Economía

Departamento de Economía

VISITA E CHARLA A TERRAS GAUDA

Ven, 09/06/2023 - 09:00 — IES A Sangriña

A pasadas semanas o noso alumnado de Economía asistiu a distintas actividades como complemento aos contidos estudados nas aulas. Dentro do programa “Empresa familiar nas aulas”, desenvolvido desde a Asociación Galega da Empresa Familiar en colaboración con AFUNDACIÓN, o alumnado de 1º de Bacharelato de Economía e os alumnado de 4º da ESO de Economía e IAE, asistiron a charla impartida por Antón Fonseca, Vicepresidente do Grupo Terras Gauda, que nos falou da historia, liñas de negocio e retos aos que se enfronta, ademáis de amosarnos a importancia das empresas familiares na creación de emprego, riqueza e fixación de poboación no territorio.

A actividade completouse noutra xornada coa visita dos alumnos a bodega e os viñedos Terras Gauda, onde foron recibidos polo Vicepresidente do grupo empresarial e acompañados pola Coordinadora de Enoturismo.

Grazas a Terras Gauda por recibirnos un ano máis cos brazos abertos!

Alumnado de Economía visita o Banco de Alimentos de Vigo

Mar, 28/03/2023 - 11:13 — IES A Sangriña

O pasado 17 de marzo, o alumnado de Economía e Fundamentos de Administración e Xestión de 2º de Bacharelato realizou unha saída didáctica ao Banco de Alimentos de Vigo, onde colaboraron en tarefas de clasificación e puideron coñecer cuestións relacionadas co labor loxístico do banco.

A ECONOMÍA DA CONTORNA

Lun, 26/09/2022 - 13:08 — IES A Sangriña

Complementando os contidos da materia co coñecemento da actividade empresarial das empresas da contorna, o día 20 de setembro os alumnos e alumnas de Economía de 1º de Bacharelato, asistidos pola Coordinadora de Enoturismo de Terras Gauda, Begoña Santamaría, observaron os traballos de vendimia nos viñedos de uva caíño branco. Posteriormente tiveron a oportunidade de visitar as instalacións da bodega no Rosal, onde nos explicaron en detalle o proceso produtivo, as actividades de I+D+i e as prácticas de economía circular que empregan na bodega. Grazas a Terras Gauda por dedicarnos o seu tempo e recibirnos con tanta amabilidade.

EMPRESA FAMILIAR NAS AULAS

Xov, 07/04/2022 - 08:54 — IES A Sangriña

A pasada semana o noso alumnado de Economía asistiu a distintas actividades como complemento aos contidos estudados nas aulas.

O luns 28 de marzo, dentro do programa “Empresa familiar nas aulas”, desenvolvido desde a Asociación Galega da Empresa Familiar en colaboración con AFUNDACIÓN, o alumnado de 1º de Bacharelato e o alumnado da materia de FuAX de 2º de Bacharelato, asistiu á charla impartida por Antón Fonseca, Vicepresidente do Grupo Terras Gauda, que nos falou da historia, liñas de negocio e retos aos que se enfronta nestes tempos convulsos, ademáis de amosarnos a importancia das empresas familiares na creación de emprego, riqueza e fixación de poboación no territorio.

A actividade completouse o venres 1 de abril coa visita do alumnado á bodega e aos viñedos Terras Gauda, onde foron recibidos polo Director Xeral do grupo e acompañados pola Coordinadora de Enoturismo.

O mércores 30 de marzo o alumnado de 4º da ESO de Economía e IAEE asistiu á charla “Comportamento Financeiro Responsable” impartida por Carlota Sánchez-Montaña Puga, Coordinadora Adxunta da Área de Educación Superior de IESIDE, que reflexionou sobre a necesidade de dispor da información necesaria para a toma de decisión sobre inversión e gasto que nos permita evitar situacións de risco financeiro.

Grazas a todos os relatores e relatoras por dedicarnos o seu tempo!