blogue deAdmin

Con data de 19 de maio saiu publicada no DOG a convocataria para a participación no Fondo Solidario de Libros de Texto e de Axudas para a Adquisición de Libros de Texto e Material Escolar para o curso 2020/21. O prazo de solicitude abrangue dende o día 20 de maio ata o 19 de xuño de 2020.

O fondo solidario está destinado ao alumnado matriculado en 3º,4º,5º e 6º de Educación

Primaria e 1º,2º,3º e 4º de Educación Secundaria Obrigatoria. Pola súa parte a convocatoria

de Axudas para adquisición de Libros de Texto está dirixida ao alumnado que se matricule

durante o vindeiro curso escolar en 1º ou 2º de Educación Primaria.

A Axuda para a Adquisición de Material Escolar está prevista tanto para o alumnado de

Educación Primaria como  de Educación Secundaria Obrigatoria que teña una renda per cápita

inferior ou igual a 6000€, sendo compatible e independiente (aínda que se realiza

conxuntamente no mesmo impreso) coa solicitude de calquera das modalidades anteriores.

Nos seguintes enlaces poñemos a disposición dos posibles beneficiarios as intruccións relativas ao desenvolvemento dos distintos procedimentos, así como o modelo (Anexos I e II) que hai cumprimentar para participar.

• Instruccións Fondo Solidario 
• Instruccións Axudas para a Adquisición de Libros de Texto 
• Modelo de Solicitude (común para os tres procedimentos)
• Acceso ao texto íntegro da convocatoria

Modificiación das Programacións Didácticas ao abeiro da Instrución do 27

de abril de 2020 da Dirección Xeral de Educación, Formación Profesional e

Innovación Educativa.

Acceso ao seu contido  íntegro 

Programacións ESO (Premer nas ligazóns para a súa descarga)

• Lingua e Literatura Castelá
• Lingua e Literatura Galega
• Matemáticas
• Bioloxía e Xeoloxía
• Tecnoloxía
• Xeografía e Historia
• Economía
• Lingua Extranxeira: Inglés
• 2ª Lingua Extranxeira: Francés
• Educación Física
• Relixión

Segundo RESOLUCIÓN do 5 de maio de 2020, da Secretaría Xeral Técnica da Consellería de Presidencia, Administracións Públicas e Xustiza dase publicidade ao Acordo sobre o restablecemento do procedemento de admisión de alumnado do 2º ciclo de educación infantil, educación primaria, educación secundaria obrigatoria e bacharelato en centros docentes sostidos con fondos públicos para o curso académico 2020/21.

1- REAPERTURA DO PRAZO DE SOLICITUDES DE ADMISIÓN DO 8 AO 18 DE MAIO. Restablecerase o prazo para a presentación das solicitudes de admisión de alumnado en centros docentes sostidos con fondos públicos do 11 ao 18 de maio.

2. NOVOS PRAZOS DO PROCEDEMENTO DE ADMISIÓN E MATRICULACIÓN

a) De conformidade co artigo 33 da Lei 39/2015, do 1 de outubro, do procedemento administrativo común das administracións públicas, os demais prazos do procedemento de admisión reduciranse á metade. 

b) Novos prazos do proceso:

- Presentación da documentación acreditativa dos criterios de baremo: ata o día 26 de maio de 2020.

- Publicación das listaxes provisionais do alumnado admitido e non admitido: antes do 9 de xuño de 2020.

- Poderanse formular reclamacións contra as listaxes provisionais no prazo de 3 días hábiles contados desde o seguinte ao da súa publicación.

- Publicación das listaxes definitivas do alumnado admitido e non admitido: ata o 26 de xuño de 2020.

- Formalización da matrícula en educación infantil e primaria: do 1 ao 10 xullo de 2020.

- Formalización da matrícula ordinaria en educación secundaria obrigatoria e bacharelato: do 1 ao 10 xullo. Prazo extraordinario: do 1 ao 10 de setembro de 2020.

ABERTO PRAZO PARA SOLICITAR AXUDA EXTRAORDINARIA USUARIOS COMEDOR ESCOLAR

O martes 17, recibimos a visita da APALPADORA!!!!! ... Como quedan poucos días para o Nadaql quixo ir comprobando que todos comíamos... Tocounos a barriguiña e, cremos que  pasamos a proba!!!!!

 Si sodes impresionables e non queredes pasar    medo, non premades neste enlace. Si,pola contra,non coñecedes o temor estades preparados para ver todas as arrepiantes cousas que fixemos no Samaín....(concurso de cabazas aterradoras, de relatos de medo, maquillaxe....)estades no sitio axeitado

Como todos os anos por estas datas organizamos unha  "Xornada Micolóxica".... Tivemos unha charla onde nos explicaron moitas cousas dos fungos e despois, tamén coma sempre, fixemos unha saída para apañar cogomelos na que puxemos en práctica o explicado e, co que recollemos, fixemos unha degustación e unha exposición.

Velaí todo o que deu de si o día!Premede no enlace

O venres 18 de outubro os alumnos de Educación Infantil e Primaria tivemos un curso de cociña creativa a cargo da Diputación de Lugo.

Aprendemos a facer moitas cousas novas e tamén a presentar dunha maneira máis orixinal pratos tradicionais. Estivo moi entretido e aos nosos compañeiros maiores gustáronlles moito as nosas elaboracións que lles ofrecemos a probar ese día na hora do recreo.

Botade unha ollada AQUÍ para coller ideas.

Ooooola!

O día 18 de outubro fomos a Lugo a ver a proxeción dunha película rodada na nosa terra que se titula O que arde e contamos coa presenza do seu director Oliver Laxe, que nos fixo unha pequena presentación da mesma.

Velaquí a foto dese día

Despois da peli, leváronnos a unha "Escape room" onde vivimos unha experiencia nova facendo un xogo de escapismo. 

Foi un día moi intenso e pasámolo de CINE!!!!!!!

Aqui podedes ver algunha imaxe máis.

Este ano para celebrar o Entroido decidimos facer un pasarrúas pola vila ata as pallozas onde celebramos a nosa festa, desgustando doces típicos e recitamos os tradicionais "Sermois".

Xa de volta no colexio prendémoslle lume ao "Meco".

Pincha AQUÍ  para ver que ben o pasamos.