Novas

Dispoñible a aplicación abalarMóbil para o seguimento do alumnado: +info

Entroido 2016

O pasado venres 5 de febreiro celebramos o Entroido. Picando na imaxe superior ou aquí podes acceder a algunhas das fotografías do evento. Podes compartir as túas utilizando:

  • Whatsapp: 698.150.503
  • Twitter: @iescastelao

Patinaxe sobre xeo

En xaneiro varios grupos de alumnos e alumnas do noso centro disfrutaron da actividade de patinaxe na pista de xeo instalada en Samil. Pica na imaxe superior ou aquí para ver algunhas fotos.

Reparto de froita

A semana pasada repartimos froita entre o alumnado da ESO ao abeiro da actividade cofinanciada pola Xunta de Galicia e a Unión Europea a través do FOGGA.

O luns e o venres repartimos plátanos, o martes mazá, o mércores pera e o xoves clementina. En total consumíronse máis de 300 kg de froita.

Agradecemos ao alumnado a boa acollida que tivo esta actividade. Achégamos un documento con algunhas propiedades das froitas.

Visita á ETSE de Minas

A visita foi exhaustivamente documentada  fotograficamente.
Seguro que vos atopades en varias das fotos que subimos. Iso si, non vos recoñeceredes nas termografías.
Un saúdo.

Reparto de froita entre o alumnado da ESO

Fonte imaxe

O IES Castelao participa no programa de distribución de froita fresca ao alumnado da ESO. Trátase dunha actividade cofinanciada pola Xunta de Galicia e a Unión Europea  a través do FOGGA que consistirá no reparto gratuíto dunha peza de froita entre o alumnado. O consumo realizarase durante o primeiro recreo.

Esta actividade pretende fomentar o consumo de froita fresca entre os adolescentes. O primeiro periodo de reparto irá do luns 18 ao venres 22.

Lembrando a Neira Vilas

Preme para ver a foto ampliada Os alumnos de 1º ESO C e 2º da ESO B e C  fixeron tamén unha pequena homenaxe a X. Neira Vilas tras o seu falecemento, ocorrido o pasado 27 de novembro de 2015.

Xosé Neira Vilas

Todo o profesorado, alumnado e persoal non docente do centro lamenta a perda do escritor, académico e Doutor Honoris Causa, Xosé Neira Vilas, acontecida o 27 de novembro pasado. Entre o 9 e o 16 de novembro, o alumando de 3º da ESO homenaxea o seu nome cunha serie de lecturas sobre a súa obra.

Lecturas na Biblioteca

Entre os días 4 a 6 de novembro a biblioteca do centro desenvolveu a primeira sesión da actividade Lecturas na Biblioteca, planificada para todo o longo do curso. Nesta ocasión o alumnado de 2º da ESO realizou unhas lecturas de contos, con temática de medo, escolmados en galego e castelán.

Día da tradución

Para celebrar o Día da tradución, desde o 28 de setembro ao 2 de outubro, expuxemos no vestíbulo do centro carteis alusivos á tradución e unha selección dos libros traducidos da nosa biblioteca. Asemade, incluímos uns traballos de traducións dos principais tópicos literarios realizados polo alumnado de 1º Bacharelato matriculado na materia de Literatura Universal.