINE". UNHA CANCIÓN QUE NOS VEU A TOD@S XENIAL PARA TRABALLAR A IMPORTANCIA DO RECHAZO AOS CONFLICTOS BÉLICOS. APROVEITANDO A SITUACIÓN DE UCRANIA E RUSIA E OUTRAS ZONAS DO MUNDO (AFGANISTÁN, LÍBANO,...) NON ÁS GUERRAS!
NESTE CURSO ESCOLAR, PARA CONMEMORAR O DÍA DA PAZ, PARTIMOS DO CONTO "WANGARI Y LOS ÁRBOLES DE LA PAZ", PORQUE ESTAMOS INMERSOS NO CENTRO, NO PROXECTO DE ESCOLA VERDE, POLO QUE SE CONSIDEROU QUE SERÍA UNHA PROPOSTA COHERENTE E NA LIÑA QUE SE PRETENDE PARA COIDAR A NATUREZA E CONTRIBUÍR AO COIDADO E RESPECTO POLO MEDIO AMBIENTE.
CADA AULA, ELABOROU UNHA ÁRBORE CON MENSAXES DE PAZ PARA CREAR UN BOSQUE RAMALLOSEIRO QUE NOS UNE COMO CENTRO.
Dende o CEIP Plurilingüe da Ramallosa queremos apoiar explicitamente a candidatura a EUROVISIÓN 2022 das nosas veciñas; AS TANXUGUEIRAS.
Sementando a nosa música, lingua, cultura... Así como a de tantos músic@s coñecidos como; LEILÍA (veciñas e precursoras), Xavier Díaz, Faltriqueira, .... E outros miles que non chegan á difusión que se merecen. Son moitos e moitas!! Algúns espallando a nosa música dende fai décadas!!
Pero as nosas veciñas TANXUGUEIRAS poden darlle unha nova oportunidade ás músicas tradicionais de todos os pobos, e especialmente a da nosa queridiña terra Galega!!
Están a ser unha fonte de motivación extraordinaria para poñer en valor entre @s nen@s a importancia da nosa lingua e cultura. Non podiamos deixar escapar esta oportunidade única!!
Imos Tanxugueiras!!
- Resaltar que debido a circunstancias derivadas do COVID, este mes tivemos que tirar máis do desexable de educación online, para favorecer
que moito alumnado fixese gran parte do traballo coa canción. Por iso, este esforzo, ten o drobre de mérito!! Parabéns a tod@s!! -
As pequenas e pequenos grandes aristas de Educación Infantil e Primaria, partillamos con vós con grande emoción as nosas creacións elaboradas para o "Certame de arte escolar da Fundación Granell". Este ano co tema de "Granell, natureza e medio ambiente". Temática do noso Proxecto de Escola Verde: "EcoTeo; Ramalloseir@s coa natureza"
Podedes visitar a EXPOSICIÓN durante todas as vacacións de nadal no Museo Granell, ubicadono Pazo de Bendaña (Praza do Toural - Compostela). Ademais do agasallo de nos expoñer todos os nosos traballos, tres dos participantes obtiveron premio.André Rey Álvarezna categoría de construción, Sergio Castro Baliñasen debuxo e Alba Martínez Gómez en collage.
O venres pasado tivemos a gran sorte de poder ter con nós ao noso estimado PABLO SEOANE. Músico, docente, Luthier/artesán... E sobre todo, un Ramalloseiro dos pés á cabeza, pois tamén foi alumno do noso centro.
Este polifacético persoeiro do noso Concello ten máis que gañado o seu prestixio a nivel internacional. Un luxo que tivera a deferencia de presentar ao noso alumnado de 6º, o espectacular traballo do seu último libro "O toque pechado". Unha recollida de anos e anos, de aldea en aldea gravando en casetes aos nosos avós músicos. Un proceso árduo que agora se recolle nesta obra de arte do noso patrimonio cultural cun carácter tamén moi pedagóxico!! Un libro indispensable na biblioteca de calquera músico ou amante da nosa cultura.
Na súa presentación falounos entre outras cousas da orixe destoutra forma tradicional de tocar a gaita. Na que, por dicilo dalgunha maneira, mudan as posicións dos dedos para facer as notas, feito que afecta ao propio son!! E que é precisamente, un dos motivos de que nacera esta dixitación. A procura dunha afinación axeitada! Pois non había un punteiro tipo cunhas medidas estándar que reproducisen o mesmo son, polo que os gaiteiros tiñan que ir buscando a afinación en cada nota. Polo que a gaita adquire tamén outra tímbrica!! Tamén se xustifica e reforza esta forma de tocar, probablemente polo feito, de buscar o instrumentista unha maneira de tocar suxeitando mellor o punteiro. Na actividade tamén nos tocou unhas pezas, unha delas acompañado da súa filla Lía, alumna do centro e integrante do Grupo de música tradicional do Centro.
Tamén donou un exemplar do libro á Biblioteca Escolar do Centro e asinou no noso libro de persoeiros ilustres que visitan o centro.
Sen dúbida, aprendemos un montón de cousas co noso querido "Pablo Seoane". Grazas unha vez máis e moita música compañeiro!! (Premede na imaxe para ver máis fotos, videos...)
O pasado curso, o alumnado de 4º de ED. Primaria do centro, participou no proxecto: "Cóntameunconto", como un dos centros "piloto" da iniciativa. A pesares de que foi este nivel educativo o que fixo o traballo de recollida, edición e publicación destes traballos, houbo contos orais e historias do maís impresionantes para todos os discentes do centro. Nesta actividade en concreto, os conta contos Celso Fernández Sanmartín e María da Pontragha fixeron as delicias dos alumnos/as dos cursos de 4º de Ed. Infantil e 6º de Ed. Infantil.
Este curso 2022/23 continuamos co proxecto! E seguimos desfrutando dos contos que os maiores achegan aos nenos/as do centro!!
A actividade está promovida polo Arquivo do Patrimonio Oral da Identidade (APOI), do Museo do Pobo Galego e a Fundación Antonio Fraguas. O obxectivo deste programa é fundamentalmente promover o coñecemento da literatura popular galega de transmisión oral, así como a recollida de contos tradicionais galegos contados polos nosos maiores. Máis info sobre o proxecto, e publicación dos videos de todos os centros na web do APOI. Preme aquí para entrar!!
2ª EDICIÓN DO CERTAME / TRABALLOS PRESENTADOS:
(Estamos a subir as montaxes. En breve poderedes gozar de todos os contos deste ano)
1ª EDICIÓN DO CERTAME / TRABALLOS PRESENTADOS / GALA:
Preme nos seguintes atallos para ver ou descargar fotos e videos do acto
