IES Castelao

O equipo de regueifas do noso instituto participou por segundo ano consecutivo no concurso enreguéifate, onde se promociona a difusión audiovisual da improvisación oral en verso a nivel xeral e escolar, sobre todo. Para iso fomos gravar o noso vídeo á praia da Etea, en Teis, xa que a nosa regueifa reivindicativa falaba dos pellets nas praias. Aquí vos deixamos o resultado.

Viva a regueifa!

Hoxe fixémoslles entrega dos premios aos gañadores do concurso de microrrelatos a partir de títulos de libros. 
Os gañadores da categoría 1º a 3º da ESO foron: Dylan Simões Rúa (1º ESO C) e Aurora Iglesias Gaspar (2º ESO C). A decisión foi ex aequo logo de deliberar o xurado e entender que ambas as composicións eran merecentes de recoñecemento. 
Na categoría de 4º da ESO a 2º de BACH a gañadora resultou ser Mencía Jorge Cabaleiro (2º BACH E). A nosa prometedora escritora fíxose con este galardón al presentar un texto ben orixinal. 
Parabéns aos tres! Seguide lendo e escribindo moito e ben! 

Álbum: Curso 2023/2024 -> Gañadores do concurso de microrrelatos a partir de títulos de libros

Dentro do programa EduEmprende, “Preparados para o salto”, Carlota Sánchez-Moaña Puga expúxonos cara a onde se dirixe a nova economía. Falounos das innovacións, da IA, da globalización e da sustentabilidade facéndonos reflexionar sobre o papel que queremos xogar na nova organización.

Nesta segunda etapa do programa Científic@s en prácticas visitamos o IIE (Instituto de investigación de Mariñas). En concreto, achegámonos ao grupo de investigación de fotobioloxía e toxinoloxía.

Álbum: Curso 2023/2024 -> Cientific@s en prácticas no IIM

Este venres, alumnado de 1º ESO e 3º ESO acudiu ao XIV Certame Escolar de Regueifas do Concello de Vigo conducido polos inefables Pinto d’Herbón e Luís o Caruncho. En Valadares vivimos unha xornada festiva ben agradable, compartindo improvisación e enxeño con outros centros de Vigo. Todo o noso alumnado estivo xenial, e destacando, tivemos un alumno que pasou entre os 20 mellores, Gabriel Marcos García e outro, que quedou entre os catro finalista do certame, que foron os catro gañadores, Nicolás Rodríguez Barrio.

Parabéns rapaces!!!

Álbum: Curso 2023/2024 -> Regueifesta 2024

Rematamos esta semana dedicada ao Día do Libro cunhas lecturas abertas do alumnado de 2º de Bacharelato.

Xunto coas súas profesoras de Lengua castellana y literatura, seleccionaron fragmentos das obras de lectura que lles entran nas probas ABAU.

Álbum: Curso 2023/2024 -> Lecturas polo Día do libro 2º de Bach

O alumnado de 1º de bacharelato, 4º ESO PDC e Club de lectura tivo unha xornada moi especial neste 25 de abril. Acudiron ata Celanova, o que significou a décima visita do instituto.

A saída comezou coñecendo a vila de Vilanova dos Infantes, descubrindo a súa historia a través da Torre da Homenaxe, a virxe do Cristal e o museo dos zapateiros.

Álbum: Curso 2023/2024 -> Saída a Celanova, terra de Curros e Celso Emilio

          Vimos desenvolvendo desde hai días unha chea de actividades sobre autores, libros e lecturas. Ninguén é alleo á festa do libro, ao Día do Libro.

          Esta festa celébrase desde hai ben tempo en España e máis recentemente a nivel mundial como unha data de reivindicación da lectura e tamén dos dereitos de autor. Faise cadrar a efeméride coa curiosa coincidencia do falecemento na mesma data de ilustres escritores: Miguel de Cervantes, William Shakespeare e o Inca Garcilaso de la Vega.

          Para celebrar o Día do Libro realízanse moitas actividades: feiras, exposicións, conferencias, concursos, lecturas compartidas, a lectura ininterrompida do Quixote, solta de libros... No instituto levamos días con reunións sobre libros, facendo lecturas públicas, cun concurso de microrrelatos aberto a todo o alumnado e outras actividades.

          Fóra do centro, entre os premios que se conceden por estas datas é de salientar o Premio Cervantes, que se entrega cada 23 de abril no paraninfo da Universidade de Alcalá de Henares e que este ano correspondeu a Luis Mateo Díez.

          Convidámosvos nesta Hora de Ler a que desfrutedes da prosa deste insigne narrador, co breve fragmento titulado "El lobo".

          Que vos guste!

María Canosa visitou o IES Castelao para ter un encontro co alumnado de 1º da ESO, logo de ler a biografía que escribiu da autora homenaxeada nas letras galegas deste ano: Luísa Villalta. Melodías de palabras.

O encontro versou arredor do proceso de creación desta obra.

Álbum: Curso 2023/2024 -> Visita de María Canosa

O alumnado de 2º da ESO achegouse ata a Biblioteca Ramiro Fonte para descubrir por que se celebra un 23 de abril o día do libro.
Ademais coñeceron a existencia do galardón Premio Cervantes, a súa relación con esta conmemoración e puideron desfrutar da lectura dun relato do último premiado; ‘El lobo’ de Luis Mateo Díez.