IES Castelao

A educación afectivo sexual xoga especial relevancia en determinados momentos do desenvolvemento evolutivo das persoas, e a adolescencia é un deses momentos; por unha banda, os e as adolescentes ven como o seu corpo sofre unha transformación que vai supoñer unha asimilación deses cambios a nivel psicolóxico que moitas veces non son fáciles de aceptar por elas e eles.

Alumnas e alumnos de 3º ESO participan nos obradoiros impartidos pola Fundación AMINO no noso IES.

• Confianza nun mesmo, autoestima, autocoidado e autocoñecemento. 
• A Imaxe persoal.
• Mitos e falsas crenzas en torno ás prácticas sexuais, 
• Xenitalidade, expectativas e estereotipos.
• Pautas de saúde sexual e reproductiva.
• Asertividade, consentimento e confianza.
• Emocións e presión. Pracer e o contrario.
• Primeiros encontros: enamoramento, parellas e rupturas. 
• Respeto e xestión do rexeitamento.

Álbum: Curso 2023/2024 -> Poñendo os lentes na educación afectivo sexual

O alumnado de 1º de Bacharelato visita as distintas facultades do campus de Pontevedra.

ENLACE A TODA A INFORMACIÓN 

Álbum: Curso 2023/2024 -> Visita ao campus de Pontevedra

As alumnas e alumnos de 4º ESO participaron o 7 de marzo na 8ª edición da feira de ensinanzas artísticas e profesionais de Vigo.

En pequenos grupos, e acompañados por guías, foron visitando os distintos expositores das ensinanzas artísticas e profesionais que participaban na feira.

Álbum: Curso 2023/2024 -> Feira de ensinanzas artísticas e profesionais

As alumnas e alumnos de 2º de bacharelato teñen o seu primeiro contacto coas aulas, co profesorado, e cos laboratorios e talleres nos que estarán os próximos anos. 

Inxenierías, química, ciencias do mar, bioloxía, estudos lingüísticos, económicas, dereito... Organizados en distintos itinerarios experimentaron en primeira persoa como é a vida na universidade. 

Álbum: Curso 2023/2024 -> Visita á UVigo

Toda a información é pouca...., hoxe tocaba a UVigo.

Ricardo Corderí, responsable do servizo de extensión universitaria da Universidade informa ao alumnado dos servizos, das titulacións,  e das posibles novidades na UVigo de cara ao próximo curso 2024-25.  Fai tamén un repaso ao funcionamento de Nerta para o acceso á universidade,  incidindo na importancia de estar pendentes todos os días da posible convocatoria para matricularse ou manterse na lista de espera.

Álbum: Curso 2023/2024 -> Charla da Uvigo

Na mañá deste mércores 21, Jose Manuel Blanco Fernández , profesor de física orgánica da Universidade de Santiago de Compostela e membro da comisión da CIUG, impartiu unha charla ao alumnado de 2º de Bacharelato.

A actividade enmárcase dentro do programa “A Ponte entre o ensino medio e a Universidade”, e ten como fin achegar ao alumnado o acceso á Universidade, recursos e servizos da USC (titulacións, plans de estudo, becas, residenzas, actividades complementarias...). 

Tamén lles falou das probas da ABAU, do material para a realización das mesmas, do Nerta, do funcionamento das reclamacións, e dos chamamentos para a matrícula na universidade.

Álbum: Curso 2023/2024 -> Charla da USC

    As alumnas e alumnos de 2º e 3º ESO veñen participando ao longo do mes de novembro no programa “Non pasa nada, pasa algo?” do Concello de Vigo.

Segundo os datos recollidos polo Observatorio de Galicia sobre drogas, na nosa comunidade, a maior parte dos e das adolescentes inícianse no consumo de sustancias psicoactivas entre os 14 e os 16 anos.

Desde o ámbito educativo temos que traballar para reducir a incidencia dos diversos problemas sociosanitarios relacionados co consumo de alcohol, de drogas,  e os consumos dixitais inapropiados.

Álbum: Curso 2023/2024 -> Educación para a saúde

O alumnado de 3º da ESO leva participando todo o trimestre nos Obradoiros de sensibilización en materia de estranxeiría, impartidos pola asociación Médicos do Mundo. Esta actividade ten como obxectivo a concienciación da defensa dos dereitos humanos das persoas migrantes, así como favorecer a convivencia e a cohesión social. 

“As veces, as nosas mans son as paredes máis grandes. Poden cubrirnos os ollos e podemos cegarnos a nos mesmos e nos mesmas a tanto do que está sucedendo ao noso redor”. Jaume Plensa.