Skip to Content

    erasmus  stembach

av  plan d

proxectos

anpa1

blogue demdbvieites

ABAU 2024 - CONVOCATORIA ORDINARIA

ABAU 2024 - CONVOCATORIA ORDINARIA

SOLICITAR O TÍTULO DE BACHARELATO

(Trámite imprescindible para presentarse a ABAU).

  • Impreso cuberto cos datos do alumno-a, terás que cubrilo e imprimir 1 copia.
  • Seguir as instrucións para pagar as tasas.

Presentar os dous impresos o 20 (9:00-14:00 h) e 21 de maio (9:00-11:00) na Secretaría xunto cos impresos da ABAU.

MATRÍCULA ORDINARIA ABAU (Selectividade)

O alumnado que desexe matricularse da ABAU, unha vez cuberta a documentación e pagadas as taxas da ABAU e do Título de Bacharelato, deberá entregar na secretaría do centro o 20 (9:00-14:00 h) e 21 de maio (9:00-11:00), a documentación que se relaciona a continuación:

  • Fotocopia do DNI ou Pasaporte (no caso de estranxeiros).
  • Impreso de matrícula da ABAU . Cubrilo e imprimir 1 copia desde este enlace.
  • Resgardo acreditativo de ter aboados os prezos públicos de matrícula: cubrir este impreso e imprimir 3 copias.

Unha vez feita a matrícula, o alumnado poderá acceder á aplicación Nerta cunha  conta de usuario que lle chegará polo seu correo electrónico. Premer para ver as instrucións correspondentes.

Importe do prezo de matrícula ABAU:

  • Ordinaria:  63,67 Euros
  • Familia numerosa - Categoría xeral: 31,84 Euros
  • Familia numerosa – Categoría especial: Gratuíta

O alumnado que alegue ser membro de Familia Numerosa, deberá aportar fotocopia compulsada do Título de Familia Numerosa.

  • Persoal das Universidades do SUG: Gratuíta. A gratuidade deberá ser acreditada mediante certificación dos respectivos Servicios de Persoal e, no caso de cónxuxe ou fillos, ademais por medio da fotocopia do libro de familia onde figure o matrimonio e o alumno/a.
  • Persoas con discapacidade (33%): Gratuíta. A gratuidade deberá ser acreditada no momento de formalización da matrícula coa correspondente resolución administrativa do órgano competente de Comunidade Autónoma pola que se recoñece a condición vixente, no prazo de matrícula.
  • Persoas coa condición de vítimas de terrorismo: Gratuíta. A gratuidade deberá ser acreditada no momento de formalización da matrícula coa correspondente resolución administrativa pola que se recoñecese a condición vixente, no prazo de matrícula.
  • Persoas coa condición de violencia de xénero: Gratuíta. A gratuidade deberá ser acreditada no momento de formalización da matrícula, mediante calquera das formas previstas no artigo 5 da Lei 11/2007, do 27 de xullo, galega para a prevención e o tratamento integral da violencia de xénero.
  • Persoas beneficiarias da prestación do ingreso mínimo vital: Gratuíta. A gratuidade deberá ser acreditada no momento de formalización da matrícula, mediante a resolución do Instituto Nacional da Seguridade Social prevista no artigo 28.3 da Lei 19/2021, do 20 de decembro.

Publicación listaxe matriculados: 

O 21 de maio na aplicación Nerta pódense revisar os datos e pódese interpor reclamación desde as 11:00 ata as 13:00 horas na secretaría do centro se hai algún erro.

EXAMES ABAU

Lugar:

Sede alumnado do IES Eusebio da Guarda: ETS Enxeñería de Camiños, Canais e Portos. Campus de Elviña. A Coruña 

Sede alumnado neae: Facultade de Economía e Empresas. Campus de Elviña. A Coruña 

Datas convocatoria ordinaria: 4, 5 e 6 de xuño

Data de entrega de cualificacións provisionais: 13 de xuño (a partir das 20:00 h)

Data de entrega de cualificacións definitivas: 20 de xuño (a partir das 20:00 h)

Vídeo informativo

Horario das probas 

Protocolo ABAU

Aplicación Nerta: https://www.edu.xunta.es/nerta/ 

Máis información: CiUG 

AULA de EMPRENDEMENTO

O alumnado de primeiro dos Ciclos de Turismo asistiron ao 36 Congreso OPC Spain que tivo lugar en Palexco entre os días 22 e 24 de febreiro. O eixe central do congreso xirou en torno ao compromiso social, diferenciación e valores na organización de eventos. A Intelixencia Artificial estivo moi presente en tódalas xornadas, e foi un dos temas máis analizados e debatidos nas distintas mesas e talleres.

FORUM GASTRONÓMICO DE GALICIA

LUNS 8 de abril
Forum Gastronómico de Galicia,
O alumnado do primeiro curso dos nosos ciclos acudiron ao Fórum Gastronómico de Galicia, un dos eventos mais importantes neste ámbito de referencia  nacional, para ver e coñocer de primeira man as tendenzas e os proxectos gastronómicos mais salientables do Mercado.

XORNADAS PROFESIONAIS DE LIDERAZGO FEMENINO NO SECTOR DE HOSTELERÍA


MERCORES 8 de Maio
O alumnado de primero dos ciclos do Eusebio asistiron ao CIFP Paseo das Pontes para escoitar, no Marco das xornadas organizadas neste centro sobre a Dirección e Xestión dos Recursos humanos nas empresas hoteleiras, as experiencias e traxectorias persoais de directivas e responsables de Recursos Humanos  de recoñecido perfil  no sector hoteleiro coruñés.
Moitas grazas ao CIFP Paseo dos Pontes pola súa invitación.

CRITERIOS DE PROMOCIÓN e TITULACIÓN da ESO

CRITERIOS de PROMOCIÓN

- Promociona de curso o alumnado con todas as materias* aprobadas (do curso actual e dos anteriores), ou con 1 ou 2 materias* suspensas (entre o curso actual e os anteriores).
- Ademais, o equipo docente poderá decidir a promoción con máis materias* suspensas, sempre que se cumpran todas as condicións seguintes:
1.   Que a media aritmética das cualificacións obtidas en todas as materias (incluíndo as pendentes) en que estea matriculada ou matriculado nese ano académico sexa igual ou superior a cinco.
2.  Que a suma dos períodos lectivos semanais das materias ou dos ámbitos con avaliación negativa non sexa superior a dez. Para estes efectos, non se considerarán as materias pendentes de cursos anteriores nin as horas de libre disposición.
3.  Que o equipo docente considere que a natureza das materias non superadas lle permite seguir con éxito o curso seguinte. 
4.   Que o equipo docente considere que ten expectativas favorables de recuperación.
5.  Que o equipo docente considere que a devandita promoción beneficiará a súa evolución académica.
 
O equipo docente, sen menoscabo da súas competencias, pode decidir que as aliñas 3, 4 e 5 están cumpridas, nos seguintes casos:
i. No caso de avaliación negativa en tres materias de toda a ESO e as notas destas sexan iguais ou superiores a 3.
ii. No caso de avaliación negativa en catro ou máis materias de toda a ESO e as notas das mesmas sexan iguais a 4.
 
•Materias coa mesma denominación de cursos diferentes contan como materias distintas.
 
 
 
CRITERIOS de TITULACIÓN
 

Título de Graduado en Educación Secundaria Obrigatoria

-    Titúlase o alumnado que en toda a ESO aprobou todas as materias* ou ámbitos cursados.
-    Ademais de no caso anterior, o equipo docente poderá decidir a obtención do título por parte dunha alumna ou dun alumno, sempre que se cumpran tamén todas as condicións seguintes:
1.   Que a media aritmética das cualificacións obtidas en todas as materias* (incluídas as pendentes) en que estea matriculada ou matriculado nese ano académico sexa igual ou superior a cinco.
2.  Que a xuízo do equipo docente a alumna ou o alumno adquirise as competencias establecidas.
3.  Que a xuízo do equipo docente a alumna ou o alumno alcanzase os obxectivos da etapa.

O equipo docente, sen menoscabo das súas competencias, pode decidir que as aliñas 2 e 3 están cumpridas, nos seguintes casos:

i.No caso de avaliación negativa en dúas materias de toda a etapa, e as notas destas sexan iguais ou superiores a 2.
ii.No caso de avaliación negativa en tres ou máis materias de toda a etapa, e as súas notas sexan iguais a 4.

 

* Materias coa mesma denominación de cursos diferentes contan como materias distintas.

CRITERIOS DE PROMOCIÓN e TITULACIÓN da ESO

CRITERIOS de PROMOCIÓN

 

• Promociona de curso o alumnado con todas as materias* aprobadas (do curso actual e dos anteriores), ou con 1 ou 2 materias* suspensas (entre o curso actual e os anteriores).
•  Ademais, o equipo docente poderá decidir a promoción con máis materias* suspensas, sempre que se cumpran todas as condicións seguintes:
  1.      Que a media aritmética das cualificacións obtidas en todas as materias (incluíndo as pendentes) en que estea matriculada ou matriculado nese ano académico sexa igual ou superior a cinco.
  2.      Que a suma dos períodos lectivos semanais das materias ou dos ámbitos con avaliación negativa non sexa superior a dez. Para estes efectos, non se considerarán as materias pendentes de cursos anteriores nin as horas de libre disposición.
  3.     Que o equipo docente considere que a natureza das materias non superadas lle permite seguir con éxito o curso seguinte.
  4.      Que o equipo docente considere que ten expectativas favorables de recuperación.
  5.    Que o equipo docente considere que a devandita promoción beneficiará a súa evolución académica.

O equipo docente, sen menoscabo da súas competencias, pode decidir que se compren as aliñas c), d) e e) nos seguintes casos:

i.No caso de avaliación negativa en tres materias de toda a ESO e as notas destas sexan iguais ou superiores a 3.
ii.No caso de avaliación negativa en catro ou máis materias de toda a ESO e as notas das mesmas sexan iguais a 4.

 

•Materias coa mesma denominación de cursos diferentes contan como materias distintas.

 

EXAMES e AVALIACIÓNS BACHARELATO ADULTOS 2024

 

Exames e avaliacións de 2º Bacharelato ADULTOS 2024

As materias de 2º (en tódolos casos) serán nas mesmas datas para todo o alumnado de 2º.

 

AVALIACIÓN ORDINARIA DE 2º BACHARELATO

1. Alumnado de 2º só matriculado en materias de 2º.

    Os exames serán entre os días 6 e 14 de maio.

 

·   2. Alumnado de 2º con materias de 1º.

O    Opción A (compatible coa ABAU ordinaria)

  • As materias de 1º na semana do 29 de abril ao 3 de maio.
  • As materias de 2º entre os días 6 e 14 de maio.
  • Boletíns o 15 de maio.

   Opción B (non compatible coa ABAU)

  • As materias de 1º na semana do 3 ao 7 de xuño.
  • As materias de 2º entre os días 6 e 14 de maio.
  • Boletíns o 10 de xuño.

 AVALIACIÓN EXTRAORDINARIA DE 2º BACHARELATO

Exames finais, EXTRAORDINARIA,  de 2º de Bacharelato (materias de 2º)  OS DÍAS 10, 11, 12 e 13 de xuño

   Opción A (compatible coa ABAU extraordinaria)

  • As materias de 1º na semana do 26 ao 31 de maio.
  • As materias de 2º entre os días 10 e 13 de xuño.
  • Boletíns o 15 de maio.

 

   Opción B (non compatible coa ABAU)

  • As materias de 1º na semana do 17 ao 21 de xuño.
  • As materias de 2º entre os días 10 ao 13 de xuño.

As datas concretas e horas de exames notificaranse despois da avaliación ordinaria.

A opción A e a opción B están pechadas (dende o día 15 de abril)

 

 

 

ENQUISA ALUMNADO PROXECTO LINGÜÍSTICO DE CENTRO

Para facer a enquisa preme no seguinte enlace. 

Grazas pola túa colaboración.

AULA de CAPACITACIÓN DIXITAL para ADULTOS

 AULA DE CAPACITACIÓN DIXITAL

 

CURSO:  A TECNOLOXÍA DIXITAL É O PRESENTE, NON QUEDES ATRÁS

 

Nunha sociedade cada vez máis dixitalizada , a brecha xerada para os que non teñen coñecemento no uso das novas tecnoloxías pode mermar o dereito á información e dificultar a súa participación e vinculación social.  

Desde o  IES P Eusebio da Guarda propoñemos un curso para acercar estas tecnoloxías aos adultos no que  traballaremos a iniciación a informática, a comunicación nas redes, conectando e colaborando con outras persoas utilizando o correo electrónico, o calendario, teams,…, e outras aplicacions, aprenderemos a utilizar as aplicación dos  móbiles e da Internet, veremos como xestionar trámites administrativos, buscaremos información e contidos en contornos dixitais e decidiremos que ferramentas son as máis axeitadas para utilizar, prepararemos as saídas ou viaxes, asistencia a concertos,  traballaremos coas fotos, entre outras moitas actividades.

O curso será os martes e xoves de 17:00 a 19:00 desde o 09 de abril ao 20 de maio

 

Apúntate, empezamos o martes 09 de abril cos cursos en martes e xoves de 17:00 a 19:00

 

 

Impreso de matrícula

 

 

ESA: EXAMES FINAIS (1º cuadrimestre) e MATRÍCULA (2º cuadrimestre)

 
EXAMES FINAIS DO 1º CUADRIMESTRE DA ESA

Os exames finais do 1º cuadrimestre da ESA terán lugar o mércores 31 de XANEIRO e xoves 01 DE FEBREIRO  co seguinte horario

Mércores 31 de Xaneiro  
17:00   Ámbito social.
18:30   Ámbito comunicación LC/LG
Xoves 01 febreiro
17:15 Ámbito de comunicación Inglés/Francés.
18:45 Ámbito Científico – Tecnolóxico.

A publicación das cualificacións correspondentes aos exames finais será o día 3 de febreiro. Revisión de exames e reclamacións os días 3 e 6 de febreiro
 
MATRÍCULA 2º CUADRIMESTRE

ABERTO O PRAZO DE MATRÍCULA (todo xaneiro) para 3ºESA (III MÓDULO) E 4º ESA (IV MÓDULO) DO 2º CUADRIMESTRE 
As ensinanzas do segundo cuadrimestre darán comezo o día  7 de Febreiro e as actividades lectivas rematarán o 21 de xuño de 2023. 

O alumnado que solicite matricularse na educación secundaria de persoas adultas deberá presentar a seguinte documentación: 

  • Orixinal e fotocopia do impreso de matrícula, unha vez cuberto.
  • Fotocopia do DNI (alumnado estranxeiro: Tarxeta de Residencia ou NIE)
  • Historial académico de ensinanzas cursadas ou libro de escolaridade.
  • Declaración responsable de non estar escolarizado nas mesmas ensinanzas noutro centro.
  • Resgardo do pago do Seguro Escolar (1,12€) en calquera sucursal de ABANCA (Nº conta: ES39 2080 006 49 3040009357)


NOTA: para matricularse dun ámbito é necesario ter aprobado o ámbito correspondente do módulo anterior. Os documentos están no instituto e, nos seguientes enlaces:

Impreso matrícula ESA

Modelo de declaración responsable

160 ANIVERSARIO DO 1º CENTRO DA CIDADE

ANIVERSARIOS (160 do primeiro instituto da cidade

e 50 do pasamento de Picasso)

PRESENTACIÓN do libro

"INSTITUTO EUSEBIO DA GUARDA 1890-1950"

O pasado 27 de xuño celebramos a clausura do curso 22-23 no que se conmemoraba o 160 aniversario do instituto na cidade da Coruña e o 50 aniversario da morte do noso alumno Pablo Picasso. Ademais, tivemos a sorte de facelo coa presentación do extraordinario libro “Instituto Eusebio da Guarda 1890-1950” da nosa benquerida compañeira Marieta Chavert Díaz.

 

XUBILACIÓNS XUÑO 2023

XUBILACIÓNS 28 de XUÑO de 2023

Marieta Chavert Díaz

Mario Juiz López

Federico Pérez Fontana

Manolo Regueiro Díaz

Pilar Varela Ledo

 

 

ABAU (Selectividade) CONVOCATORIA ORDINARIA 2023

ABAU (Selectividade) CONVOCATORIA ORDINARIA

MAGNÍFICOS resultados nas probas de acceso á universidade na convocatoria ordinaria (xuño) de 2023 para o noso alumnado do

 IES P. Eusebio da Guarda:

 

98 % de APROBADOS (por enriba da media de Galicia que foi do 94 %), de 103 presentados, en diúrno.

 

O alumno Sergio Sánchez Presedo (1º na Coruña e 4º en Galicia) e as alumnas Paula Díaz López e Carla Dopazo Pavón (ambas coa mesma puntuación) están entre os 6 mellores notas de acceso á Universidade da cidade.  

 

Nunha análise inicial, e estando pendentes da reclamacións pertinentes, podemos concluír o seguinte sobre as cualificacións da proba de acceso á Universidade:

 

  • O 12 % acadou unha media igual ou superior a 9.
  • O 35 % acadou unha media igual ou superior a 8.
  • Só o 8 % acadou unha media inferior a 6.

 

PARABÉNS ao alumnado e as súas familias así como ao seu profesorado.

INFORMACIÓN SOBRE AS MATERIAS LOMLOE

Se tes interese en coñecer de que van a tratar as materias pincha enriba delas.

CURSO MATERIA
      1º ESO     

     Proxecto Competencial (Cultura anglosaxona)
2º ESO

     Proxecto Competencial (Laboratorio de Física e Química)
3º ESO

     2º Lingua Estranxeira (Francés)    

      Proxecto Competencial (Programa Europeo)

      Cultura Clásica

      Cultura Financiera

     Educación Dixital 
4º ESO

       2º Lingua Estranxeira (Francés)      

     Proxecto Competencial (Laboratorio de Ciencias)

      Cultura Clásica

      Dixitalización

      Economía e emprendedores

      Expresión artística

      Filosofía

      Formación e Orientación Persoal e Profesional

      Intelixencia Artificial para a Sociedade

      Latín

      Música

      Oratoria

     Tecnoloxía 
1º BACH

      2º Lingua Estranxeira (Francés)       

      Antropoloxía

     Comunicación oral en lingua estranxeira (Inglés)-alternativa á Relixión

      Debuxo Artístico I

      Debuxo Técnico I

      Linguaxe e Práctica Musical

      Literatura Galega do S.XX e da Actualidade

      Literatura Universal

      Tecnoloxía e Enxeñería I

    Tecnoloxías Intelixentes

     Tic I 
2º BACH

       2º Lingua Estranxeira (Francés)  

      Análise e Producción de Textos Multimodais -alternativa á Relixión

      Historia da Música e a Danza (HMD)

      Métodos Estatísticos e Numéricos

      Psicoloxía

     Tecnoloxía e Enxeñería II

     Tic II

     Xeografía, Historia, Arte e Patrimonio de Galicia 

VIAXE A XENEBRA. MAIO 23

VIAXE A XENEBRA. MAIO 2023

Un ano máis o departamento de Física e Química acompañou a 24 estudantes de Física a visitar ao CERN. Este alumnado tamén visitou o Museo da Cruz Vermella, o Museo Ariana, a ONU, as fábricas de chocolate Cailler en Broc e de queixo en Gruyères, así como a cidade de Xenebra e o pobo de Gruyéres.

Foron acompañados polos profesores Loli Blanco Vieites e Jesús Serna Arnaiz.

Podedes ver toda a galería de imaxes no seguinte enlace.

 

CERN 2023

VIAXE A XENEBRA CO ALUMNADO DE FÍSICA. MAIO 2023

Un ano máis o departamento de Física e Química acompañou a 24 alumnos de Física a unha visita ao CERN. O alumnado tamén visitou o Museo da Cruz Vermella, o Museo Ariana, a ONU, a fábrica de chocolate Cailler en Broc, a fábrica de queixo de Gruyères, ademáis da cidade de Xenebra e o pobo de Gruyéres.

Dito alumnado foi acompañado dos profesores Loli Blanco Vieites e Jesús Serna Arnaiz.

Podedes ver as fotos pinchando no enlace.

 

 

Fondo solidario de libros de texto e axudas para material escolar. Alumnado ESO, curso 2023-24

FONDO SOLIDARIO de LIBROS de TEXTO e AXUDAS para a ADQUISICIÓN de LIBROS de TEXTO e MATERIAL ESCOLAR para o curso 2023/24 - 1º, 2º, 3º e 4º ESO
  AXUDAS MATERIAL FONDO SOLIDARIO

Normativa e instancia: http://www.edu.xunta.gal/portal/fondolibros

(Orde do 10 de maio de 2023. DOG Nº 94 do 19 de maio)

PRESENTACIÓN DE SOLICITUDES

 

Do 20 de maio ao 21 de xuño de 2023

(1)
 Entrega dos vales   Do 16 de agosto ao 30 de outrubro de 2023  
 Emenda dos vales   10 días desde que recibe o vale  
 Uso dos vales nas librarías  Ata o 10 de abril de 2024  
 Publicación listas provisionais    12 de xullo de 2023
 Reclamacións ás listas provisionais    2 días hábiles á publicación das listaxes provisionais
Publicación listas definitivas    21 de xullo de 2023 
Entrega dos libros ao alumnado     Entre o 12 e o 18 de setembro de 2023

(1) Os repetidores de 4ª de ESO, alunos que non obteñan praza en formación profesional básica no curso 2023/24 e formalicen a matrícula no curso de ESO que lles corresponda, os que pasen a estar en situación en tutela ou garda da Xunta de Galicia e os que se incorporen a un centro docente sostido con fondos públicos procedente de fóra de Galicia ou dun centro situado en Galicia pero non sostido con fondos públicos. O prazo será 1 mes desde a formalización da matrícula. Non se poderán presentar solicitudes despois do 2 de abril de 2024.

 

Para recoller o vale o solicitante deberá vir provisto do seu DNI. Se o solicitante non o pode recoller persoalmente poderá autorizar a outra persoa, a través dun escrito asinado por vostede. A dito escrito acompañarase unha fotocopia do DNI do solicitante.

 

CUESTIONARIO ALUMNADO PLAN ESTRATÉXICO de MELLORA

O noso centro participa no programa de éxito educativo PROA+. Isto implica a realización dun Plan Estratéxico de Mellora (PEM). Por ese motivo achégase un cuestionario que axudaranos a completar o mesmo e que deberedes encher antes do martes 14 de marzo .

O enlace para encher o cuestionario é o seguinte: https://forms.gle/7Z3aDe3NQNK6DkUd8

Moitas grazas de antemán.

A Dirección

ADMISIÓN DE ALUMNADO PARA O CURSO 2023-24

ADMISIÓN DE ALUMNADO PARA O CURSO 2023-24
 
15 de maio: publicación das listaxes definitivas de admisión de alumnado admitido e non admitido neste Instituto para o curso 2023-2024.
 
As listaxes poderán consultarse:
  • Presencialmente: Única e exclusivamente no taboleiro de anuncios.
  • Telemáticamente: Única e exclusivamente a través da aplicación admisionalumnado empregando a Chave365 ou certificado dixital.
Contra a relación definitiva, as persoas interesadas poderán interpoñer recurso de alzada ante a persoa titular da xefatura territorial, no prazo dun mes contado a partir do día seguinte ao da súa publicación.
 
 
Listaxes provisionais
25 de abril: publicáronse as listaxes provisionais de alumnado admitido e non admitido neste Instituto para o curso 2023-2024.
 
As listaxes poderán consultarse:
  • Presencialmente: Única e exclusivamente no taboleiro de anuncios.
  • Telemáticamente: Única e exclusivamente a través da aplicación admisionalumnado empregando a Chave365 ou certificado dixital.
As persoas interesadas no procedemento de admisión poderán formular reclamacións no prazo de 5 días hábiles contados a partir do seguinte ao da súa publicación.
 
A estimación ou desestimación das reclamacións formuladas fronte as listaxes provisionais, entenderase realizada a través das listaxes definitivas de persoas admitidas e non admitidas, que serán publicadas o 15 de maio de 2023.
 
------------------------------------------------------------------------------------------------------------------------------------

23 de marzo de 2023:  Por haber máis solicitudes que prazas convocadas, os aspirantes de 2º, 3º, 4º de ESO, 1º de Bacharelato de Ciencias e Tecnoloxía e 2º de Bacharelato de Humanidades e Ciencias Sociais, teñen dez hábiles contados a partir do día seguinte ao remate do prazo de presentación das solicitudes de admisión para presentar toda a documentación para ser baremadas.

 
------------------------------------------------------------------------------------------------------------------------------------
 
SOLICITUDES DE ADMISIÓN (para alumnado de fora do centro. O alumnado deste centro ten garantida praza para o próximo curso):
Presentar as solicitudes de admisión entre o 1 e 20 de marzo de 2023.

  • Na Sede electrónica da Xunta.

  • Na aplicación Admisión de alumnado da Consellería de Educación seguindo o método 1 da aplicación (Neste caso hai que presentar tamén a solicitude e a documentación na secretaría do centro que se solicita en primeiro lugar).

  • Na Secretaría do Centro que solicita en primeiro lugar ou en calquera dos Rexistros que establece a Lei de Procedemento Administrativo Común. Hai impresos dispoñibles na Conserxería do Instituto e tamén máis abaixo (en documentos adxuntos: “Solicitude admisión...”.

NOTA INFORMATIVA:
 
1º. Todo o alumnado incluído no ámbito desta orde poderá presentar solicitude de admisión, pedindo ata seis (6) centros por orde de preferencia, e alegar os criterios de admisión que pretenda que se lle valoren. Esta solicitude de admisión dirixirase ao centro solicitado en primeiro lugar.
Despois de presentar unha solicitude de admisión, para renunciar a ela deberá facerse expresamente, indicándoo no recadro correspondente da nova solicitude que deberá presentarse.
 
2º. O alumnado que teña prioridade para continuar estudos nun centro de adscrición pode exercer o seu dereito á reserva de praza presentando solicitude de reserva no centro adscrito, isto é, no que está matriculado nese momento, e identificará o centro de adscrición que solicita.
 
3º. En todo caso, a solicitude de reserva ou de admisión é única para cada alumno/a e ten carácter vinculante. A súa presentación implica que son certos os datos indicados nela.
 
A existencia dunha solicitude de admisión presentada en prazo sen renunciar expresamente á anterior e, así mesmo, a existencia dunha solicitude de admisión sen ter renunciado á praza reservada a 28 de febreiro (este incluído) poderán ser causa de perda do dereito a participar no procedemento nos termos previstos no artigo 8.
 
DOCUMENTACIÓN e MÁIS INFORMACIÓN: ver máis abaixo en Adxuntos.
NORMATIVA
 
Presentación da documentación acreditativa dos criterios de baremos: 10 días hábiles, contados a partir do día seguinte ao remate do prazo para presentar as solicitudes de admisión.
 
 
Listados:

  • Publicación das listaxes provisionais do alumnado admitido e non admitido: 25 de abril.

  • Reclamacións contra as listaxes provisionais: no prazo de 5 días hábiles contados desde o seguinte ao da súa publicación.

  • Publicación das listaxes definitivas do alumnado admitido e non admitido: 15 de maio.

 
FORMALIZACIÓN DA MATRÍCULA NA ESO E BACH (para o alumnado do centro e para o alumnado novo que foi admitido no proceso de Admisión descrito previamente):
O prazo de matrícula será indicado oportunamente.

ADMISIÓN DE ALUMNADO PARA O CURSO 2024-25

SOLICITUDES DE ADMISIÓN (para alumnado de fora do centro. O alumnado deste centro ten garantida praza para o próximo curso):
Presentar as solicitudes de admisión entre o 1 e 20 de marzo de 2024.

  • Na Sede electrónica da Xunta.

  • Na aplicación Admisión de alumnado da Consellería de Educación seguindo o método 1 da aplicación (Neste caso hai que presentar tamén a solicitude e a documentación na secretaría do centro que se solicita en primeiro lugar).

  • Na Secretaría do Centro que solicita en primeiro lugar ou en calquera dos Rexistros que establece a Lei de Procedemento Administrativo Común. Hai impresos dispoñibles na Conserxería do Instituto e tamén máis abaixo (en documentos adxuntos: “Solicitude admisión...”.

NOTA INFORMATIVA:

  • Que, cada alumno/a só pode presentar unha única solicitude no centro no que solicite en primeiro lugar, na que se poderá facer constar unha relación de ata 5 centros mais por orde de preferencia, advertindo que a infracción determinará a perda dos dereitos de prioridade que poidan corresponderlle.

  • Que o alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.

  • Que o alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión. 

 
 
 
DOCUMENTACIÓN e MÁIS INFORMACIÓN:ver máis abaixo en Adxuntos.
NORMATIVA
 
Presentación da documentación acreditativa dos criterios de baremos: do 23 de marzo ata o 5 de abril.
 
Listados:

  • Publicación das listaxes provisionais do alumnado admitido e non admitido: antes do 25 de abril.

  • Reclamacións contra as listaxes provisionais: no prazo de 5 días hábiles contados desde o seguinte ao da súa publicación.

  • Publicación das listaxes definitivas do alumnado admitido e non admitido: antes do 15 de maio.

 
FORMALIZACIÓN DA MATRÍCULA NA ESO E BACH (para o alumnado do centro e para o alumnado novo que foi admitido no proceso de Admisión descrito previamente):
  • Prazo para a matrícula ordinaria: indicarase oportunamente.
  • Prazo para a matrícula extraordinaria: indicarase oportunamente.

ADXUNTOS A CONSULTAR:

Distribuir contido


by Dr. Radut