blogue deAdmin

Aquí vos deixamos un audiolibro elaborado polo alumnado de 5º e 6º: Imos buscar un tesouro, da editorial Kalandraka.

Oso pequeno e tigre pequeno van á procura dun tesouro. O maior tesouro é desfrutar das pequenas cousas do día a día. Tan fácil pero á vez tan difícil!

A primeira vez que escoitamos falar de Yayoi Kusama non tiñamos nin idea de quen era esa muller, agora case podemos dicir que é coma da familia ;)

Parabéns polo gran traballo e parabéns, Yayoi, polo 95 aniversario!

Os Tipos Raros pasaron coma cada ano por Cervantes. Non sei se tanto agasallo collerá debaixo das árbores de tan bos que son estes rapaces.

Como di un sabio "Compartir es vivir", aí o deixo.

Bo Nadal!

Ola! Hoxe día 24 de outubro, a partir das 19:00 horas e ata as 00:30 h teremos no CPi de Cervantes unha xornada de astronomía. Unha fronte con nubes e choiva acampou no patio do cole, así que astros non sei se veremos moitos...

Ás 22:00 faremos un programa especial de radio a través da nosa emisora Radio Castaña. Picade na castaña, estamos no tempo, de abaixo para escoitalo. Se estades atent@s poderedes levar algunha sorpresa!

Ata despois!

Escoita o programa picando aquí.

Ola familias,

neste mes de setembro veu traballar ao cole a ilustradora Ana Santiso, que nos deixou un precioso mural inspirado na pintora María Antonia Dans dentro do proxecto IlustrarNós da Deputación de Lugo.

Encantounos !! Moitas grazas Ana polo teu traballo, pola túa amabilidade e por facer do noso patio un lugar moito máis fermoso.

Este é o vídeo time-lapse da creación do mural. A que mola?

Aquí vos deixamos co vídeo que servíu de referencia para a exposición que fixo o alumnado de primaria no IV Congreso Científico da Montaña (O Courel), no curso 2022/23.

Para solicitar o comedor escolar para o próximo curso, déixovos os seguintes documentos:

-Información xeral

-Como calcular a casiña referente á RENTA

-ANEXO: é o que tedes que presentar na secretaría do centro. Podédelo cubrir e imprimilo ou facelo a man.

PRAZO de PRESENTACIÓN: do 1 ó 4 de setembro

Moitas grazas ao alumnado do noso cole por amosarnos un pedaciño da súa vida e das súas aldeas, e colaborar co centro no Proxecto Mestres Gandeiros do que formamos parte.

Nós non somos un cole pequeno, nós somos unha familia ben grande.

Querémosvos moito!! Pasade unhas felices vacacións !!!

Hoxe, en Radio Castaña, dramatización en directo por parte do alumnado de 4º, 5º e 6º de primaria!

Escoita o programa a partir das 13:00 horas, hora meiga en Cervantes.

https://zeno.fm/radio/radio-castana-dia-da-radio/